ਸਪੋਰਟਸ, 17 ਜੁਲਾਈ 2026: ਭਾਰਤੀ ਟੀਮ ਦੇ ਬੱਲੇਬਾਜ਼ੀ ਕੋਚ, ਸੀਤਾਂਸ਼ੂ ਕੋਟਕ ਨੇ ਵਿਰਾਟ ਕੋਹਲੀ ਅਤੇ ਮੁੱਖ ਕੋਚ ਗੌਤਮ ਗੰਭੀਰ ਵਿਚਾਲੇ ਮਤਭੇਦ ਦੀਆਂ ਰਿਪੋਰਟਾਂ ਨੂੰ ਸਪੱਸ਼ਟ ਤੌਰ ‘ਤੇ ਖਾਰਜ ਕਰ ਦਿੱਤਾ ਹੈ। ਕੋਟਕ ਨੇ ਕਿਹਾ ਕਿ ਦੋਵੇਂ ਦਿਨ ‘ਚ ਘੱਟੋ-ਘੱਟ 10 ਵਾਰ ਗੱਲਬਾਤ ਕਰਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਵਿਚਾਲੇ ਕਾਰ ਸੰਚਾਰ ਟੁੱਟਣ ਦੀਆਂ ਰਿਪੋਰਟਾਂ ਸਿਰਫ਼ ਅਫਵਾਹਾਂ ਹਨ। ਕਾਰਡਿਫ ‘ਚ ਦੂਜੇ ਵਨਡੇ ਤੋਂ ਪਹਿਲਾਂ ਕੋਹਲੀ ਅਤੇ ਗੰਭੀਰ ਨੂੰ ਨੈੱਟ ਤੋਂ ਗੈਰ-ਹਾਜ਼ਰ ਦੇਖ ਕੇ ਉਨ੍ਹਾਂ ਦੇ ਸਬੰਧਾਂ ਬਾਰੇ ਅਟਕਲਾਂ ਤੇਜ਼ ਹੋ ਗਈਆਂ।
ਅਜਿਹੀਆਂ ਰਿਪੋਰਟਾਂ ਵੀ ਆਈਆਂ ਸਨ ਕਿ ਬੀਸੀਸੀਆਈ ਲੀਡਰਸ਼ਿਪ ਨੂੰ ਦੋਵਾਂ ਵਿਚਾਲੇ ਗੱਲਬਾਤ ਸ਼ੁਰੂ ਕਰਨ ਲਈ ਦਖਲ ਦੇਣਾ ਪੈ ਸਕਦਾ ਹੈ। ਬੱਲੇਬਾਜ਼ੀ ਕੋਚ ਕੋਟਕ ਨੇ ਇੱਕ ਸਵਾਲ ਦੇ ਜਵਾਬ ‘ਚ ਕਿਹਾ, “ਮੈਨੂੰ ਨਹੀਂ ਲੱਗਦਾ ਕਿ ਵਿਰਾਟ ਨੂੰ ਮੁੱਖ ਕੋਚ ਨਾਲ ਗੱਲ ਕਰਨ ਲਈ ਕਿਸੇ ਪੁਲ ਦੀ ਲੋੜ ਹੈ।” ਕੋਟਕ ਨੇ ਕਿਹਾ, “ਮੈਨੂੰ ਨਹੀਂ ਪਤਾ ਕਿ ਇਹ ਅਫਵਾਹਾਂ ਕਿੱਥੋਂ ਆਉਂਦੀਆਂ ਹਨ, ਪਰ ਇਹ ਸਿਰਫ਼ ਅਫ਼ਵਾਹਾਂ ਹਨ।”
ਟਾਈਮਜ਼ ਨਾਓ ਨਿਊਜ਼ ਦੀ ਇੱਕ ਰਿਪੋਰਟ ‘ਚ ਦਾਅਵਾ ਕੀਤਾ ਗਿਆ ਹੈ ਕਿ ਕੋਹਲੀ ਅਤੇ ਗੰਭੀਰ ਵਿਚਾਲੇ ਗੱਲਬਾਤ ਨਹੀਂ ਹੁੰਦੀ। ਰਿਪੋਰਟ ‘ਚ ਇਹ ਵੀ ਕਿਹਾ ਗਿਆ ਹੈ ਕਿ ਕੋਟਕ ਨੇ ਨੈੱਟ ਤੋਂ ਬਾਅਦ ਕੋਹਲੀ ਨੂੰ ਗੰਭੀਰ ਦਾ ਸੁਨੇਹਾ ਪਹੁੰਚਾਇਆ। ਇਸ ‘ਚ ਇਹ ਵੀ ਦੋਸ਼ ਲਗਾਇਆ ਗਿਆ ਹੈ ਕਿ ਕੋਹਲੀ ਨੇ ਅਭਿਆਸ ਤੋਂ ਬਾਅਦ ਗੰਭੀਰ ਨੂੰ ਨਜ਼ਰਅੰਦਾਜ਼ ਕੀਤਾ।
ਕੋਟਕ ਨੇ ਕਿਹਾ ਕਿ ਵਿਰਾਟ ਵਰਗੇ ਸੀਨੀਅਰ ਬੱਲੇਬਾਜ਼ ਨੂੰ ਬੇਲੋੜੀ ਸਲਾਹ ਦੇਣਾ ਸਹੀ ਨਹੀਂ ਹੈ। ਉਨ੍ਹਾਂ ਨੇ ਸਾਬਕਾ ਕੋਚ ਅਭਿਸ਼ੇਕ ਨਾਇਰ ਦੀ ਗੱਲ ਦੁਹਰਾਉਂਦੇ ਹੋਏ ਕਿਹਾ, “ਜਦੋਂ ਤੱਕ ਵਿਰਾਟ ਖੁਦ ਸੁਝਾਅ ਨਹੀਂ ਮੰਗਦਾ ਜਾਂ ਕੋਈ ਵੱਡੀ ਤਕਨੀਕੀ ਸਮੱਸਿਆ ਨਹੀਂ ਹੁੰਦੀ, ਉਦੋਂ ਤੱਕ ਉਨ੍ਹਾਂ ਨੂੰ ਸਲਾਹ ਦੇਣ ਦੀ ਕੋਈ ਲੋੜ ਨਹੀਂ ਹੈ।”
Read More: IND ਬਨਾਮ ENG Result: ਵਿਰਾਟ ਕੋਹਲੀ ਨੇ ਵਿਵੀਅਨ ਰਿਚਰਡਸ ਦੀ ਕੀਤੀ ਬਰਾਬਰੀ
