ਸਪੋਰਟਸ, 22 ਸਤੰਬਰ 2026:India vs Japan: ਭਾਰਤ ਅਤੇ ਜਾਪਾਨ ਵਿਚਾਲੇ ਅੱਜ ਕੂਟਨੀਤਕ ਸਬੰਧਾਂ ਦੇ 75 ਸਾਲ ਪੂਰੇ ਹੋਣ ‘ਤੇ ਇੱਕ ਦੋਸਤਾਨਾ ਮੈਚ ਖੇਡਿਆ ਜਾਵੇਗਾ। ਪੁਰਸ਼ ਕ੍ਰਿਕਟ ਦੇ ਇਤਿਹਾਸ ‘ਚ ਇਹ ਪਹਿਲੀ ਵਾਰ ਹੈ ਜਦੋਂ ਦੋਵੇਂ ਟੀਮਾਂ ਇੱਕ ਦੂਜੇ ਦਾ ਸਾਹਮਣਾ ਕਰਨਗੀਆਂ।
ਮੈਚ ਮੰਗਲਵਾਰ ਨੂੰ ਸਵੇਰੇ 9:30 ਵਜੇ ਜਾਪਾਨ ਦੇ ਸਾਨੋ ਇੰਟਰਨੈਸ਼ਨਲ ਕ੍ਰਿਕਟ ਗਰਾਊਂਡ ‘ਤੇ ਸ਼ੁਰੂ ਹੋਣਾ ਸੀ। ਹਾਲਾਂਕਿ, ਮੀਂਹ ਕਾਰਨ, ਮੈਦਾਨ ਗਿੱਲਾ ਹੈ ਅਤੇ ਅਜੇ ਤੱਕ ਟਾਸ ਨਹੀਂ ਹੋਇਆ ਹੈ। ਜਾਪਾਨ ‘ਚ ਕ੍ਰਿਕਟ 163 ਸਾਲ ਪਹਿਲਾਂ ਸ਼ੁਰੂ ਹੋਇਆ ਸੀ। ਬ੍ਰਿਟਿਸ਼ ਵਪਾਰੀਆਂ ਅਤੇ ਰਾਇਲ ਨੇਵੀ ਵਿਚਕਾਰ ਇੱਕ ਮੈਚ ਖੇਡਿਆ ਗਿਆ ਸੀ। ਉਸ ਸਮੇਂ, ਵਿਦੇਸ਼ੀ ਲੋਕਾਂ ‘ਤੇ ਹਮਲਿਆਂ ਦਾ ਖ਼ਤਰਾ ਸੀ, ਇਸ ਲਈ ਖਿਡਾਰੀ ਰਿਵਾਲਵਰ ਲੈ ਕੇ ਮੈਦਾਨ ‘ਤੇ ਉਤਰੇ।
ਜਪਾਨ ਖ਼ਿਲਾਫ ਭਾਰਤੀ ਟੀਮ
ਸ਼੍ਰੇਅਸ ਅਈਅਰ (ਕਪਤਾਨ), ਅਭਿਸ਼ੇਕ ਸ਼ਰਮਾ, ਸੰਜੂ ਸੈਮਸਨ (ਵਿਕਟਕੀਪਰ), ਈਸ਼ਾਨ ਕਿਸ਼ਨ (ਵਿਕਟਕੀਪਰ), ਸ਼ਿਵਮ ਦੂਬੇ, ਤਿਲਕ ਵਰਮਾ (ਉਪ-ਕਪਤਾਨ), ਅਕਸ਼ਰ ਪਟੇਲ, ਵਾਸ਼ਿੰਗਟਨ ਸੁੰਦਰ, ਰਵੀ ਬਿਸ਼ਨੋਈ, ਜਸਪ੍ਰੀਤ ਬੁਮਰਾਹ, ਅਰਸ਼ਦੀਪ ਸਿੰਘ, ਵੈਭਵ ਸੂਰਿਆਵੰਸ਼ੀ, ਯਸ਼ ਠਾਕੁਰ, ਵਿਪ੍ਰਰਾਜ ਨਿਗਮ।
ਮੈਚ ਏਸ਼ੀਅਨ ਖੇਡਾਂ ਦਾ ਹਿੱਸਾ ਨਹੀਂ
ਪਿੱਚ ਦਾ ਨਿਰੀਖਣ ਕਰਨ ਤੋਂ ਬਾਅਦ, ਅੰਪਾਇਰਾਂ ਨੇ ਫੈਸਲਾ ਕੀਤਾ ਹੈ ਕਿ ਅਗਲਾ ਨਿਰੀਖਣ ਸਵੇਰੇ 10:45 ਵਜੇ ਹੋਵੇਗਾ। ਇਹ ਮੈਚ ਏਸ਼ੀਅਨ ਖੇਡਾਂ ਦਾ ਹਿੱਸਾ ਨਹੀਂ ਹੈ। ਖੇਡਾਂ ਦਾ ਪੁਰਸ਼ ਕ੍ਰਿਕਟ ਟੂਰਨਾਮੈਂਟ ਦੋ ਦਿਨ ਬਾਅਦ ਸ਼ੁਰੂ ਹੋਵੇਗਾ। ਭਾਰਤ ਦਾ ਪਹਿਲਾ ਮੈਚ 28 ਸਤੰਬਰ ਨੂੰ ਹੋਵੇਗਾ। ਭਾਰਤ ਏਸ਼ੀਅਨ ਖੇਡਾਂ ਦਾ ਡਿਫੈਂਡਿੰਗ ਚੈਂਪੀਅਨ ਹੈ। ਇਸਨੇ 2023 ਹਾਂਗਜ਼ੂ ਖੇਡਾਂ ‘ਚ ਸੋਨ ਤਗਮਾ ਜਿੱਤਿਆ ਸੀ।
ਜਾਪਾਨ ‘ਚ ਸੰਗਠਿਤ ਕ੍ਰਿਕਟ 1868 ‘ਚ ਸ਼ੁਰੂ ਹੋਇਆ ਸੀ। ਸਕਾਟਿਸ਼ ਕਾਰੋਬਾਰੀ ਜੇਮਜ਼ ਪੇਂਡਰ ਮੌਲੀਸਨ ਨੇ ਯੋਕੋਹਾਮਾ ਕ੍ਰਿਕਟ ਕਲੱਬ ਦੀ ਸਥਾਪਨਾ ਕੀਤੀ ਸੀ। ਕਲੱਬ ਦੀ ਸਥਾਪਨਾ ਸ਼ੁਰੂ ‘ਚ ਮੌਲੀਸਨ ਦੇ ਘਰ ਦੇ ਡਾਇਨਿੰਗ ਰੂਮ ‘ਚ ਕੀਤੀ ਗਈ ਸੀ। ਬਾਅਦ ‘ਚ 1877 ‘ਚ ਕਲੱਬ ਦਾ ਪੈਵੇਲੀਅਨ ਯੋਕੋਹਾਮਾ ਪਾਰਕ ਦੇ ਕ੍ਰਿਕਟ ਮੈਦਾਨ ‘ਤੇ ਬਣਾਇਆ ਗਿਆ ਸੀ।
Read More: ਭਾਰਤ ਨੇ ਜਾਪਾਨ ਦੇ ਨਾਗੋਆ ‘ਚ ਚੱਲ ਰਹੀਆਂ ਏਸ਼ੀਆਈ ਖੇਡਾਂ ਵਿੱਚ ਛੇ ਤਗਮੇ ਜਿੱਤੇ
