ਉਤਰਾਖੰਡ, 22 ਜੂਨ 2026: ਉਤਰਾਖੰਡ ਦੇ ਰੁਦਰਪ੍ਰਯਾਗ ਜ਼ਿਲ੍ਹੇ ਦੇ ਨਗਰਾਸੂ ਸਥਿਤ ਗੁਰਦੁਆਰੇ ‘ਚ ਆਏ ਪੰਜਾਬ ਦੇ 7 ਨਿਹੰਗਾਂ ‘ਚੋਂ ਚਾਰ ਨੇ ਫਿਲਹਾਲ ਉੱਥੇ ਹੀ ਰਹਿਣ ਦਾ ਫੈਸਲਾ ਕੀਤਾ ਹੈ। ਉਹ 25 ਜੂਨ ਨੂੰ ਪੰਜਾਬ ਤੋਂ ਆਉਣ ਵਾਲੇ ਜੱਥੇ ਦੇ ਆਉਣ ਦੀ ਉਡੀਕ ਕਰ ਰਹੇ ਹਨ। ਉਨ੍ਹਾਂ ਦੇ ਸਾਥੀਆਂ ਦੇ ਆਉਣ ਤੋਂ ਬਾਅਦ, ਉਹ ਸ੍ਰੀ ਹੇਮਕੁੰਟ ਸਾਹਿਬ ਲਈ ਰਵਾਨਾ ਹੋ ਜਾਣਗੇ।
ਘਟਨਾ ਸਥਾਨ ‘ਤੇ ਸ਼ਾਂਤੀ ਬਣਾਈ ਰੱਖਣ ਲਈ ਪੁਲਿਸ, ਆਈਟੀਬੀਪੀ ਅਤੇ ਪੀਏਸੀ ਦੇ ਜਵਾਨਾਂ ਸਮੇਤ 25 ਸੈਨਿਕ ਤਾਇਨਾਤ ਹਨ। ਨਿਹੰਗਾਂ ਨੇ ਕਿਹਾ ਹੈ ਕਿ ਉਹ ਕਿਸੇ ਨੂੰ ਨੁਕਸਾਨ ਨਹੀਂ ਪਹੁੰਚਾਉਣਗੇ। ਜਿਕਰਯੋਗ ਹੈ ਕਿ ਸ੍ਰੀ ਹੇਮਕੁੰਟ ਸਾਹਿਬ ਦੀ ਯਾਤਰਾ ਤੋਂ ਵਾਪਸ ਆ ਰਹੇ ਪੰਜ ਤੋਂ ਛੇ ਨਿਹੰਗ ਬਾਈਕਰਾਂ ਦੇ ਸਮੂਹ ਦੀ ਟੱਕਰ ਕਰਨਪ੍ਰਯਾਗ ਦੇ ਮੁੱਖ ਬਾਜ਼ਾਰ ‘ਚ ਖੜ੍ਹੀ ਇੱਕ ਕਾਰ ਨਾਲ ਹੋ ਗਈ। ਕਾਰ ਮਾਲਕ ਅਤੇ ਬਾਈਕਰਾਂ ਵਿਚਕਾਰ ਬਹਿਸ ਤੇਜ਼ੀ ਨਾਲ ਹਿੰਸਕ ਝੜਪ ‘ਚ ਬਦਲ ਗਈ। ਇਸ ਮਾਮਲੇ ‘ ਪੁਲਿਸ ਨੇ ਕਈਂ ਜਣਿਆਂ ਨੂੰ ਗ੍ਰਿਫਤਾਰ ਕਰ ਲਿਆ ਸੀ |
ਸ਼ਾਂਤੀ ਰੱਖਿਅਕਾਂ ਲਈ ਤਾਇਨਾਤ ਇੱਕ ਸਿਪਾਹੀ ਨੇ ਦੱਸਿਆ ਕਿ ਨਿਹੰਗ ਵਾਰ-ਵਾਰ ਆਪਣੇ ਬਿਆਨ ਅਤੇ ਰਵਾਨਗੀ ਦੀਆਂ ਤਾਰੀਖਾਂ ਬਦਲ ਰਹੇ ਹਨ। ਇਸ ਦੌਰਾਨ, ਪੰਜਾਬ ਦੇ ਮੋਹਾਲੀ ਤੋਂ ਆਏ ਨਿਹੰਗ ਪਰਮਵੀਰ ਸਿੰਘ ਨੇ ਇੱਕ ਵੀਡੀਓ ਜਾਰੀ ਕਰਦਿਆਂ ਕਿਹਾ, “ਸਾਡਾ ਬਾਬਾ ਵਾਲਿਆਂ ਨਾਲ ਮਾਮੂਲੀ ਝਗੜਾ ਹੋਇਆ ਸੀ, ਪਰ ਪੁਲਿਸ ਅਤੇ ਪ੍ਰਸ਼ਾਸਨ ਨਾਲ ਗੱਲਬਾਤ ਕਰਨ ਤੋਂ ਬਾਅਦ, ਅਸੀਂ ਹੁਣ ਵਾਪਸ ਆ ਰਹੇ ਹਾਂ।”
