ਖੇਡਾਂ, 20 ਨਵੰਬਰ 2026: India A ਬਨਾਮ Nepal A: ਨੇਪਾਲ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਦਾ ਫੈਸਲਾ ਕੀਤਾ। ਭਾਰਤੀ ਏ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰੇਗੀ। ਕਪਤਾਨ ਤਿਲਕ ਵਰਮਾ ਅਤੇ ਉਪ-ਕਪਤਾਨ ਰਿੰਕੂ ਸਿੰਘ ਦੀ ਅਗਵਾਈ ‘ਚ ਭਾਰਤ ਏ ਟੀਮ ਚੰਗੀ ਤਰ੍ਹਾਂ ਸੰਤੁਲਿਤ ਦਿਖਾਈ ਦਿੰਦੀ ਹੈ। ਸਿਖਰਲੇ ਕ੍ਰਮ ‘ਚ ਅਭਿਸ਼ੇਕ ਸ਼ਰਮਾ ਅਤੇ ਨੌਜਵਾਨ ਸਨਸਨੀ ਵੈਭਵ ਸੂਰਿਆਵੰਸ਼ੀ ਵਰਗੇ ਵਿਸਫੋਟਕ ਬੱਲੇਬਾਜ਼ ਹਨ। ਜ਼ਖਮੀ ਰਜਤ ਪਾਟੀਦਾਰ ਦੀ ਜਗ੍ਹਾ ਲੈਣ ਵਾਲੇ ਆਯੁਸ਼ ਬਡੋਨੀ, ਤਿਲਕ ਅਤੇ ਰਿੰਕੂ ਦੇ ਨਾਲ ਮੱਧ ਕ੍ਰਮ ਨੂੰ ਮਜ਼ਬੂਤ ਕਰਨਗੇ।
ਦੋਹਾ ਦੇ ਵੈਸਟ ਐਂਡ ਪਾਰਕ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ‘ਚ ਖੇਡਿਆ ਜਾਣ ਵਾਲਾ ਇਹ 50 ਓਵਰਾਂ ਦਾ ਡੇ-ਨਾਈਟ ਮੈਚ ਭਾਰਤੀ ਸਮੇਂ ਮੁਤਾਬਕ ਦੁਪਹਿਰ 3:30 ਵਜੇ ਸ਼ੁਰੂ ਹੋਵੇਗਾ। ਨੇਪਾਲ ਦੀ ਅਗਵਾਈ ਸਟਾਰ ਲੈੱਗ-ਸਪਿਨਰ ਸੰਦੀਪ ਲਾਮਿਛਾਨੇ ਕਰ ਰਹੇ ਹਨ, ਜੋ ਸ਼ਾਨਦਾਰ ਫਾਰਮ ‘ਚ ਹਨ। ਉਸਨੇ ਆਪਣੇ ਪਿਛਲੇ ਸੱਤ ਮੈਚਾਂ ‘ਚ ਸਿਰਫ਼ 3.85 ਦੀ ਇਕਾਨਮੀ ਰੇਟ ਨਾਲ 19 ਵਿਕਟਾਂ ਲਈਆਂ ਹਨ।
ਖੱਬੇ ਹੱਥ ਦੇ ਸਪਿਨਰ ਲਲਿਤ ਰਾਜਬੰਸ਼ੀ ਦੇ ਨਾਲ ਲਾਮਿਛਾਨੇ ਭਾਰਤੀ ਬੱਲੇਬਾਜ਼ਾਂ ਨੂੰ ਸਖ਼ਤ ਪ੍ਰੀਖਿਆ ‘ਚ ਪਾ ਸਕਦੇ ਹਨ। ਬੱਲੇਬਾਜ਼ੀ ‘ਚ, ਨੇਪਾਲ ਨੂੰ ਓਪਨਰ ਕੁਸ਼ਲ ਭੂਰਟੇਲ ਅਤੇ ਅਰਜੁਨ ਕੁਮਾਰ ਤੋਂ ਵੱਡੀਆਂ ਪਾਰੀਆਂ ਦੀ ਉਮੀਦ ਹੋਵੇਗੀ। ਤਜਰਬੇਕਾਰ ਤੇਜ਼ ਗੇਂਦਬਾਜ਼ ਸੋਮਪਾਲ ਕਾਮੀ ਦੀ ਫਿਟਨੈਸ ਨੂੰ ਲੈ ਕੇ ਨੇਪਾਲ ਕੈਂਪ ‘ਚ ਕੁਝ ਚਿੰਤਾਵਾਂ ਹਨ, ਪਰ ਨੇਪਾਲ ਆਪਣੀ ਪੂਰੀ ਸਮਰੱਥਾ ਨਾਲ ਖੇਡ ਰਿਹਾ ਹੈ ਅਤੇ ਉਨ੍ਹਾਂ ‘ਚ ਉਲਟਫੇਰ ਕਰਨ ਦੀ ਸਮਰੱਥਾ ਹੈ।
Read More: IND ਬਨਾਮ NZ: ਵੈਲਿੰਗਟਨ ਟੈਸਟ ਦੇ ਦੂਜੇ ਦਿਨ ਦੀ ਖੇਡ ਸਮਾਪਤ, ਭਾਰਤ ਨੇ 159 ਦੌੜਾਂ ਬਣਾਈਆਂ




