India A ਬਨਾਮ Nepal A

IND A ਬਨਾਮ NEP A: ਏਸ਼ੀਆ ਕੱਪ ਰਾਈਜ਼ਿੰਗ ਸਟਾਰਸ ‘ਚ ਅੱਜ ਭਾਰਤ ਦਾ ਨੇਪਾਲ ਨਾਲ ਮੁਕਾਬਲਾ

ਸਪੋਰਟਸ, 20 ਨਵੰਬਰ 2026: India A ਬਨਾਮ Nepal A: ਏਸ਼ੀਆ ਕੱਪ ਰਾਈਜ਼ਿੰਗ ਸਟਾਰਸ 2026 ‘ਚ ਭਾਰਤ ਏ ਟੀਮ 19 ਨਵੰਬਰ ਤੋਂ 29 ਨਵੰਬਰ ਤੱਕ ਚੱਲਣ ਵਾਲੇ ਇਸ ਵੱਕਾਰੀ ਟੂਰਨਾਮੈਂਟ ‘ਚ ਸ਼ੁੱਕਰਵਾਰ, 20 ਨਵੰਬਰ ਨੂੰ ਨੇਪਾਲ ਖ਼ਿਲਾਫ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰੇਗੀ।

ਨੌਜਵਾਨ ਬੱਲੇਬਾਜ਼ ਤਿਲਕ ਵਰਮਾ ਨੂੰ ਭਾਰਤੀ ਟੀਮ ਦਾ ਕਪਤਾਨ ਨਿਯੁਕਤ ਕੀਤਾ ਗਿਆ ਹੈ, ਜਦੋਂ ਕਿ ਵਿਸਫੋਟਕ ਫਿਨਿਸ਼ਰ ਰਿੰਕੂ ਸਿੰਘ ਉਪ-ਕਪਤਾਨ ਵਜੋਂ ਸੇਵਾ ਨਿਭਾਏਗਾ। ਪ੍ਰਸ਼ੰਸਕ ਇਸ ਟੂਰਨਾਮੈਂਟ ‘ਚ 15 ਸਾਲਾ ਵੈਭਵ ਸੂਰਿਆਵੰਸ਼ੀ ਅਤੇ ਵਿਸਫੋਟਕ ਓਪਨਰ ਅਭਿਸ਼ੇਕ ਸ਼ਰਮਾ ਨੂੰ ਵੀ ਦੇਖਣਗੇ।

ਭਾਰਤ ਏ ਅਤੇ ਨੇਪਾਲ ਵਿਚਕਾਰ ਮੈਚ ਅੱਜ ਯਾਨੀ 20 ਨਵੰਬਰ ਨੂੰ ਦੋਹਾ ਦੇ ਵੈਸਟ ਐਂਡ ਪਾਰਕ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ‘ਚ ਖੇਡਿਆ ਜਾਵੇਗਾ। ਮੈਚ ਭਾਰਤੀ ਸਮੇਂ ਮੁਤਾਬਕ ਦੁਪਹਿਰ 3:30 ਵਜੇ ਸ਼ੁਰੂ ਹੋਵੇਗਾ। ਕਿਉਂਕਿ ਇਸ ਸਾਲ ਦਾ ਏਸ਼ੀਆ ਕੱਪ ਰਾਈਜ਼ਿੰਗ ਸਟਾਰਸ 50 ਓਵਰਾਂ ਦੇ ਵਨਡੇ ਫਾਰਮੈਟ ‘ਚ ਖੇਡਿਆ ਜਾ ਰਿਹਾ ਹੈ, ਇਸ ਲਈ ਜੇਕਰ ਪੂਰਾ ਮੈਚ ਜਾਰੀ ਰਿਹਾ ਤਾਂ ਮੈਚ ਰਾਤ 10:30 ਵਜੇ ਦੇ ਕਰੀਬ ਖਤਮ ਹੋ ਸਕਦਾ ਹੈ।

ਦੋਵਾਂ ਟੀਮਾਂ ਦੀ ਪੂਰੀ ਟੀਮ

ਇੰਡੀਆ ਏ: ਤਿਲਕ ਵਰਮਾ (ਕਪਤਾਨ), ਰਿੰਕੂ ਸਿੰਘ (ਉਪ-ਕਪਤਾਨ), ਅਭਿਸ਼ੇਕ ਸ਼ਰਮਾ, ਵੈਭਵ ਸੂਰਿਆਵੰਸ਼ੀ, ਪ੍ਰਭਸਿਮਰਨ ਸਿੰਘ (ਵਿਕਟਕੀਪਰ), ਕੁਮਾਰ ਕੁਸ਼ਾਗਰਾ, ਸੂਰਯਾਂਸ਼ ਸ਼ੈਡਗੇ, ਸ਼ਾਹਬਾਜ਼ ਅਹਿਮਦ, ਵਿਪਰਾਜ ਨਿਗਮ, ਹਰਸ਼ ਦੂਬੇ, ਤਨੁਸ਼ ਕੋਟਿਅਨ, ਹਰਸ਼ਿਤ ਰਾਣਾ, ਅਰਸ਼ਦ ਖਾਨ, ਪ੍ਰਿੰਸ ਯਾਦਵ, ਅਯੁਸ਼ ਯਾਦਵ ਅਤੇ ਪ੍ਰਿੰਸ ਬਡੋਨੀ।

ਨੇਪਾਲ: ਸੰਦੀਪ ਲਾਮਿਛਾਨੇ (ਕਪਤਾਨ), ਲੋਕੇਸ਼ ਬਾਮ, ਬਸੀਰ ਅਹਿਮਦ, ਅਰਜੁਨ ਕੁਮਾਰ, ਨੰਦਨ ਯਾਦਵ, ਪਵਨ ਸਰਾਫ, ਲਲਿਤ ਰਾਜਬੰਸ਼ੀ, ਕੁਸ਼ਲ ਭੁਰਤੇਲ, ਸੋਮਪਾਲ ਕਾਮੀ, ਦੀਪਕ ਡੁਮਰੇ, ਸੰਦੀਪ ਜੋਰਾ, ਅਭਿਸ਼ੇਕ ਗੌਤਮ, ਈਸ਼ਾਨ ਪਾਂਡੇ, ਰਾਸ਼ਿਦ ਖਾਨ ਅਤੇ ਦੇਵ ਖਨਾਲ।

Read More: IND ਬਨਾਮ NZ: ਵੈਲਿੰਗਟਨ ਟੈਸਟ ਦੇ ਦੂਜੇ ਦਿਨ ਦੀ ਖੇਡ ਸਮਾਪਤ, ਭਾਰਤ ਨੇ 159 ਦੌੜਾਂ ਬਣਾਈਆਂ

ਵਿਦੇਸ਼

Scroll to Top