ਸਪੋਰਟਸ, 14 ਅਕਤੂਬਰ 2026: WI ਬਨਾਮ SL: ਵੈਸਟਇੰਡੀਜ਼ ਦੇ ਸ਼ਾਈ ਹੋਪ ਅਤੇ ਅਲਜ਼ਾਰੀ ਜੋਸਫ਼ ਬੰਗਲਾਦੇਸ਼ ਵਿਰੁੱਧ ਦੋ ਟੈਸਟ ਮੈਚਾਂ ਦੀ ਸੀਰੀਜ਼ ਤੋਂ ਬਾਹਰ ਹੋ ਗਏ ਹਨ। 23 ਸਾਲਾ ਟਾਪ ਆਰਡਰ ਬੱਲੇਬਾਜ਼ ਕੇਵਿਨ ਵਿਕਹੈਮ ਨੂੰ ਪਹਿਲੀ ਵਾਰ ਟੈਸਟ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ। ਆਲਰਾਊਂਡਰ ਕੀਮੋ ਪਾਲ ਨੂੰ ਵੀ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ।
ਕ੍ਰਿਕਟ ਵੈਸਟਇੰਡੀਜ਼ (CWI) ਨੇ ਕਿਹਾ ਕਿ ਜੋਸਫ਼ ਨੂੰ ਮੈਡੀਕਲ ਟੈਸਟਾਂ ਅਤੇ ਮਾਹਰਾਂ ਦੀ ਸਲਾਹ ਤੋਂ ਬਾਅਦ ਹਟਾ ਦਿੱਤਾ ਗਿਆ ਹੈ। ਬੋਰਡ ਨੇ ਸੱਟ ਦੇ ਜੋਖਮ ਕਾਰਨ ਉਸਦੇ ਕੰਮ ਦਾ ਬੋਝ ਘਟਾਉਣ ਦਾ ਫੈਸਲਾ ਕੀਤਾ ਹੈ। ਕੈਰੇਬੀਅਨ ਟੀਮ ਇਸ ਸਮੇਂ ਭਾਰਤ ਦੇ ਦੌਰੇ ‘ਤੇ ਹੈ ਅਤੇ 28 ਅਕਤੂਬਰ ਤੋਂ ਬੰਗਲਾਦੇਸ਼ ਵਿਰੁੱਧ ਸੀਰੀਜ਼ ਖੇਡਣੀ ਹੈ।
CWI ਨੇ ਕਿਹਾ ਕਿ ਜੋਸਫ਼ ਨੂੰ ਟੀਮ ‘ਚੋਂ ਹਟਾਉਣ ਦਾ ਫੈਸਲਾ ਉਸਦੀ ਸਹਿਮਤੀ ਨਾਲ ਕੀਤਾ ਗਿਆ ਸੀ। ਬੋਰਡ ਨੇ ਕੰਮ ਦੇ ਬੋਝ ਕਾਰਨ ਸੱਟ ਲੱਗਣ ਦੇ ਜੋਖਮ ਨੂੰ ਘਟਾਉਣ ਲਈ ਇਹ ਕਦਮ ਚੁੱਕਿਆ ਹੈ।
ਬੋਰਡ ਨੇ ਕਿਹਾ ਕਿ ਬੰਗਲਾਦੇਸ਼ ਵਿੱਚ ਲਗਾਤਾਰ ਦੋ ਟੈਸਟ ਮੈਚਾਂ ਲਈ ਤੇਜ਼ ਗੇਂਦਬਾਜ਼ਾਂ ਨੂੰ ਲੰਬੇ ਸਮੇਂ ਲਈ ਵਾਰ-ਵਾਰ ਗੇਂਦਬਾਜ਼ੀ ਕਰਨ ਦੀ ਲੋੜ ਹੁੰਦੀ ਹੈ। ਇਸ ਨਾਲ ਛੋਟੇ ਵ੍ਹਾਈਟ-ਬਾਲ ਫਾਰਮੈਟ ਦੇ ਮੁਕਾਬਲੇ ਵਰਕਲੋਡ ਅਤੇ ਸੱਟ ਦਾ ਜੋਖਮ ਕਾਫ਼ੀ ਜ਼ਿਆਦਾ ਹੁੰਦਾ ਹੈ।
ਮੁੱਖ ਕੋਚ ਡੈਰੇਨ ਸੈਮੀ ਨੇ ਕਿਹਾ, “ਅਸੀਂ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਚੱਕਰ ਦੀ ਸ਼ੁਰੂਆਤ ‘ਚ ਕੁਝ ਟੀਚੇ ਰੱਖੇ ਸਨ। ਇਨ੍ਹਾਂ ‘ਚ ਰੈਂਕਿੰਗ ਦੇ ਸਿਖਰਲੇ ਅੱਧ ‘ਚ ਸਥਾਨ ਪ੍ਰਾਪਤ ਕਰਨਾ ਸ਼ਾਮਲ ਸੀ।” ਉਨ੍ਹਾਂ ਨੇ ਕਿਹਾ, “ਇਹ ਲੜੀ ਜਿੱਤਣ ਨਾਲ ਅਸੀਂ ਉਸ ਟੀਚੇ ਦੇ ਨੇੜੇ ਜਾਵਾਂਗੇ। ਬੰਗਲਾਦੇਸ਼ ਨੂੰ ਉਨ੍ਹਾਂ ਦੇ ਘਰੇਲੂ ਹਾਲਾਤਾਂ ‘ਚ ਖੇਡਣਾ ਚੁਣੌਤੀਪੂਰਨ ਹੋਵੇਗਾ। ਅਸੀਂ ਇਸਦੇ ਲਈ ਤਿਆਰ ਹਾਂ।” ਬੰਗਲਾਦੇਸ਼ ਅਤੇ ਵੈਸਟਇੰਡੀਜ਼ ਵਿਚਕਾਰ ਪਹਿਲਾ ਟੈਸਟ 28 ਅਕਤੂਬਰ ਤੋਂ ਢਾਕਾ ‘ਚ ਖੇਡਿਆ ਜਾਵੇਗਾ। ਦੂਜਾ ਟੈਸਟ 5 ਨਵੰਬਰ ਨੂੰ ਸਿਲਹਟ ‘ਚ ਸ਼ੁਰੂ ਹੋਵੇਗਾ।
Read More: IND ਬਨਾਮ WI: ਹੈਦਰਾਬਾਦ ‘ਚ ਇਕ ਵੀ ਟੀ-20 ਮੈਚ ਨਹੀਂ ਹਾਰਿਆ ਭਾਰਤ, ਵੈਸਟਇੰਡੀਜ਼ ਨਾਲ ਅੱਜ ਚੌਥਾ ਮੈਚ
