ਤਾਮਿਲਨਾਡੂ, 05 ਜੂਨ 2026: Annamalai resigned from the BJP: ਤਾਮਿਲਨਾਡੂ ਭਾਜਪਾ ਦੇ ਸਾਬਕਾ ਸੂਬਾ ਪ੍ਰਧਾਨ ਕੇ. ਅੰਨਾਮਲਾਈ ਨੇ ਸ਼ੁੱਕਰਵਾਰ ਨੂੰ ਭਾਜਪਾ ਤੋਂ ਅਸਤੀਫਾ ਦੇ ਦਿੱਤਾ। ਉਨ੍ਹਾਂ ਨੇ ਆਪਣਾ ਅਸਤੀਫਾ ਭਾਜਪਾ ਪ੍ਰਧਾਨ ਨਿਤਿਨ ਨਵੀਨ ਨੂੰ ਸੌਂਪ ਦਿੱਤਾ। ਨਿਤਿਨ ਨਵੀਨ ਨੇ ਉਨ੍ਹਾਂ ਦਾ ਅਸਤੀਫਾ ਸਵੀਕਾਰ ਕਰ ਲਿਆ ਹੈ। ਇਸ ਘਟਨਾਕ੍ਰਮ ਨੇ ਅੰਨਾਮਲਾਈ ਦੇ ਰਾਜਨੀਤਿਕ ਭਵਿੱਖ ਬਾਰੇ ਕਿਆਸਅਰਾਈਆਂ ਨੂੰ ਹੋਰ ਤੇਜ਼ ਕਰ ਦਿੱਤਾ ਹੈ। ਅੰਨਾਮਲਾਈ ਅੱਜ ਦੁਪਹਿਰ ਸੋਸ਼ਲ ਮੀਡੀਆ ‘ਤੇ ਸਮਰਥਕਾਂ ਅਤੇ ਜਨਤਾ ਨਾਲ ਗੱਲਬਾਤ ਕਰਨਗੇ।
ਅੰਨਾਮਲਾਈ ਤਿੰਨ ਦਿਨ ਪਹਿਲਾਂ ਦਿੱਲੀ ‘ਚ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਮੁਲਾਕਾਤ ਕੀਤੀ ਸੀ। ਚਰਚਾ ਹੈ ਕਿ ਅੰਨਾਮਲਾਈ ਬਿਨਾਂ ਕਿਸੇ ਟਕਰਾਅ ਦੇ ਭਾਜਪਾ ਤੋਂ ਵਿਦਾਈ ਚਾਹੁੰਦੇ ਸਨ। ਉਹ ਫਿਰ “ਰਾਸ਼ਟਰਵਾਦੀ-ਤਾਮਿਲ ਦਰਸ਼ਨ” ਦੇ ਅਧਾਰ ਤੇ ਤਾਮਿਲਨਾਡੂ ‘ਚ ਇੱਕ ਗੈਰ-ਰਾਜਨੀਤਿਕ ਅੰਦੋਲਨ ਸ਼ੁਰੂ ਕਰਨਗੇ, ਜਿਸਨੂੰ ਬਾਅਦ ‘ਚ ਜਨਤਕ ਭਾਵਨਾਵਾਂ ਦੇ ਅਧਾਰ ਤੇ ਇੱਕ ਰਾਜਨੀਤਿਕ ਪਾਰਟੀ ‘ਚ ਬਦਲਿਆ ਜਾ ਸਕਦਾ ਹੈ।
ਅੰਨਾਮਲਾਈ 7 ਜੂਨ ਨੂੰ ਆਪਣੇ ਮੁੱਖ ਸਮਰਥਕਾਂ ਨਾਲ ਇੱਕ ਮੀਟਿੰਗ ਕਰਨਗੇ। ਉਨ੍ਹਾਂ ਤੋਂ ਆਪਣੀ ਭਵਿੱਖ ਦੀ ਰਣਨੀਤੀ ਦਾ ਐਲਾਨ ਕਰਨ ਦੀ ਉਮੀਦ ਹੈ। ਯੁਵਾ ਵੋਟ ਬੈਂਕ ‘ਤੇ ਉਨ੍ਹਾਂ ਦੀ ਮਜ਼ਬੂਤ ਪਕੜ ਨੂੰ ਦੇਖਦੇ ਹੋਏ, ਰਾਜਨੀਤਿਕ ਪਾਰਟੀਆਂ ਉਨ੍ਹਾਂ ਦੇ ਅਗਲੇ ਕਦਮ ‘ਤੇ ਨੇੜਿਓਂ ਨਜ਼ਰ ਰੱਖ ਰਹੀਆਂ ਹਨ। ਇਹ ਵੀ ਚਰਚਾ ਹੈ ਕਿ ਆਰਐਸਐਸ ਚਾਹੁੰਦਾ ਹੈ ਕਿ ਅੰਨਾਮਲਾਈ ਜਨਤਕ ਜੀਵਨ ‘ਚ ਸਰਗਰਮ ਰਹਿਣ।
ਅੰਨਾਮਲਾਈ ਦੀ 2 ਜੂਨ ਨੂੰ ਨਵੀਂ ਦਿੱਲੀ ‘ਚ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਮੁਲਾਕਾਤ ਤੋਂ ਬਾਅਦ, ਉਨ੍ਹਾਂ ਦੇ ਸਮਰਥਕਾਂ ਨੇ ਚੇਨਈ ਅਤੇ ਕੋਇੰਬਟੂਰ ਸਮੇਤ ਕਈ ਪ੍ਰਮੁੱਖ ਥਾਵਾਂ ‘ਤੇ ਪੋਸਟਰ ਲਗਾਏ, ਜਿਨ੍ਹਾਂ ‘ਚ ਉਨ੍ਹਾਂ ਨੂੰ ਥਲਾਈਵਰ (ਆਗੂ) ਅਤੇ ਇੱਕ ਦਲੇਰ ਮਾਨਸਿਕਤਾ ਵਾਲਾ ਆਗੂ ਕਿਹਾ ਗਿਆ। ਕੁਝ ਸਮਰਥਕਾਂ ਨੇ ਉਨ੍ਹਾਂ ਦੀ ਅਗਵਾਈ ਹੇਠ ਇੱਕ ਨਵੀਂ ਰਾਜਨੀਤਿਕ ਲਹਿਰ ਦੀ ਵਕਾਲਤ ਵੀ ਕੀਤੀ।
Read More: ਅਕੈਡਮੀ ਪੁਰਸਕਾਰ ਸਮਾਰੋਹ ਜਨ ਭਵਨ ਵਿਖੇ ਹੋਵੇਗਾ, 51 ਕਲਾਕਾਰਾਂ ਨੂੰ ਕੀਤਾ ਜਾਵੇਗਾ ਸਨਮਾਨਿਤ
