ਪੰਜਾਬ, 27 ਅਗਸਤ 2026: Analogue Paneer ban: ਜਨਤਾ ਦੀ ਸਿਹਤ ਅਤੇ ਭੋਜਨ ਸੁਰੱਖਿਆ ਨੂੰ ਧਿਆਨ ‘ਚ ਰੱਖਦੇ ਹੋਏ, ਪੰਜਾਬ ਸਰਕਾਰ ਨੇ ਸੂਬੇ ‘ਚ ਐਨਾਲਾਗ ਪਨੀਰ ਦੇ ਉਤਪਾਦਨ, ਸਟੋਰੇਜ, ਆਵਾਜਾਈ, ਵੰਡ ਅਤੇ ਵਿਕਰੀ ‘ਤੇ ਇੱਕ ਸਾਲ ਲਈ ਪੂਰਨ ਪਾਬੰਦੀ ਲਗਾਈ ਹੈ। ਸਰਕਾਰ ਨੇ ਇਹ ਹੁਕਮ ਫੂਡ ਸੇਫਟੀ ਐਂਡ ਸਟੈਂਡਰਡਜ਼ ਐਕਟ, 2006 ਦੀ ਧਾਰਾ 30(2)(ਏ) ਦੇ ਤਹਿਤ ਜਾਰੀ ਕੀਤਾ ਹੈ।
ਸਰਕਾਰ ਦੇ ਹੁਕਮਾਂ ਦੀ ਪਾਲਣਾ ਕਰਦੇ ਹੋਏ, ਐਨਾਲਾਗ ਪਨੀਰ ਦੇ ਉਤਪਾਦਨ, ਸਟੋਰੇਜ, ਆਵਾਜਾਈ, ਵੰਡ ਜਾਂ ਵਿਕਰੀ ‘ਤੇ ਤੁਰੰਤ ਪਾਬੰਦੀ ਲਗਾਈ ਜਾਵੇਗੀ। ਐਨਾਲਾਗ ਪਨੀਰ ਦੇ ਕਿਸੇ ਵੀ ਉਤਪਾਦਨ, ਸਟੋਰੇਜ, ਆਵਾਜਾਈ, ਵੰਡ ਜਾਂ ਵਿਕਰੀ ‘ਤੇ ਫੂਡ ਸੇਫਟੀ ਐਕਟ ਦੇ ਤਹਿਤ ਮੁਕੱਦਮਾ ਚਲਾਇਆ ਜਾਵੇਗਾ। ਪਾਬੰਦੀ ਦੀ ਉਲੰਘਣਾ ਕਰਨ ਵਾਲਿਆਂ ‘ਤੇ ਕਾਨੂੰਨ ਅਨੁਸਾਰ ਸਬੰਧਤ ਅਧਿਕਾਰੀਆਂ ਦੁਆਰਾ ਮੁਕੱਦਮਾ ਚਲਾਇਆ ਜਾਵੇਗਾ।
ਐਨਾਲਾਗ ਪਨੀਰ ਕੀ ਹੈ ?
ਐਨਾਲਾਗ ਪਨੀਰ ਅਸਲੀ ਦੁੱਧ ਤੋਂ ਬਣੇ ਪਨੀਰ ਤੋਂ ਵੱਖਰਾ ਹੈ। ਇਹ ਦੁੱਧ ਦੀ ਬਜਾਏ ਬਨਸਪਤੀ ਤੇਲ, ਚਰਬੀ, ਸਟਾਰਚ ਅਤੇ ਹੋਰ ਸਮੱਗਰੀ ਦੀ ਵਰਤੋਂ ਕਰਕੇ ਤਿਆਰ ਕੀਤਾ ਜਾਂਦਾ ਹੈ। ਬਾਜ਼ਾਰ ‘ਚ ਇਸਨੂੰ ਅਸਲੀ ਪਨੀਰ ਦੇ ਰੂਪ ‘ਚ ਵੇਚੇ ਜਾਣ ਦੀਆਂ ਕਈ ਸ਼ਿਕਾਇਤਾਂ ਮਿਲੀਆਂ ਸਨ। ਇਸ ਦੇ ਮੱਦੇਨਜ਼ਰ, ਸਰਕਾਰ ਨੇ ਜਨਤਕ ਸਿਹਤ ਅਤੇ ਭੋਜਨ ਸੁਰੱਖਿਆ ਨੂੰ ਤਰਜੀਹ ਦਿੰਦੇ ਹੋਏ ਪਾਬੰਦੀ ਲਗਾਈ ਹੈ।
Read More: ਮੋਹਾਲੀ ਹਾਊਸਿੰਗ ਪ੍ਰੋਜੈਕਟ ਮਾਮਲੇ ‘ਚ ED ਵੱਲੋਂ IAS ਕੰਵਲਪ੍ਰੀਤ ਕੌਰ ਨਾਲ ਪੁੱਛਗਿੱਛ
