ਚੰਡੀਗੜ੍ਹ, 17 ਅਪ੍ਰੈਲ 2025: ਬੰਬੇ ਹਾਈ ਕੋਰਟ ਨੇ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੂੰ ਸੰਮਨ ਜਾਰੀ ਕੀਤੇ ਹਨ। ਬੰਬੇ ਹਾਈ ਕੋਰਟ ਦੀ ਨਾਗਪੁਰ ਬੈਂਚ ਨੇ 2024 ਦੇ ਚੋਣ ਨਤੀਜੇ ਨੂੰ ਚੁਣੌਤੀ ਦੇਣ ਵਾਲੀ ਇਸ ਪਟੀਸ਼ਨ ‘ਤੇ ਫੜਨਵੀਸ ਤੋਂ ਜਵਾਬ ਮੰਗਿਆ ਹੈ। ਪਟੀਸ਼ਨ ਦਾਇਰ ਕਰਨ ਵਾਲੇ ਕਾਂਗਰਸ ਆਗੂ ਪ੍ਰਫੁੱਲ ਵਿਨੋਦਰਾਓ ਫੜਨਵੀਸ ਤੋਂ 39,710 ਵੋਟਾਂ ਨਾਲ ਚੋਣ ਹਾਰ ਗਏ ਸਨ।
ਕਾਂਗਰਸ ਆਗੂ ਨੇ ਵੋਟ ਗਿਣਤੀ ਪ੍ਰਕਿਰਿਆ ‘ਚ ਖਾਮੀਆਂ ਅਤੇ ਭ੍ਰਿਸ਼ਟਾਚਾਰ ਦਾ ਦੋਸ਼ ਲਗਾਉਂਦੇ ਹੋਏ ਅਦਾਲਤ ਨੂੰ ਅਪੀਲ ਕੀਤੀ ਹੈ ਕਿ 2024 ਵਿੱਚ ਫੜਨਵੀਸ ਦੀ ਜਿੱਤ ਨੂੰ ਅਯੋਗ ਘੋਸ਼ਿਤ ਕੀਤਾ ਜਾਵੇ। ਕਾਂਗਰਸ ਆਗੂ ਦੇ ਵਕੀਲ ਨੇ ਕਿਹਾ ਕਿ ਜਸਟਿਸ ਪ੍ਰਵੀਨ ਪਾਟਿਲ ਦੀ ਬੈਂਚ ਨੇ ਸੀਐਮ ਫੜਨਵੀਸ ਨੂੰ ਸੰਮਨ ਜਾਰੀ ਕੀਤੇ ਹਨ, ਜਿਸ ‘ਤੇ ਉਨ੍ਹਾਂ ਨੂੰ 8 ਮਈ ਨੂੰ ਜਵਾਬ ਦੇਣਾ ਪਵੇਗਾ।
ਜਿਕਰਯੋਗ ਹੈ ਕਿ ਵਿਧਾਨ ਸਭਾ ਚੋਣਾਂ ‘ਚ ਦੇਵੇਂਦਰ ਫੜਨਵੀਸ ਨੂੰ ਕੁੱਲ 129401 ਵੋਟਾਂ ਮਿਲੀਆਂ। ਕਾਂਗਰਸੀ ਆਗੂ ਨੂੰ 89691 ਵੋਟਾਂ ਮਿਲੀਆਂ ਸਨ। ਜੇਕਰ ਅਸੀਂ ਵੋਟ ਸ਼ੇਅਰ ਦੇ ਅੰਕੜਿਆਂ ‘ਤੇ ਨਜ਼ਰ ਮਾਰੀਏ ਤਾਂ ਫੜਨਵੀਸ ਨੂੰ 56.88 ਪ੍ਰਤੀਸ਼ਤ ਵੋਟਾਂ ਮਿਲੀਆਂ ਅਤੇ ਪ੍ਰਫੁੱਲ ਵਿਨੋਦਰਾਓ ਨੂੰ 39.43 ਵੋਟਾਂ ਮਿਲੀਆਂ ਸਨ । ਈਵੀਐਮ ਵੋਟ ਡੇਟਾ ‘ਚ ਸੀਐਮ ਨੂੰ 127726 ਵੋਟਾਂ ਮਿਲੀਆਂ ਅਤੇ ਵਿਨੋਦਰਾਓ ਨੂੰ 88515 ਵੋਟਾਂ ਮਿਲੀਆਂ ਸਨ। ਜਦੋਂ ਕਿ ਪੋਸਟਲ ਬੈਲਟ ‘ਚ, ਦੇਵੇਂਦਰ ਫੜਨਵੀਸ ਨੂੰ 1675 ਵੋਟਾਂ ਮਿਲੀਆਂ ਅਤੇ ਕਾਂਗਰਸ ਉਮੀਦਵਾਰ ਨੂੰ 1176 ਵੋਟਾਂ ਮਿਲੀਆਂ।
Read More: ਸੈਫ ਅਲੀ ਖਾਨ ‘ਤੇ ਹੋਏ ਹ.ਮ.ਲੇ ‘ਤੇ ਬੋਲੇ CM ਫੜਨਵੀਸ, ਕਿਹਾ-“ਮੁੰਬਈ ਨੂੰ ਅਸੁਰੱਖਿਅਤ ਕਹਿਣਾ ਗਲਤ”
