ਸਪੋਰਟਸ, 16 ਅਕਤੂਬਰ 2026: ਭਾਰਤੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨਿਊਜ਼ੀਲੈਂਡ ਖ਼ਿਲਾਫ ਪੰਜ ਮੈਚਾਂ ਦੀ ਵਨਡੇ ਸੀਰੀਜ਼ ਤੋਂ ਬਾਹਰ ਹੋ ਸਕਦੇ ਹਨ। ਹਾਲਾਂਕਿ ਉਹ ਪੂਰੀ ਤਰ੍ਹਾਂ ਫਿੱਟ ਹਨ, ਪਰ ਰਿਪੋਰਟਾਂ ਤੋਂ ਪਤਾ ਚੱਲਦਾ ਹੈ ਕਿ ਟੀਮ ਪ੍ਰਬੰਧਨ ਉਸਨੂੰ ਵਨਡੇ ਦੀ ਬਜਾਏ ਟੈਸਟ ਸੀਰੀਜ਼ ਲਈ ਤਿਆਰ ਰੱਖਣਾ ਚਾਹੁੰਦਾ ਹੈ।
ਬੁਮਰਾਹ ਨੇ ਪਹਿਲਾਂ ਹੀ ਅਹਿਮਦਾਬਾਦ ‘ਚ ਟੈਸਟ ਸੀਰੀਜ਼ ਲਈ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਉਸ ਦੇ ਇਸ ਮਹੀਨੇ ਦੇ ਅੰਤ ‘ਚ ਬੀਸੀਸੀਆਈ ਸੈਂਟਰ ਆਫ਼ ਐਕਸੀਲੈਂਸ ਪਹੁੰਚਣ ਦੀ ਉਮੀਦ ਹੈ। ਫਿਰ ਉਹ ਨਿਊਜ਼ੀਲੈਂਡ ਲਈ ਰਵਾਨਾ ਹੋ ਸਕਦਾ ਹੈ। ਪਹਿਲਾ ਟੈਸਟ 19 ਨਵੰਬਰ ਨੂੰ ਵੈਲਿੰਗਟਨ ‘ਚ ਸ਼ੁਰੂ ਹੋਣ ਵਾਲਾ ਹੈ।
ਟਾਈਮਜ਼ ਆਫ਼ ਇੰਡੀਆ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਟੀਮ ਲੰਬੇ ਦੌਰੇ ਨੂੰ ਦੇਖਦੇ ਹੋਏ ਬੁਮਰਾਹ ਦੇ ਕੰਮ ਦੇ ਬੋਝ ਨੂੰ ਤਰਜੀਹ ਦੇਣਾ ਚਾਹੁੰਦੀ ਹੈ। 6 ਨਵੰਬਰ ਤੋਂ ਸ਼ੁਰੂ ਹੋਣ ਵਾਲੇ ਇੰਡੀਆ ਏ ਦੇ ਤੀਜੇ ਮੈਚ ‘ਚ ਬੁਮਰਾਹ ਨੂੰ ਖੇਡਣ ਦੀ ਯੋਜਨਾ ‘ਤੇ ਵੀ ਵਿਚਾਰ ਕੀਤਾ ਜਾ ਰਿਹਾ ਹੈ।
ਇਸ ਨਾਲ ਉਸਦਾ ਕੰਮ ਦਾ ਬੋਝ ਵਧੇਗਾ ਅਤੇ ਉਨ੍ਹਾਂ ਨੂੰ 19 ਨਵੰਬਰ ਤੋਂ ਸ਼ੁਰੂ ਹੋਣ ਵਾਲੇ ਪਹਿਲੇ ਟੈਸਟ ਤੋਂ ਪਹਿਲਾਂ ਢੁਕਵਾਂ ਸਮਾਂ ਮਿਲੇਗਾ। ਬੁਮਰਾਹ ਨੇ ਆਖਰੀ ਵਾਰ ਪਿਛਲੇ ਸਾਲ ਨਵੰਬਰ ‘ਚ ਦੱਖਣੀ ਅਫਰੀਕਾ ਵਿਰੁੱਧ ਘਰੇਲੂ ਮੈਦਾਨ ‘ਤੇ ਮਲਟੀ-ਡੇਅ ਮੈਚ ਖੇਡਿਆ ਸੀ।
ਇਸ ਸਾਲ ਦੇ ਸ਼ੁਰੂ ‘ਚ ਗੋਡੇ ਦੀ ਸੱਟ ਕਾਰਨ ਬੁਮਰਾਹ ਸ਼੍ਰੀਲੰਕਾ ਵਿਰੁੱਧ ਦੋ ਟੈਸਟ ਮੈਚਾਂ ਤੋਂ ਬਾਹਰ ਹੋ ਗਿਆ ਸੀ। ਹੁਣ, ਟੀਮ ਪ੍ਰਬੰਧਨ ਚਾਹੁੰਦਾ ਹੈ ਕਿ ਉਹ ਫਿੱਟ ਰਹੇ ਅਤੇ ਆਉਣ ਵਾਲੀ ਟੈਸਟ ਸੀਰੀਜ਼ ਲਈ ਉਪਲਬਧ ਰਹੇ। ਉਹ ਅਗਲੇ ਸਾਲ ਆਸਟ੍ਰੇਲੀਆ ਖ਼ਿਲਾਫ ਪੰਜ ਟੈਸਟ ਮੈਚਾਂ ਦੀ ਬਾਰਡਰ-ਗਾਵਸਕਰ ਟਰਾਫੀ ‘ਤੇ ਵੀ ਵਿਚਾਰ ਕਰ ਰਹੇ ਹਨ।
Read More: IND ਬਨਾਮ WI: ਭਾਰਤ ਦੇ ਟੀ-20 ਮੈਚ ‘ਚ 2,000 ਛੱਕੇ ਪੂਰੇ, ਭਾਰਤੀ ਟੀਮ ਨੂੰ 24 ਦੌੜਾਂ ਨਾਲ ਮਿਲੀ ਹਾਰ
