ਸਪੋਰਟਸ, 27 ਅਗਸਤ 2026: ਸਾਬਕਾ ਭਾਰਤੀ ਸਲਾਮੀ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਦੇ ਪੁੱਤਰ ਆਰਿਆਵੀਰ ਸਹਿਵਾਗ ਨੂੰ ਪਹਿਲੀ ਵਾਰ ਭਾਰਤੀ ਅੰਡਰ-19 ਟੀਮ ਲਈ ਚੁਣਿਆ ਗਿਆ ਹੈ। ਉਸਨੂੰ ਆਸਟ੍ਰੇਲੀਆ ਖ਼ਿਲਾਫ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਲਈ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ, ਜੋ ਸਤੰਬਰ ‘ਚ ਰਾਜਕੋਟ ‘ਚ ਖੇਡੀ ਜਾਵੇਗੀ। ਆਰਿਆਵੀਰ ਸੱਜੇ ਹੱਥ ਦਾ ਬੱਲੇਬਾਜ਼ ਹੈ ਅਤੇ ਵਰਤਮਾਨ ‘ਚ ਦਿੱਲੀ ਪ੍ਰੀਮੀਅਰ ਲੀਗ ‘ਚ ਵੈਸਟ ਦਿੱਲੀ ਲਾਇਨਜ਼ ਲਈ ਖੇਡਦਾ ਹੈ।
ਆਰਿਆਵੀਰ ਦੇ ਨਾਲ ਰਾਹੁਲ ਦ੍ਰਾਵਿੜ ਦੇ ਪੁੱਤਰ, ਅਨਵਯ ਦ੍ਰਾਵਿੜ ਨੂੰ ਵੀ ਵਨਡੇ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ। ਅਨਵਯ ਇੱਕ ਵਿਕਟਕੀਪਰ-ਬੱਲੇਬਾਜ਼ ਹੈ ਅਤੇ ਸ਼੍ਰੀਲੰਕਾ ਦੌਰੇ ਦੌਰਾਨ ਭਾਰਤ ਦੀ ਅੰਡਰ-19 ਟੀਮ ਲਈ 87 ਦੌੜਾਂ ਬਣਾਈਆਂ ਸਨ। ਹਾਲਾਂਕਿ, ਆਰਿਆਵੀਰ ਅਤੇ ਅਨਵਯ ਦੋਵਾਂ ਨੂੰ ਆਸਟ੍ਰੇਲੀਆ ਖ਼ਿਲਾਫ ਦੋ ਮਲਟੀ-ਡੇ ਮੈਚਾਂ ਲਈ ਟੀਮ ‘ਚ ਸ਼ਾਮਲ ਨਹੀਂ ਕੀਤਾ ਗਿਆ ਹੈ।
ਡੀਪੀਐਲ ‘ਚ ਖੇਡ ਰਿਹਾ ਹੈ ਆਰਿਆਵੀਰ
ਆਰਿਆਵੀਰ ਸਹਿਵਾਗ ਹਾਲ ਹੀ ‘ਚ ਦਿੱਲੀ ਪ੍ਰੀਮੀਅਰ ਲੀਗ ਦੇ 2026 ਸੀਜ਼ਨ ‘ਚ ਵੈਸਟ ਦਿੱਲੀ ਲਾਇਨਜ਼ ਲਈ ਖੇਡਿਆ ਸੀ। ਉਸਦੀ ਹਮਲਾਵਰ ਬੱਲੇਬਾਜ਼ੀ ਸ਼ੈਲੀ ਦੀ ਤੁਲਨਾ ਉਸਦੇ ਪਿਤਾ, ਵਰਿੰਦਰ ਸਹਿਵਾਗ ਨਾਲ ਕੀਤੀ ਗਈ ਹੈ। ਆਰਿਆਵੀਰ ਪਹਿਲਾਂ 2024 ਕੂਚ ਬਿਹਾਰ ਟਰਾਫੀ ‘ਚ ਇੱਕ ਵੱਡੀ ਪਾਰੀ ਨਾਲ ਸੁਰਖੀਆਂ ‘ਚ ਆਇਆ ਸੀ। ਉਨ੍ਹਾਂ ਨੇ ਮੇਘਾਲਿਆ ਵਿਰੁੱਧ 297 ਦੌੜਾਂ ਬਣਾਈਆਂ। ਇਸ ਪਾਰੀ ਨੇ ਉਸਦੀ ਬੱਲੇਬਾਜ਼ੀ ਬਾਰੇ ਕਾਫ਼ੀ ਚਰਚਾ ਛੇੜ ਦਿੱਤੀ।
ਰਾਜਕੋਟ ‘ਚ ਤਿੰਨ ਵਨਡੇ ਮੈਚ ਹੋਣਗੇ
ਭਾਰਤੀ ਅਤੇ ਆਸਟ੍ਰੇਲੀਆਈ ਅੰਡਰ-19 ਟੀਮਾਂ ਵਿਚਕਾਰ ਤਿੰਨ ਵਨਡੇ ਮੈਚ ਖੇਡੇ ਜਾਣਗੇ। ਤਿੰਨੋਂ ਮੈਚ ਰਾਜਕੋਟ ‘ਚ ਹੋਣਗੇ। ਤਿੰਨੋਂ ਮੈਚ ਸਵੇਰੇ 9 ਵਜੇ ਸ਼ੁਰੂ ਹੋਣਗੇ।
18 ਸਤੰਬਰ: ਪਹਿਲਾ ਇੱਕ ਰੋਜ਼ਾ, ਰਾਜਕੋਟ
21 ਸਤੰਬਰ: ਦੂਜਾ ਇੱਕ ਰੋਜ਼ਾ, ਰਾਜਕੋਟ
23 ਸਤੰਬਰ: ਤੀਜਾ ਇੱਕ ਰੋਜ਼ਾ, ਰਾਜਕੋਟ
ਲਕਸ਼ਯ ਰਾਏਚੰਦਾਨੀ ਨੂੰ ਵਨਡੇ ਸੀਰੀਜ਼ ਲਈ ਭਾਰਤੀ ਟੀਮ ਦਾ ਕਪਤਾਨ ਨਿਯੁਕਤ ਕੀਤਾ ਗਿਆ ਹੈ, ਜਦੋਂ ਕਿ ਯਸ਼ਵਰਧਨ ਚੌਹਾਨ ਉਪ-ਕਪਤਾਨ ਹੋਣਗੇ ਅਤੇ ਲਕਸ਼ਯ ਉਪ-ਕਪਤਾਨ ਹੋਣਗੇ।
Read More: IND ਬਨਾਮ SL: ਕੋਲੰਬੋ ਟੈਸਟ ਮੈਚ ਦਾ ਅੱਜ ਆਖਰੀ ਦਿਨ, ਭਾਰਤ ਦੀ ਨਜ਼ਰ 4 ਵਿਕਟ ‘ਤੇ
