ਯੂਕਰੇਨ, 07 ਸਤੰਬਰ 2026: ਰੂਸ-ਯੂਕਰੇਨ ਯੁੱਧ ਦੇ ਵਿਚਕਾਰ, ਯੂਕਰੇਨ ਯੁੱਧ ਲਈ ਫੰਡ ਇਕੱਠਾ ਕਰਨ ਦਾ ਇੱਕ ਤਰੀਕਾ ਲੱਭ ਰਿਹਾ ਹੈ, ਇੱਕ ਅਜਿਹਾ ਕਦਮ ਜਿਸਨੇ ਵਿਸ਼ਵਵਿਆਪੀ ਧਿਆਨ ਖਿੱਚਿਆ ਹੈ। ਵਰਲਡ ਸਟਰੀਟ ਜਰਨਲ ਦੇ ਅਨੁਸਾਰ, ਅਸ਼ਲੀਲ ਵੀਡੀਓ ਵਾਲੀਆਂ ਵੈੱਬਸਾਈਟਾਂ ਨੂੰ ਕਾਨੂੰਨੀ ਮਾਨਤਾ ਦੇਣ ਦਾ ਪ੍ਰਸਤਾਵ ਯੂਕਰੇਨ ਦੀ ਸੰਸਦ ‘ਚ ਪਹੁੰਚਿਆ ਹੈ।
ਇਸ ਪ੍ਰਸਤਾਵ ਦਾ ਉਦੇਸ਼ ਨਾ ਸਿਰਫ ਬਾਲਗ ਮਨੋਰੰਜਨ ਉਦਯੋਗ ਨੂੰ ਮਾਨਤਾ ਦੇਣਾ ਹੈ, ਬਲਕਿ ਇਸ ਤੋਂ ਟੈਕਸ ਇਕੱਠਾ ਕਰਕੇ ਸਰਕਾਰੀ ਖਜ਼ਾਨੇ ਨੂੰ ਵਧਾਉਣਾ ਵੀ ਹੈ। ਇਸ ਪ੍ਰਸਤਾਵ ਦਾ ਸਮਰਥਨ ਕਰਨ ਵਾਲੇ ਸੰਸਦ ਮੈਂਬਰ ਯਾਰੋਸਲਾਵ ਦਾ ਅੰਦਾਜ਼ਾ ਹੈ ਕਿ ਇਸ ਨਾਲ ਲਗਭਗ $25 ਮਿਲੀਅਨ ਟੈਕਸ ਪੈਦਾ ਹੋ ਸਕਦੇ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਇਹ ਰਕਮ ਯੁੱਧ ਲਈ 30,000 ਡਰੋਨ ਖਰੀਦਣ ‘ਚ ਮੱਦਦ ਕਰ ਸਕਦੀ ਹੈ।
ਅਜਿਹੀ ਇਤਰਾਜ਼ਯੋਗ ਸਮੱਗਰੀ ਦੇਖਣਾ ਲਗਭਗ 44 ਦੇਸ਼ਾਂ ‘ਚ ਇੱਕ ਅਪਰਾਧ ਹੈ। ਯੂਕਰੇਨ ‘ਚ, ਇਸਨੂੰ ਵਰਤਮਾਨ ‘ਚ ਇੱਕ ਅਪਰਾਧ ਮੰਨਿਆ ਜਾਂਦਾ ਹੈ, ਜਿਸਦੀ ਸਜ਼ਾ ਸੱਤ ਸਾਲ ਤੱਕ ਦੀ ਕੈਦ ਹੋ ਸਕਦੀ ਹੈ। ਇਸ ਦੇ ਬਾਵਜੂਦ, ਦੇਸ਼ ‘ਚ ਇਹ ਉਦਯੋਗ ਵਧ-ਫੁੱਲ ਰਿਹਾ ਹੈ। ਸਰਕਾਰ ਹੁਣ ਇੱਕ ਮੁਸ਼ਕਿਲ ਸਥਿਤੀ ਦਾ ਸਾਹਮਣਾ ਕਰ ਰਹੀ ਹੈ। ਰੂਸ ਨਾਲ ਜੰਗ ਲੜਨ ਲਈ ਕਾਫ਼ੀ ਪੈਸਾ ਖਰਚ ਕੀਤਾ ਜਾ ਰਿਹਾ ਹੈ। ਹੋਰ ਫੰਡ ਇਕੱਠਾ ਕਰਨ ਲਈ, ਯੂਕਰੇਨ ਬਾਲਗ ਸਮੱਗਰੀ ਦੇ ਉਤਪਾਦਕਾਂ ‘ਤੇ ਟੈਕਸ ਲਗਾਉਣ ਦੀ ਯੋਜਨਾ ਬਣਾ ਰਿਹਾ ਹੈ।
ਜ਼ੇਲੇਜ਼ਨਿਆਕ ਯੂਕਰੇਨੀ ਸੰਸਦ ਦੀ ਵਿੱਤ ਕਮੇਟੀ ਦੇ ਮੁਖੀ ਹਨ। ਉਸਦਾ ਮੰਨਣਾ ਹੈ ਕਿ ਜੇਕਰ ਬਾਲਗ ਮਨੋਰੰਜਨ ਉਦਯੋਗ ਨੂੰ ਕਾਨੂੰਨੀ ਮਾਨਤਾ ਦਿੱਤੀ ਜਾਂਦੀ ਹੈ, ਤਾਂ ਇਸ ਤੋਂ ਹੋਣ ਵਾਲਾ ਟੈਕਸ ਲਗਭਗ 25 ਮਿਲੀਅਨ ਡਾਲਰ ਤੱਕ ਪਹੁੰਚ ਸਕਦਾ ਹੈ।
Read More: ਚਿਲੀਮੇ ਸੁਰੰਗ ‘ਚ ਫਸੇ ਵਿਅਕਤੀਆਂ ਨੂੰ ਕੱਢਣ ਲਈ ਭਾਰਤੀ ਬਚਾਅ ਟੀਮ ਨੇ ਚਲਾਈ ਮੁਹਿੰਮ
