ਸਪੋਰਟਸ, 28 ਅਗਸਤ 2026: Women Asia Cup 2026: ਮਹਿਲਾ ਕ੍ਰਿਕਟ ਏਸ਼ੀਆ ਕੱਪ ਦਾ 10ਵਾਂ ਐਡੀਸ਼ਨ ਅੱਜ ਦੁਬਈ ‘ਚ ਸ਼ੁਰੂ ਹੋ ਰਿਹਾ ਹੈ। ਇਸ ਐਡੀਸ਼ਨ ‘ਚ ਅੱਠ ਟੀਮਾਂ 12 ਮੈਚ ਖੇਡਣਗੀਆਂ। ਸ਼੍ਰੀਲੰਕਾ ਮੌਜੂਦਾ ਚੈਂਪੀਅਨ ਹੈ, ਜਦੋਂ ਕਿ ਭਾਰਤ ਸੱਤ ਖਿਤਾਬਾਂ ਨਾਲ ਸਭ ਤੋਂ ਸਫਲ ਟੀਮ ਹੈ।
ਟੂਰਨਾਮੈਂਟ ਦਾ ਪਹਿਲਾ ਐਡੀਸ਼ਨ 2004 ‘ਚ ਵਨਡੇ ਫਾਰਮੈਟ ‘ਚ ਖੇਡਿਆ ਗਿਆ ਸੀ। ਪਹਿਲੇ ਚਾਰ ਐਡੀਸ਼ਨ 50 ਓਵਰਾਂ ਦੇ ਫਾਰਮੈਟ ‘ਚ ਖੇਡੇ ਗਏ ਸਨ। 2012 ਤੋਂ, ਇਸਨੂੰ ਟੀ-20 ਫਾਰਮੈਟ ‘ਚ ਬਦਲ ਦਿੱਤਾ ਗਿਆ ਹੈ। ਇਸ ਸੀਜ਼ਨ ਦਾ ਸਭ ਤੋਂ ਵੱਡਾ ਮੈਚ 5 ਸਤੰਬਰ ਨੂੰ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਖੇਡਿਆ ਜਾਵੇਗਾ।
ਭਾਰਤ ਅਤੇ ਸ਼੍ਰੀਲੰਕਾ ਪਹਿਲੀ ਵਾਰ 2004 ‘ਚ ਏਸ਼ੀਆ ਕੱਪ ‘ਚ ਖੇਡੇ ਸਨ। ਦੋਵਾਂ ਟੀਮਾਂ ਨੇ ਪੰਜ ਮੈਚਾਂ ਦੀ ਵਨਡੇ ਸੀਰੀਜ਼ ਖੇਡੀ ਸੀ, ਜਿਸ ‘ਚ ਭਾਰਤ ਨੇ ਸਾਰੇ ਪੰਜ ਮੈਚ ਜਿੱਤ ਕੇ ਖਿਤਾਬ ਜਿੱਤਿਆ ਸੀ। ਇਸ ਤੋਂ ਬਾਅਦ, ਇਹ ਟੂਰਨਾਮੈਂਟ 2005-06, 2006 ਅਤੇ 2008 ‘ਚ ਵਨਡੇ ਫਾਰਮੈਟ ‘ਚ ਖੇਡਿਆ ਗਿਆ ਸੀ। 2012 ਵਿੱਚ, ਮਹਿਲਾ ਏਸ਼ੀਆ ਕੱਪ ਪਹਿਲੀ ਵਾਰ 20 ਓਵਰਾਂ ‘ਚ ਖੇਡਿਆ ਗਿਆ ਸੀ। ਉਸ ਤੋਂ ਬਾਅਦ ਦੇ ਸਾਰੇ ਐਡੀਸ਼ਨ ਇਸ ਫਾਰਮੈਟ ‘ਚ ਖੇਡੇ ਗਏ ਹਨ।
