ਸਪੋਰਟਸ, 17 ਅਕਤੂਬਰ 2026: Delhi Capitals bowling coach: ਇੰਡੀਅਨ ਪ੍ਰੀਮੀਅਰ ਲੀਗ 2027 (IPL 2027) ਤੋਂ ਪਹਿਲਾਂ, ਦਿੱਲੀ ਕੈਪੀਟਲਸ ਨੇ ਸ਼ਨੀਵਾਰ (17 ਅਕਤੂਬਰ) ਨੂੰ ਸੌਰਵ ਗਾਂਗੁਲੀ ਦੀ ਅਗਵਾਈ ਵਾਲੇ ਨਵੇਂ ਕੋਚਿੰਗ ਸੈੱਟਅੱਪ ਦੇ ਗੇਂਦਬਾਜ਼ੀ ਕੋਚ ਦਾ ਐਲਾਨ ਕੀਤਾ। ਸ਼੍ਰੀਲੰਕਾ ਦੇ ਸਾਬਕਾ ਖਿਡਾਰੀ ਚਮਿੰਡਾ ਵਾਸ, ਜਿਨ੍ਹਾਂ ਕੋਲ 1,342 ਵਿਕਟਾਂ ਹਨ, ਉਨ੍ਹਾਂ ਨੂੰ ਇਸ ਭੂਮਿਕਾ ਲਈ ਨਿਯੁਕਤ ਕੀਤਾ ਗਿਆ ਹੈ। ਉਹ ਸਾਬਕਾ ਭਾਰਤੀ ਤੇਜ਼ ਗੇਂਦਬਾਜ਼ ਮੁਨਾਫ ਪਟੇਲ ਦੀ ਥਾਂ ਲੈਂਦੇ ਹਨ, ਜੋ ਪਿਛਲੇ ਦੋ ਸੀਜ਼ਨਾਂ ਤੋਂ ਇਸ ਅਹੁਦੇ ‘ਤੇ ਸਨ।
ਚਮਿੰਡਾ ਵਾਸ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਅਤੇ ਫ੍ਰੈਂਚਾਇਜ਼ੀ ਕ੍ਰਿਕਟ ਦੋਵਾਂ ‘ਚ ਕੋਚਿੰਗ ਦਾ ਤਜਰਬਾ ਹੈ। ਉਨ੍ਹਾਂ ਨੇ ਆਪਣਾ ਕੋਚਿੰਗ ਕਰੀਅਰ ਨਿਊਜ਼ੀਲੈਂਡ ਦੀ ਪੁਰਸ਼ ਟੀਮ ਲਈ ਸਲਾਹਕਾਰ ਵਜੋਂ ਸ਼ੁਰੂ ਕੀਤਾ। ਉਹ 2012-15, 2016-2017 ਅਤੇ 2021 ‘ਚ ਸ਼੍ਰੀਲੰਕਾ ਦੀ ਪੁਰਸ਼ ਟੀਮ ਨਾਲ ਜੁੜੇ ਹੋਏ ਸਨ। ਉਨ੍ਹਾਂ ਨੇ 2022 ‘ਚ ਤਨਖਾਹ ਵਿਵਾਦ ਕਾਰਨ ਅਸਤੀਫਾ ਦੇ ਦਿੱਤਾ।
ਚਮਿੰਡਾ ਵਾਸ ਦਾ ਕੋਚਿੰਗ ਅਨੁਭਵ
ਵਾਸ ਨੇ 2016 ਟੀ-20 ਵਿਸ਼ਵ ਕੱਪ ਦੌਰਾਨ ਆਇਰਲੈਂਡ ਟੀਮ ਨਾਲ ਕੰਮ ਕੀਤਾ। ਉਨ੍ਹਾਂ ਨੇ 2024 ਜ਼ਿਮ ਅਫਰੋ ਟੀ-10 ਲੀਗ ‘ਚ NYS ਲਾਗੋਸ ਨੂੰ ਕੋਚ ਕੀਤਾ। ਉਨ੍ਹਾਂ ਨੇ 2026 ਦੇ ਐਲਪੀਐਲ ‘ਚ ਕੈਂਡੀ ਰਾਇਲਜ਼ ਦੇ ਮੁੱਖ ਕੋਚ ਵਜੋਂ ਸੇਵਾ ਨਿਭਾਈ। ਉਨ੍ਹਾਂ ਨੇ ਸ਼੍ਰੀਲੰਕਾ ਕ੍ਰਿਕਟ ਲਈ ਇੱਕ ਤੇਜ਼ ਗੇਂਦਬਾਜ਼ੀ ਸਲਾਹਕਾਰ ਅਤੇ ਅਕੈਡਮੀ ਸਲਾਹਕਾਰ ਵਜੋਂ ਵੀ ਸੇਵਾ ਨਿਭਾਈ। ਵਾਸ ਨੇ ਆਈਪੀਐਲ ‘ਚ ਵੀ ਖੇਡਿਆ। ਉਨ੍ਹਾਂ ਨੇ 2008 ਅਤੇ 2010 ਦੇ ਵਿਚਕਾਰ ਡੈਕਨ ਚਾਰਜਰਜ਼ ਲਈ ਖੇਡਿਆ, ਫਰੈਂਚਾਇਜ਼ੀ ਲਈ 13 ਮੈਚਾਂ ‘ਚ 18 ਵਿਕਟਾਂ ਲਈਆਂ।
Read More: IND ਬਨਾਮ WI: ਭਾਰਤ ਤੇ ਵੈਸਟਇੰਡੀਜ਼ ਵਿਚਾਲੇ ਅੱਜ ਸੀਰੀਜ਼ ਦਾ ਫੈਸਲਾਕੁੰਨ ਮੈਚ, ਭਾਰਤੀ ਟੀਮ ‘ਚ ਭੁਵਨੇਸ਼ਵਰ ਦੀ ਵਾਪਸੀ