ਨਿੰਹੰਗ ਸ਼ਨੀਵਾਰ ਸ਼ਾਮ 4 ਵਜੇ ਤੋਂ ਗੁਰਦੁਆਰੇ ‘ਚ ਮੌਜੂਦ ਹਨ। ਦੇਰ ਸ਼ਾਮ ਤੋਂ ਅਰਦਾਸ ਅਤੇ ਲੰਗਰ ਆਮ ਵਾਂਗ ਸ਼ੁਰੂ ਹੋ ਗਿਆ ਹੈ। ਐਤਵਾਰ ਨੂੰ, ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਰੁਦਰਪ੍ਰਯਾਗ ‘ਚ ਨਿਹੰਗ ਵਿਵਾਦ ਬਾਰੇ ਉੱਤਰਾਖੰਡ ਦੇ ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ ਨਾਲ ਫ਼ੋਨ ‘ਤੇ ਗੱਲ ਕੀਤੀ। ਸੀਐੱਮ ਮਾਨ ਨੇ ਸੀਐੱਮ ਧਾਮੀ ਨੂੰ ਦੋਵਾਂ ਧਿਰਾਂ ਨਾਲ ਇਸ ਮਾਮਲੇ ‘ਤੇ ਗੱਲਬਾਤ ਕਰਕੇ ਅਤੇ ਹੱਲ ਲੱਭਣ ਦੀ ਅਪੀਲ ਕੀਤੀ ਹੈ।
ਨਿਹੰਗਾਂ ਦੀਆਂ 3 ਮੰਗਾਂ
ਕਰਨਪ੍ਰਯਾਗ ਘਟਨਾ ‘ਚ ਸਥਾਨਕ ਲੋਕਾਂ ਵਿਰੁੱਧ ਕਾਰਵਾਈ ਕਰਨ ਦੀ ਮੰਗ ਕੀਤੀ ਹੈ |
ਨਿਹੰਗਾਂ ਨੇ ਕਰਨਪ੍ਰਯਾਗ ਘਟਨਾ ‘ਚ ਪੁਲਿਸ ਦੀ ਕਾਰਵਾਈ ‘ਤੇ ਸਵਾਲ ਉਠਾਉਂਦੇ ਹੋਏ ਦੋਸ਼ ਲਗਾਇਆ ਹੈ ਕਿ ਪੁਲਿਸ ਨੇ ਇਕਪਾਸੜ ਕਾਰਵਾਈ ਕੀਤੀ।
ਇਸ ਮਾਮਲੇ ‘ਚ ਗ੍ਰਿਫ਼ਤਾਰ ਕੀਤੇ ਗਏ ਲੋਕਾਂ ਨੂੰ ਤੁਰੰਤ ਰਿਹਾਅ ਕੀਤਾ ਜਾਣਾ ਚਾਹੀਦਾ ਹੈ। ਉੱਤਰਾਖੰਡ ਪੁਲਿਸ ਨੂੰ ਹੇਮਕੁੰਟ ਸਾਹਿਬ ਜਾਣ ਵਾਲੇ ਸ਼ਰਧਾਲੂਆਂ ਦੀ ਸੁਰੱਖਿਆ ਯਕੀਨੀ ਬਣਾਉਣੀ ਚਾਹੀਦੀ ਹੈ।
ਇਸ ਮਾਮਲੇ ‘ਚ ਲੋਕਾਂ ਵਿਰੁੱਧ ਚਮੋਲੀ ਪੁਲਿਸ ਵੱਲੋਂ ਦਰਜ ਕੀਤੀ ਗਈ ਐਫਆਈਆਰ ਰੱਦ ਕੀਤੀ ਜਾਣੀ ਚਾਹੀਦੀ ਹੈ।
Read More: ਪੰਜਾਬ ਸਰਕਾਰ ਦੀ ਅੱਜ ਅਹਿਮ ਬੈਠਕ, ਕਈ ਵੱਡੇ ਫੈਸਲਿਆਂ ‘ਤੇ ਲੱਗ ਸਕਦੀ ਹੈ ਮੋਹਰ
