ਫਲੋਰੀਡਾ , 10 ਨਵੰਬਰ 2026: CJ Beach died: ਅਮਰੀਕਾ ਦੇ ਫਲੋਰੀਡਾ ਤੋਂ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। 22 ਸਾਲਾ ਕੰਟਰੀ ਗਾਇਕ ਸੀਜੇ ਬੀਚ ਦੀ 7 ਨਵੰਬਰ ਨੂੰ ਇੱਕ ਕਾਰ ਹਾਦਸੇ ‘ਚ ਮੌਤ ਹੋ ਗਈ। ਗਾਇਕ ਦੀ ਕਾਰ ਸੜਕ ਤੋਂ ਉਤਰ ਗਈ ਅਤੇ ਕਈ ਦਰੱਖਤਾਂ ਨਾਲ ਟਕਰਾ ਗਈ। ਕੁਝ ਰਿਪੋਰਟਾਂ ‘ਚ ਕਿਹਾ ਗਿਆ ਹੈ ਕਿ ਉਸਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਕੁਝ ‘ਚ ਕਿਹਾ ਗਿਆ ਹੈ ਕਿ ਉਨ੍ਹਾਂ ਨੇ ਹਸਪਤਾਲ ‘ਚ ਇਲਾਜ ਦੌਰਾਨ ਆਪਣੀ ਸੱਟਾਂ ਨਾਲ ਦਮ ਤੋੜ ਦਿੱਤਾ।
ਸੀਜੇ ਬੀਚ ਦੀ ਮੌਤ ਦੀ ਪੁਸ਼ਟੀ ਉਸਦੇ ਪਿਤਾ ਨੇ ਇੱਕ ਫੇਸਬੁੱਕ ਪੋਸਟ ‘ਚ ਕੀਤੀ। ਹੈਰਾਨੀ ਦੀ ਗੱਲ ਹੈ ਕਿ ਹਾਦਸੇ ਤੋਂ ਕੁਝ ਘੰਟੇ ਪਹਿਲਾਂ, ਸੀਜੇ ਨੇ ਪੈਨੇਸੀਆ ‘ਚ ਇੱਕ ਰੈਸਟੋਰੈਂਟ ਅਤੇ ਸੰਗੀਤ ਸਥਾਨ, ਦ ਸਾਲਟੀ ਡੌਂਕੀ ‘ਚ ਸ਼ੋਅ ਕੀਤਾ ਸੀ।
ਸੀਜੇ ਬੀਚ ਫਲੋਰੀਡਾ ਦਾ ਇੱਕ ਗਾਇਕ ਸੀ। ਉਨ੍ਹਾਂ ਨੇ ਸੋਲੋ ਗਾਇਆ ਅਤੇ ਆਪਣੇ ਬੈਂਡ, ਸੀਜੇ ਐਂਡ ਦ ਡੈੱਡਮੈਨ ਨਾਲ ਪਰਫੋਰਮ ਕੀਤਾ ਸੀ। ਉਹ ਸੋਸ਼ਲ ਮੀਡੀਆ ‘ਤੇ ਵੀ ਬਹੁਤ ਸਰਗਰਮ ਸੀ, ਅਕਸਰ ਆਪਣੇ ਅਤੇ ਆਪਣੇ ਬੈਂਡ ਦੇ ਗੀਤਾਂ ਦੇ ਵੀਡੀਓ ਸ਼ੇਅਰ ਕਰਦਾ ਸੀ। ਸੀਜੇ ਵੀ ਉਨ੍ਹਾਂ ਲੋਕਾਂ ‘ਚ ਸ਼ਾਮਲ ਸੀ ਜਿਨ੍ਹਾਂ ਨੇ ‘ਡੈੱਡਮੈਨ ਵਾਕਿੰਗ ਮਿਊਜ਼ਿਕ ਫੈਸਟੀਵਲ’ ਸ਼ੁਰੂ ਕੀਤਾ ਸੀ।
Read More: ਨਾਨਾ ਪਾਟੇਕਰ: ਗਰੀਬੀ ਤੋਂ ਸ਼ੋਹਰਤ ਤੱਕ, ਐਕਟਿੰਗ ਦੇ ਬਾਦਸ਼ਾਹ ਦਾ ਸਫ਼ਰ
