ਸਪੋਰਟਸ, 17 ਜੂਨ 2026: NZ W ਬਨਾਮ SL W Result: ਮੰਗਲਵਾਰ ਨੂੰ ਖੇਡੇ ਗਏ ਮਹਿਲਾ ਟੀ-20 ਵਿਸ਼ਵ ਕੱਪ ਦੇ ਮੈਚ ‘ਚ ਸ਼੍ਰੀਲੰਕਾ ਨੇ ਮੌਜੂਦਾ ਚੈਂਪੀਅਨ ਨਿਊਜ਼ੀਲੈਂਡ ਨੂੰ ਇੱਕ ਰੋਮਾਂਚਕ ਮੈਚ ‘ਚ 5 ਵਿਕਟਾਂ ਨਾਲ ਹਰਾ ਕੇ ਵੱਡਾ ਉਲਟਫੇਰ ਕੀਤਾ ਹੈ | ਇਹ ਪਹਿਲਾ ਮੌਕਾ ਹੈ ਜਦੋਂ ਸ਼੍ਰੀਲੰਕਾ ਨੇ ਮਹਿਲਾ ਵਿਸ਼ਵ ਕੱਪ ‘ਚ ਨਿਊਜ਼ੀਲੈਂਡ ਨੂੰ ਹਰਾਇਆ ਹੈ। ਇਸੇ ਮੈਦਾਨ ‘ਤੇ ਖੇਡੇ ਗਏ ਦੂਜੇ ਮੈਚ ‘ਚ ਇੰਗਲੈਂਡ ਨੇ ਆਇਰਲੈਂਡ ਨੂੰ 4 ਵਿਕਟਾਂ ਨਾਲ ਹਰਾ ਕੇ ਇਸ ਵਿਸ਼ਵ ਕੱਪ ‘ਚ ਆਪਣੀ ਦੂਜੀ ਜਿੱਤ ਦਰਜ ਕੀਤੀ।
ਸਾਊਥੈਂਪਟਨ ‘ਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਨਿਊਜ਼ੀਲੈਂਡ ਨੇ 20 ਓਵਰਾਂ ‘ਚ 150/6 ਦੌੜਾਂ ਬਣਾਈਆਂ। ਇਸਦੇ ਜਵਾਬ ‘ਚ ਸ਼੍ਰੀਲੰਕਾ ਨੇ 5 ਵਿਕਟਾਂ ਦੇ ਨੁਕਸਾਨ ‘ਤੇ 19.4 ਓਵਰਾਂ ‘ਚ ਟੀਚਾ ਪ੍ਰਾਪਤ ਕਰ ਲਿਆ।
ਸ਼੍ਰੀਲੰਕਾ ਦੀ ਕਪਤਾਨ ਚਮਾਰੀ ਅਟਾਪੱਟੂ ਨੇ ਸ਼੍ਰੀਲੰਕਾ ਨੂੰ ਚੰਗੀ ਸ਼ੁਰੂਆਤ ਦਿਵਾਈ। ਜਦੋਂ ਉਹ ਪਾਵਰਪਲੇ ਦੇ ਆਖਰੀ ਓਵਰ ‘ਚ ਆਊਟ ਹੋਈ ਤਾਂ ਟੀਮ ਦਾ ਸਕੋਰ 45 ਦੌੜਾਂ ਸੀ। ਉਨ੍ਹਾਂ ਨੇ 19 ਗੇਂਦਾਂ ‘ਚ 27 ਦੌੜਾਂ ਬਣਾਈਆਂ। ਸ਼੍ਰੀਲੰਕਾ ਨੇ 55 ਦੌੜਾਂ ਤੱਕ ਪਹੁੰਚਣ ਤੋਂ ਪਹਿਲਾਂ 4 ਵਿਕਟਾਂ ਗੁਆ ਦਿੱਤੀਆਂ। ਇਸ ਤੋਂ ਬਾਅਦ, ਕ੍ਰੀਜ਼ ‘ਤੇ ਆਈ ਨੀਲਕਸ਼ਿਕਾ ਸਿਲਵਾ ਨੇ ਇੱਕ ਸਿਰਾ ਸੰਭਾਲਿਆ।
