ਸਪੋਰਟਸ, 07 ਜੁਲਾਈ 2026: ਆਸਟ੍ਰੇਲੀਆ ਨੇ 7ਵੀਂ ਵਾਰ ਮਹਿਲਾ ਟੀ-20 ਵਿਸ਼ਵ ਕੱਪ ਜਿੱਤਿਆ ਹੈ। ਆਸਟ੍ਰੇਲੀਆ ਟੀਮ ਨੇ ਲਾਰਡਸ ਵਿਖੇ ਖੇਡੇ ਗਏ ਫਾਈਨਲ ‘ਚ ਇੰਗਲੈਂਡ ਨੂੰ 7 ਵਿਕਟਾਂ ਨਾਲ ਹਰਾਇਆ। ਆਸਟ੍ਰੇਲੀਆ ਨੇ 151 ਦੌੜਾਂ ਦਾ ਟੀਚਾ 17 ਗੇਂਦਾਂ ਬਾਕੀ ਰਹਿੰਦਿਆਂ 3 ਵਿਕਟਾਂ ਨਾਲ ਹਾਸਲ ਕਰ ਲਿਆ।
ਬੈਥ ਮੂਨੀ ਨੇ 49 ਗੇਂਦਾਂ ‘ਤੇ 64 ਦੌੜਾਂ ਦੀ ਮੈਚ ਜੇਤੂ ਪਾਰੀ ਖੇਡੀ, ਜਿਸ ‘ਚ 10 ਚੌਕੇ ਲੱਗੇ। ਫੀਬੀ ਲਿਚਫੀਲਡ ਨੇ 35 ਗੇਂਦਾਂ ‘ਤੇ 48 ਦੌੜਾਂ ਬਣਾਈਆਂ। ਦੋਵਾਂ ਨੇ ਦੂਜੀ ਵਿਕਟ ਲਈ 100 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਜਿੱਤ ਦੀ ਨੀਂਹ ਰੱਖੀ। ਅੰਤ ‘ਚ, ਐਲਿਸ ਪੈਰੀ (13)* ਅਤੇ ਐਸ਼ਲੇ ਗਾਰਡਨਰ (3)* ਨੇ ਜਿੱਤ ਪੱਕੀ ਕੀਤੀ। ਇੰਗਲੈਂਡ ਲਈ ਲੌਰੇਨ ਬੈੱਲ, ਚਾਰਲੀ ਡੀਨ ਅਤੇ ਸੋਫੀ ਏਕਲਸਟੋਨ ਨੇ 1-1 ਵਿਕਟ ਲਈ।
ਇਸ ਤੋਂ ਪਹਿਲਾਂ, ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਤੋਂ ਬਾਅਦ, ਇੰਗਲੈਂਡ ਨੇ 20 ਓਵਰਾਂ ‘ਚ 4 ਵਿਕਟਾਂ ‘ਤੇ 150 ਦੌੜਾਂ ਬਣਾਈਆਂ। ਕਪਤਾਨ ਨੈਟ ਸਾਈਵਰ-ਬਰੰਟ ਨੇ ਨਾਬਾਦ 58 ਦੌੜਾਂ ਅਤੇ ਫ੍ਰੀਆ ਕੈਂਪ ਨੇ ਨਾਬਾਦ 44 ਦੌੜਾਂ ਬਣਾਈਆਂ। ਦੋਵਾਂ ਨੇ ਪੰਜਵੀਂ ਵਿਕਟ ਲਈ 80 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਆਸਟ੍ਰੇਲੀਆ ਲਈ ਲੂਸੀ ਹੈਮਿਲਟਨ, ਐਨਾਬੇਲ ਸਦਰਲੈਂਡ, ਸੋਫੀ ਮੋਲੀਨੋ ਅਤੇ ਕਿਮ ਗਾਰਥ ਨੇ ਇੱਕ-ਇੱਕ ਵਿਕਟ ਲਈ।
ਇਸ ਤੋਂ ਪਹਿਲਾਂ, ਟੀਮ ਨੇ 2010, 2012, 2014, 2018, 2020 ਅਤੇ 2023 ‘ਚ ਜਿੱਤ ਪ੍ਰਾਪਤ ਕੀਤੀ ਸੀ। ਹੋਰ ਜੇਤੂਆਂ ‘ਚ ਇੰਗਲੈਂਡ (2009), ਵੈਸਟਇੰਡੀਜ਼ (2016), ਅਤੇ ਨਿਊਜ਼ੀਲੈਂਡ (2024) ਸ਼ਾਮਲ ਹਨ।
ਫਾਈਨਲ ਬਣੇ ਵੱਡੇ ਰਿਕਾਰਡ
ਆਸਟ੍ਰੇਲੀਆ ਹੁਣ ਬਿਨਾਂ ਕੋਈ ਮੈਚ ਹਾਰੇ ਤਿੰਨ ਵਾਰ ਮਹਿਲਾ ਟੀ-20 ਵਿਸ਼ਵ ਕੱਪ ਜਿੱਤਣ ਵਾਲੀ ਪਹਿਲੀ ਟੀਮ ਬਣ ਗਈ ਹੈ। ਆਸਟ੍ਰੇਲੀਆ ਟੀਮ ਨੇ 2010, 2023 ਅਤੇ ਅੱਜ ਦੇ ਦਿਨ ਇਹ ਉਪਲਬਧੀ ਹਾਸਲ ਕੀਤੀ। ਇੰਗਲੈਂਡ ਨੇ 2009 ‘ਚ ਪਹਿਲੇ ਐਡੀਸ਼ਨ ਵਿੱਚ ਅਜਿਹਾ ਕੀਤਾ ਸੀ।
Read More: IND ਬਨਾਮ ENG: ਵੈਭਵ ਸੂਰਿਆਵੰਸ਼ੀ ਭਾਰਤ ਲਈ ਡੈਬਿਊ ਕਰਨ ਵਾਲੇ ਸਭ ਤੋਂ ਘੱਟ ਉਮਰ ਦੇ ਕ੍ਰਿਕਟਰ ਬਣੇ
