ਸਪੋਰਟਸ, 22 ਅਗਸਤ 2026: Hockey World Cup 2026: ਭਾਰਤੀ ਟੀਮ ਸ਼ਨੀਵਾਰ ਨੂੰ FIH ਹਾਕੀ ਪੁਰਸ਼ ਵਿਸ਼ਵ ਕੱਪ ‘ਚ ਮੇਜ਼ਬਾਨ ਨੀਦਰਲੈਂਡ ਨਾਲ ਭਿੜੇਗੀ। ਇਹ ਮੈਚ ਵੈਗਨਰ ਹਾਕੀ ਸਟੇਡੀਅਮ ‘ਚ ਸ਼ਾਮ 7:30 ਵਜੇ ਸ਼ੁਰੂ ਹੋਵੇਗਾ। ਨੀਦਰਲੈਂਡ ਮੌਜੂਦਾ ਓਲੰਪਿਕ ਚੈਂਪੀਅਨ ਹੈ। ਸੈਮੀਫਾਈਨਲ ਵਿੱਚ ਜਗ੍ਹਾ ਬਣਾਉਣ ਲਈ ਇਸ ਮਹੱਤਵਪੂਰਨ ਮੈਚ ‘ਚ ਭਾਰਤ ਨੂੰ ਨੀਦਰਲੈਂਡ ਤੋਂ ਸਖ਼ਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ।
ਭਾਰਤੀ ਟੀਮ ਪਹਿਲੇ ਦੌਰ ਦੇ ਤਿੰਨ ਮੈਚਾਂ ‘ਚ ਦੋ ਜਿੱਤਾਂ ਅਤੇ ਇੱਕ ਹਾਰ ਨਾਲ ਦੂਜੇ ਦੌਰ ‘ਚ ਪਹੁੰਚ ਗਈ। ਪਹਿਲੇ ਦੌਰ ‘ਚ, ਹਰਮਨਪ੍ਰੀਤ ਸਿੰਘ ਦੀ ਕਪਤਾਨੀ ਵਾਲੀ ਟੀਮ ਇੰਡੀਆ ਨੇ ਵੇਲਜ਼ ਅਤੇ ਪਾਕਿਸਤਾਨ ਵਿਰੁੱਧ ਜਿੱਤ ਪ੍ਰਾਪਤ ਕੀਤੀ, ਜਦੋਂ ਕਿ ਇੰਗਲੈਂਡ ਵਿਰੁੱਧ ਹਾਰ ਗਈ।
ਦੂਜੇ ਦੌਰ ‘ਚ, ਭਾਰਤ ਪੂਲ ਈ ‘ਚ ਇੰਗਲੈਂਡ, ਨੀਦਰਲੈਂਡ ਅਤੇ ਅਰਜਨਟੀਨਾ ਦੇ ਨਾਲ ਹੈ। ਭਾਰਤ ਪਹਿਲੇ ਦੌਰ ‘ਚ ਇੰਗਲੈਂਡ ਵਿਰੁੱਧ ਖੇਡਿਆ ਸੀ। ਨਵੇਂ ਫਾਰਮੈਟ ਦੇ ਅਨੁਸਾਰ, ਜੇਕਰ ਚੋਟੀ ਦੀਆਂ 8 ਟੀਮਾਂ ਪਹਿਲਾਂ ਹੀ ਪਹਿਲੇ ਦੌਰ ‘ਚ ਖੇਡ ਚੁੱਕੀਆਂ ਹਨ, ਤਾਂ ਉਨ੍ਹਾਂ ਦੇ ਮੈਚ ਦੂਜੇ ਦੌਰ ‘ਚ ਨਹੀਂ ਖੇਡੇ ਜਾਣਗੇ। ਪਿਛਲੇ ਮੈਚ ਦਾ ਨਤੀਜਾ ਦੂਜੇ ਦੌਰ ‘ਚ ਜੋੜਿਆ ਜਾਵੇਗਾ।
ਇਸ ਅਨੁਸਾਰ, ਭਾਰਤ ਪੂਲ ਈ ‘ਚ ਇੱਕ ਹਾਰ ਨਾਲ ਤੀਜੇ ਸਥਾਨ ‘ਤੇ ਹੈ। ਟੀਮ ਇੰਡੀਆ ਦੂਜੇ ਦੌਰ ‘ਚ ਨੀਦਰਲੈਂਡ ਅਤੇ ਅਰਜਨਟੀਨਾ ਵਿਰੁੱਧ ਖੇਡੇਗੀ। ਟੀਮ ਇੰਡੀਆ ਨੂੰ ਸੈਮੀਫਾਈਨਲ ‘ਚ ਜਗ੍ਹਾ ਪੱਕੀ ਕਰਨ ਲਈ ਦੋਵੇਂ ਮੈਚ ਜਿੱਤਣੇ ਪੈਣਗੇ। ਸ਼ਨੀਵਾਰ ਨੂੰ, ਭਾਰਤੀ ਟੀਮ ਨੀਦਰਲੈਂਡਜ਼ ਵਿਰੁੱਧ ਆਪਣਾ ਪਹਿਲਾ ਪੂਲ ਈ ਮੈਚ ਜਿੱਤਣ ਅਤੇ ਸੈਮੀਫਾਈਨਲ ਸਥਾਨ ਦੇ ਨੇੜੇ ਜਾਣ ਦਾ ਟੀਚਾ ਰੱਖੇਗੀ।
Read More:Hockey News: ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਹਾਕੀ ਵਿਸ਼ਵ ਕੱਪ ਦੇ ਸੁਪਰ-8 ‘ਚ ਜਗ੍ਹਾ ਪੱਕੀ