ਦੌੜ ਦਾ ਪਿੱਛਾ ਕਰਦੇ ਹੋਏ, ਸ਼੍ਰੀਲੰਕਾ ਨੇ 55 ਦੌੜਾਂ ‘ਤੇ 4 ਵਿਕਟਾਂ ਗੁਆ ਦਿੱਤੀਆਂ ਸਨ। ਨੀਲਾਸ਼ਿਕਾ ਸਿਲਵਾ (54*) ਅਤੇ ਕੌਸਾਨੀ ਨੁਥਿਆੰਗਾਨਾ (24*) ਨੇ ਫਿਰ 19.4 ਓਵਰਾਂ ‘ਚ ਟੀਮ ਨੂੰ ਜਿੱਤ ਦਿਵਾਈ। ਨੀਲਕਸ਼ਿਕਾ ਨੂੰ ਉਸਦੀ ਮੈਚ ਜੇਤੂ ਪਾਰੀ ਲਈ ਮੈਨ ਆਫ ਦ ਮੈਚ ਚੁਣਿਆ ਗਿਆ।
ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਨਿਊਜ਼ੀਲੈਂਡ ਦੀ ਸ਼ੁਰੂਆਤ ਮਾੜੀ ਰਹੀ। ਓਪਨਰ ਇਸਾਬੇਲਾ ਗੇਜ ਪਹਿਲੇ ਹੀ ਓਵਰ ‘ਚ ਆਊਟ ਹੋ ਗਈ। ਇਸ ਤੋਂ ਬਾਅਦ, ਅਮੇਲੀਆ ਕੇਰ ਅਤੇ ਜਾਰਜੀਆ ਪਲੈਮਰ ਦੀ ਜੋੜੀ ਕ੍ਰੀਜ਼ ‘ਤੇ ਟਿਕੀ ਰਹੀ, 49 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਜਾਰਜੀਆ 18 ਦੌੜਾਂ ‘ਤੇ ਆਊਟ ਹੋ ਗਈ। ਕਪਤਾਨ ਕੇਰ 36 ਗੇਂਦਾਂ ‘ਤੇ 45 ਦੌੜਾਂ ਬਣਾ ਕੇ ਅਰਧ ਸੈਂਕੜਾ ਬਣਾਉਣ ਤੋਂ ਖੁੰਝ ਗਈ। ਇਸ ਤੋਂ ਬਾਅਦ, ਨਿਊਜ਼ੀਲੈਂਡ ਖੁੱਲ੍ਹ ਕੇ ਬੱਲੇਬਾਜ਼ੀ ਨਹੀਂ ਕਰ ਸਕਿਆ।
ਨਿਊਜ਼ੀਲੈਂਡ ਆਖਰੀ ਸੱਤ ਓਵਰਾਂ ‘ਚ ਸਿਰਫ਼ 52 ਦੌੜਾਂ ਹੀ ਬਣਾ ਸਕਿਆ। ਸੋਫੀ ਡੇਵਾਈਨ 45 ਦੌੜਾਂ ਬਣਾਉਣ ਤੋਂ ਬਾਅਦ 18ਵੇਂ ਓਵਰ ਦੀ ਆਖਰੀ ਗੇਂਦ ‘ਤੇ ਆਊਟ ਹੋ ਗਈ। ਸ਼੍ਰੀਲੰਕਾ ਨੇ ਆਖਰੀ ਦੋ ਓਵਰਾਂ ‘ਚ ਨਿਊਜ਼ੀਲੈਂਡ ਨੂੰ ਇੱਕ ਵੀ ਚੌਕਾ ਨਹੀਂ ਲਗਾਉਣ ਦਿੱਤਾ। ਕਵੀਸ਼ਾ ਦਿਲਹਾਰੀ ਨੇ ਦੋ ਵਿਕਟਾਂ ਲਈਆਂ।
