ਹਰਿਆਣਾ, 26 ਫਰਵਰੀ 2026: ਹਰਿਆਣਾ ਦੇ ਸਿਹਤ ਮੰਤਰੀ ਆਰਤੀ ਸਿੰਘ ਰਾਓ ਨੇ ਕਿਹਾ ਕਿ “ਆਯੁਸ਼ਮਾਨ ਭਾਰਤ ਪ੍ਰਧਾਨ ਮੰਤਰੀ ਜਨ ਆਰੋਗਯ ਯੋਜਨਾ” ਦੇ ਤਹਿਤ ਸਰਕਾਰ ਸੂਬੇ ‘ਚ ਸਿਹਤ ਸੇਵਾਵਾਂ ਨੂੰ ਮਜ਼ਬੂਤ ਕਰ ਰਹੀ ਹੈ। ਇਸ ਯੋਜਨਾ ਦੇ ਤਹਿਤ ਸਰਜਰੀ, ਡੇਅਕੇਅਰ ਇਲਾਜ, ਦਵਾਈਆਂ ਅਤੇ ਡਾਇਗਨੌਸਟਿਕ ਖਰਚਿਆਂ ਸਮੇਤ ਲਗਭੱਗ 2,694 ਇਲਾਜ ਪੈਕੇਜ ਉਪਲਬੱਧ ਹਨ।
ਸਿਹਤ ਮੰਤਰੀ ਵੀਰਵਾਰ ਨੂੰ ਹਰਿਆਣਾ ਵਿਧਾਨ ਸਭਾ ਦੇ ਬਜਟ ਸੈਸ਼ਨ ਦੌਰਾਨ ਸਦਨ ਦੇ ਇੱਕ ਮੈਂਬਰ ਦੁਆਰਾ ਪੁੱਛੇ ਇੱਕ ਸਵਾਲ ਦਾ ਜਵਾਬ ਦੇ ਰਹੇ ਸਨ। ਇਸ ਮੌਕੇ ਆਰਤੀ ਸਿੰਘ ਰਾਓ ਨੇ ਕਿਹਾ ਕਿ 20 ਫਰਵਰੀ, 2026 ਤੱਕ ਸੂਬੇ ‘ਚ ਸਰਗਰਮ ਕਾਰਡਾਂ ਦੀ ਕੁੱਲ ਗਿਣਤੀ 13,847,905 ਹੈ।
ਉਨ੍ਹਾਂ ਨੇ ਕਿਹਾ ਕਿ ਜਨਵਰੀ 2024, ਅਕਤੂਬਰ 2024 ਅਤੇ ਜਨਵਰੀ 2026 ਦੌਰਾਨ ਆਯੁਸ਼ਮਾਨ ਭਾਰਤ-ਚਿਰਾਯੂ ਹਰਿਆਣਾ ਯੋਜਨਾ ਤਹਿਤ ਕੁੱਲ 2,694 ਇਲਾਜ ਪੈਕੇਜ ਉਪਲਬੱਧ ਸਨ। ਇਸ ਤੋਂ ਇਲਾਵਾ, ਇਲਾਜ ਪੈਕੇਜ ਜੋ ਯੋਗ ਇਲਾਜ ਪੈਕੇਜਾਂ ‘ਚ ਸ਼ਾਮਲ ਨਹੀਂ ਹਨ, ਉਨ੍ਹਾਂ ਨੂੰ ਸੂਚੀਬੱਧ ਹਸਪਤਾਲਾਂ ਦੁਆਰਾ ਅਣ-ਨਿਰਧਾਰਤ ਸ਼੍ਰੇਣੀ (unspecified) ਅਧੀਨ ਬੁੱਕ ਕੀਤਾ ਜਾਂਦਾ ਹੈ ਅਤੇ ਉਸ ਅਨੁਸਾਰ ਕਾਰਵਾਈ ਕੀਤੀ ਜਾਂਦੀ ਹੈ।
ਉਨ੍ਹਾਂ ਦੱਸਿਆ ਕਿ ਨਵੰਬਰ 2022 ਤੋਂ 17 ਫਰਵਰੀ 2026 ਤੱਕ ਸੂਬੇ ‘ਚ ਆਯੁਸ਼ਮਾਨ ਯੋਜਨਾ ਸਮੇਤ ਕੁੱਲ ਇਲਾਜਾਂ (ਦਾਅਵਿਆਂ ਅਨੁਸਾਰ) ਦੀ ਗਿਣਤੀ 14,28,872 ਸੀ, ਜਿਸ ਦੇ ਵਿਰੁੱਧ 2010 ਕਰੋੜ 33 ਲੱਖ 66 ਹਜ਼ਾਰ 180 ਰੁਪਏ ਦੀ ਰਕਮ ਹਸਪਤਾਲਾਂ ਨੂੰ ਵੰਡੀ ਹੈ।
Read More: ਏਆਈ ਸੰਮੇਲਨ ‘ਚ ਕਾਂਗਰਸ ਦੇ ਯੂਥ ਵਰਕਰਾਂ ਨੇ ਦੇਸ਼ ਦਾ ਅਪਮਾਨ ਕੀਤਾ: CM ਨਾਇਬ ਸੈਣੀ