8 ਟੀਮਾਂ ਨੂੰ ਦੋ ਸਮੂਹਾਂ ‘ਚ ਵੰਡਿਆ
2026 ‘ਚ ਅੱਠ ਟੀਮਾਂ ਨੂੰ ਦੋ ਸਮੂਹਾਂ ‘ਚ ਵੰਡਿਆ ਗਿਆ ਹੈ, ਹਰੇਕ ‘ਚ ਚਾਰ ਟੀਮਾਂ ਹਨ। ਹਰੇਕ ਟੀਮ ਆਪਣੇ ਸਮੂਹ ‘ਚ ਬਾਕੀ ਤਿੰਨ ਟੀਮਾਂ ਵਿਰੁੱਧ ਇੱਕ ਮੈਚ ਖੇਡੇਗੀ। ਚੋਟੀ ਦੀਆਂ ਦੋ ਟੀਮਾਂ ਸੈਮੀਫਾਈਨਲ ‘ਚ ਪਹੁੰਚਣਗੀਆਂ। ਸੈਮੀਫਾਈਨਲ ਜੇਤੂ 13 ਸਤੰਬਰ ਨੂੰ ਫਾਈਨਲ ਖੇਡਣਗੇ। ਭਾਰਤ ਗਰੁੱਪ ਏ ‘ਚ ਹੈ। ਟੀਮ ਇਸ ਪੜਾਅ ‘ਚ ਤਿੰਨ ਮੈਚ ਖੇਡੇਗੀ। ਪਹਿਲਾ ਮੈਚ ਥਾਈਲੈਂਡ ਵਿਰੁੱਧ, ਦੂਜਾ ਹਾਂਗਕਾਂਗ, ਚੀਨ ਵਿਰੁੱਧ ਅਤੇ ਤੀਜਾ ਪਾਕਿਸਤਾਨ ਵਿਰੁੱਧ ਹੋਵੇਗਾ।
ਭਾਰਤ ਦੀ ਟੀਮ
ਹਰਮਨਪ੍ਰੀਤ ਕੌਰ 2026 ਏਸ਼ੀਆ ਕੱਪ ‘ਚ ਭਾਰਤ ਦੀ ਕਪਤਾਨ ਹੈ। ਸਮ੍ਰਿਤੀ ਮੰਧਾਨਾ ਉਪ-ਕਪਤਾਨ ਹੈ। ਭਾਰਤ ਦੀ ਟੀਮ ‘ਚ ਹਰਮਨਪ੍ਰੀਤ ਕੌਰ (ਕਪਤਾਨ), ਸਮ੍ਰਿਤੀ ਮੰਧਾਨਾ (ਉਪ-ਕਪਤਾਨ), ਸ਼ੇਫਾਲੀ ਵਰਮਾ, ਭਾਰਤੀ ਫੁੱਲਮਾਲੀ, ਦੀਪਤੀ ਸ਼ਰਮਾ, ਰਿਚਾ ਘੋਸ਼, ਜੀ. ਕਮਲਿਨੀ, ਅਰੁੰਧਤੀ ਰੈਡੀ, ਪ੍ਰੇਮਾ ਰਾਵਤ, ਰਾਧਾ ਯਾਦਵ, ਸ਼੍ਰੀ ਚਰਨੀ, ਰੇਣੂਕਾ ਠਾਕੁਰ, ਨੰਦਨੀ ਸ਼ਰਮਾ, ਕ੍ਰਾਂਤੀ ਗੌੜ ਅਤੇ ਪ੍ਰਤੀਕਾ ਰਾਵਲ ਸ਼ਾਮਲ ਹੈ।
Read More: ENG ਬਨਾਮ PAK: ਇੰਗਲੈਂਡ ਤੇ ਪਾਕਿਸਤਾਨ ਵਿਚਾਲੇ ਅੱਜ ਦੂਜਾ ਟੈਸਟ ਮੈਚ, ਬਾਬਰ ਆਜ਼ਮ ਕਰਨਗੇ ਵਾਪਸੀ ?
