ਸਪੋਰਟਸ, 27 ਅਗਸਤ 2026: ENG ਬਨਾਮ PAK: ਇੰਗਲੈਂਡ ਅਤੇ ਪਾਕਿਸਤਾਨ ਵਿਚਾਲੇ ਤਿੰਨ ਟੈਸਟ ਮੈਚਾਂ ਦੀ ਸੀਰੀਜ਼ ਦਾ ਦੂਜਾ ਮੈਚ ਵੀਰਵਾਰ ਨੂੰ ਲਾਰਡਜ਼ ਵਿਖੇ ਦੁਪਹਿਰ 3:00 ਵਜੇ ਸ਼ੁਰੂ ਹੋ ਰਿਹਾ ਹੈ। ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਸੱਟ ਕਾਰਨ ਪਹਿਲਾ ਟੈਸਟ ਨਹੀਂ ਖੇਡ ਸਕੇ, ਪਰ ਉਨ੍ਹਾਂ ਦੇ ਦੂਜੇ ਟੈਸਟ ‘ਚ ਖੇਡਣ ਦੀ ਉਮੀਦ ਹੈ। ਬਾਬਰ ਆਜ਼ਮ, ਜੋ ਹੱਥ ਦੀ ਸੱਟ ਤੋਂ ਪੀੜਤ ਹੈ, ਉਨ੍ਹਾਂ ਨੇ ਪਿਛਲੇ ਹਫ਼ਤੇ ਸਿਖਲਾਈ ਲਈ ਅਤੇ ਫਿਟਨੈਸ ਪ੍ਰਾਪਤ ਕਰਨ ਲਈ ਸਖ਼ਤ ਮਿਹਨਤ ਕੀਤੀ ਹੈ ਅਤੇ ਦੂਜੇ ਟੈਸਟ ‘ਚ ਟੀਮ ਦੀ ਅਗਵਾਈ ਕਰਨ ਲਈ ਤਿਆਰ ਹੈ। ਸਲਮਾਨ ਅਲੀ ਆਗਾ ਨੇ ਪਹਿਲੇ ਟੈਸਟ ‘ਚ ਟੀਮ ਦੀ ਕਪਤਾਨੀ ਕੀਤੀ।
ਬਾਬਰ ਆਜ਼ਮ 90 ਫੀਸਦੀ ਫਿੱਟ
ਬਾਬਰ ਨੇ ਮੈਚ ਤੋਂ ਪਹਿਲਾਂ ਕਿਹਾ, “ਮੈਂ ਕੁਝ ਅਭਿਆਸ ਸੈਸ਼ਨ ਕੀਤੇ ਹਨ ਅਤੇ ਲਾਰਡਜ਼ ਟੈਸਟ ਲਈ 90 ਫੀਸਦੀ ਫਿੱਟ ਹਾਂ। ਜਦੋਂ ਵੀ ਤੁਸੀਂ ਪਾਕਿਸਤਾਨ ਟੀਮ ਦੀ ਕਪਤਾਨੀ ਕਰਦੇ ਹੋ, ਖਾਸ ਕਰਕੇ ਇਸ ਮੈਦਾਨ ‘ਤੇ, ਇਹ ਇੱਕ ਸਨਮਾਨ ਦੀ ਗੱਲ ਹੈ, ਅਤੇ ਮੈਂ ਆਪਣਾ ਸਭ ਕੁਝ ਦੇਵਾਂਗਾ। ਭਾਵੇਂ ਮੈਂ ਕਪਤਾਨ ਵਜੋਂ ਮੈਦਾਨ ‘ਤੇ ਹਾਂ ਜਾਂ ਬੱਲੇਬਾਜ਼ੀ, ਮੈਂ ਸਿਰਫ਼ ਆਪਣਾ ਖੇਡ ਖੇਡਾਂਗਾ।”
ਜੇਕਰ ਬਾਬਰ ਆਜ਼ਮ ਟੀਮ ‘ਚ ਵਾਪਸ ਆਉਂਦਾ ਹੈ, ਤਾਂ ਆਊਟ ਆਫ ਫਾਰਮ ਨੌਜਵਾਨ ਓਪਨਰ ਅਜ਼ਾਨ ਅਵੈਸ ਨੂੰ ਬਾਹਰ ਕੀਤਾ ਜਾ ਸਕਦਾ ਹੈ। ਆਜ਼ਮ ਨੇ ਅਬਦੁੱਲਾ ਸ਼ਫੀਕ ਨੂੰ ਚੌਥੇ ਨੰਬਰ ‘ਤੇ ਆਪਣੀ ਪਸੰਦੀਦਾ ਸਥਿਤੀ ਤੋਂ ਹਟਾਉਣ ਤੋਂ ਇਨਕਾਰ ਕਰ ਦਿੱਤਾ। ਸ਼ਫੀਕ ਸ਼ਾਨਦਾਰ ਬੱਲੇਬਾਜ਼ੀ ਕਰ ਰਿਹਾ ਹੈ, ਅਤੇ ਉਸਦੇ ਬੱਲੇਬਾਜ਼ੀ ਕ੍ਰਮ ਨਾਲ ਛੇੜਛਾੜ ਕਰਨਾ ਉਸਦੇ ਅਤੇ ਟੀਮ ਲਈ ਨੁਕਸਾਨਦੇਹ ਹੋ ਸਕਦਾ ਹੈ।
ਪਾਕਿਸਤਾਨ ਦੇ ਕਪਤਾਨ ਨੇ ਲਾਰਡਜ਼ ਟੈਸਟ ‘ਚ ਬਿਹਤਰ ਪ੍ਰਦਰਸ਼ਨ ਅਤੇ ਸੀਰੀਜ਼ 1-1 ਨਾਲ ਬਰਾਬਰ ਕਰਨ ਲਈ ਜਿੱਤ ਦੀ ਉਮੀਦ ਪ੍ਰਗਟਾਈ। ਉਨ੍ਹਾਂ ਨੇ ਕਿਹਾ, “ਮੈਨੂੰ ਲੱਗਦਾ ਹੈ ਕਿ ਅਸੀਂ ਪਹਿਲੇ ਟੈਸਟ ‘ਚ ਆਪਣਾ ਵਧੀਆ ਨਹੀਂ ਖੇਡੇ। ਇੰਗਲੈਂਡ ਜਿਸ ਤਰ੍ਹਾਂ ਖੇਡ ਰਿਹਾ ਹੈ ਉਸਦਾ ਸਿਹਰਾ ਉਸ ਨੂੰ ਜਾਂਦਾ ਹੈ। ਅਸੀਂ ਆਪਣੀਆਂ ਗਲਤੀਆਂ ‘ਤੇ ਚਰਚਾ ਕੀਤੀ ਹੈ। ਹੁਣ ਅਸੀਂ ਮੈਚ ਦੀ ਉਡੀਕ ਕਰ ਰਹੇ ਹਾਂ। ਸਾਨੂੰ ਆਪਣੇ ਆਪ ‘ਚ ਵਿਸ਼ਵਾਸ ਹੈ ਅਤੇ ਅਸੀਂ ਚੰਗੀ ਕ੍ਰਿਕਟ ਖੇਡਣ ਦੀ ਕੋਸ਼ਿਸ਼ ਕਰਾਂਗੇ।”
Read More: IND ਬਨਾਮ SL: ਕੋਲੰਬੋ ਟੈਸਟ ਮੈਚ ਦਾ ਅੱਜ ਆਖਰੀ ਦਿਨ, ਭਾਰਤ ਦੀ ਨਜ਼ਰ 4 ਵਿਕਟ ‘ਤੇ
