ਚੰਡੀਗੜ੍ਹ, 19 ਫਰਵਰੀ 2025: ਸਟਾਰ ਟੈਨਿਸ ਖਿਡਾਰੀ ਨੋਵਾਕ ਜੋਕੋਵਿਚ (Novak Djokovic) ਮੰਗਲਵਾਰ ਨੂੰ ਕਤਰ ਓਪਨ ਟੈਨਿਸ ਟੂਰਨਾਮੈਂਟ ਦੇ ਪਹਿਲੇ ਦੌਰ ‘ਚ ਮੈਟੀਓ ਬੇਰੇਟਿਨੀ ਤੋਂ ਹਾਰਨ ਤੋਂ ਬਾਅਦ ਬਾਹਰ ਹੋ ਗਿਆ। ਪੈਰ ਦੀਆਂ ਮਾਸਪੇਸ਼ੀਆਂ ਦੀ ਸੱਟ ਕਾਰਨ ਆਸਟ੍ਰੇਲੀਅਨ ਓਪਨ ਤੋਂ ਹਟਣ ਤੋਂ ਬਾਅਦ ਆਪਣਾ ਪਹਿਲਾ ਮੈਚ ਖੇਡ ਰਹੇ ਸਰਬੀਆ ਦੇ ਜੋਕੋਵਿਚ ਨੂੰ ਸਿੱਧੇ ਸੈੱਟਾਂ ‘ਚ 6-7, 2-6 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਇਹ ਇਟਾਲੀਅਨ ਖਿਡਾਰੀ ਖਿਲਾਫ ਪੰਜ ਮੈਚਾਂ ‘ਚ ਦੁਨੀਆ ਦੇ ਸੱਤਵੇਂ ਨੰਬਰ ਦੇ 37 ਸਾਲਾ ਜੋਕੋਵਿਚ ਦੀ ਪਹਿਲੀ ਹਾਰ ਹੈ। ਜੋਕੋਵਿਚ ਨੂੰ ਹੁਣ ਜਿੰਮੀ ਕੋਨਰਜ਼ (109) ਅਤੇ ਰੋਜਰ ਫੈਡਰਰ (103) ਦੇ ਨਾਲ ਏਟੀਪੀ ਟੂਰ ‘ਤੇ 100 ਖਿਤਾਬ ਜਿੱਤਣ ਵਾਲਿਆਂ ਦੇ ਕਲੱਬ ਵਿੱਚ ਸ਼ਾਮਲ ਹੋਣ ਲਈ ਹੋਰ ਇੰਤਜ਼ਾਰ ਕਰਨਾ ਪਵੇਗਾ।
24 ਵਾਰ ਦੇ ਗ੍ਰੈਂਡ ਸਲੈਮ ਚੈਂਪੀਅਨ ਜੋਕੋਵਿਚ ਆਸਟ੍ਰੇਲੀਅਨ ਓਪਨ ਦੇ ਸੈਮੀਫਾਈਨਲ ‘ਚ ਪਹੁੰਚੇ ਪਰ ਲੱਤ ਦੀਆਂ ਮਾਸਪੇਸ਼ੀਆਂ ਦੀ ਸੱਟ ਕਾਰਨ ਅਲੈਗਜ਼ੈਂਡਰ ਜ਼ਵੇਰੇਵ ਵਿਰੁੱਧ ਆਪਣੇ ਮੈਚ ਤੋਂ ਹਟਣਾ ਪਿਆ।
ਜੋਕੋਵਿਚ (Novak Djokovic) ਨੇ ਕਿਹਾ ਕਿ ਉਨ੍ਹਾਂ ਕੋਈ ਦਰਦ ਜਾਂ ਬੇਅਰਾਮੀ ਮਹਿਸੂਸ ਨਹੀਂ ਹੋਈ। “ਮੈਂ ਇੱਕ ਬਿਹਤਰ ਖਿਡਾਰੀ ਤੋਂ ਹਾਰ ਗਿਆ ਹਾਂ,। ਮੈਂ ਉਸ ਪੱਧਰ ‘ਤੇ ਨਹੀਂ ਸੀ ਜੋ ਮੈਂ ਚਾਹੁੰਦਾ ਸੀ ਅਤੇ ਇਹ ਹੋ ਸਕਦਾ ਹੈ ਕਿ ਮੈਂ ਅਜੇ ਵੀ ਉਸ ਤਰੀਕੇ ਨਾਲ ਅੱਗੇ ਨਹੀਂ ਵਧ ਸਕਦਾ ਜਿਸ ਤਰ੍ਹਾਂ ਮੈਂ ਚਾਹੁੰਦਾ ਹਾਂ। ਪਰ ਮੈਂ ਬਿਨਾਂ ਦਰਦ ਦੇ ਖੇਡਿਆ, ਇਸ ਲਈ ਕੋਈ ਬਹਾਨਾ ਨਹੀਂ ਹੈ।
Read More: Tennis: ਨੋਵਾਕ ਜੋਕੋਵਿਚ ਸਭ ਤੋਂ ਵੱਧ ਗ੍ਰੈਂਡ ਸਲੈਮ ਮੈਚ ਖੇਡਣ ਵਾਲਾ ਖਿਡਾਰੀ ਬਣਿਆ, ਰੋਜਰ ਫੈਡਰਰ ਦਾ ਤੋੜਿਆ ਰਿਕਾਰਡ
