ਸਪੋਰਟਸ, 20 ਅਗਸਤ 2026: ਦਲੀਪ ਟਰਾਫੀ 2026-27 ਦਾ ਸ਼ਡਿਊਲ: 2026-27 ਦਲੀਪ ਟਰਾਫੀ ਦਾ ਫਾਈਨਲ ਹੁਣ ਬੰਗਲੁਰੂ ਦੇ ਸੈਂਟਰ ਆਫ਼ ਐਕਸੀਲੈਂਸ (COE) ‘ਚ ਨਹੀਂ, ਸਗੋਂ ਚੇਨਈ ਦੇ ਐਮਏ ਚਿਦੰਬਰਮ ਸਟੇਡੀਅਮ ‘ਚ ਹੋਵੇਗਾ। ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਬੁੱਧਵਾਰ ਨੂੰ ਸਥਾਨ ਬਦਲਣ ਦਾ ਫੈਸਲਾ ਕੀਤਾ। ਟੂਰਨਾਮੈਂਟ ਦਾ ਟਾਈਟਲ ਮੈਚ 6 ਤੋਂ 10 ਸਤੰਬਰ ਦੇ ਵਿਛਾਲੇ ਖੇਡਿਆ ਜਾਵੇਗਾ।
BCCI ਨੇ ਕਿਹਾ ਕਿ ਫਾਈਨਲ ਨੂੰ ਚੇਨਈ ‘ਚ ਤਬਦੀਲ ਕਰਨ ਦਾ ਮੁੱਖ ਕਾਰਨ ਸਟੇਡੀਅਮ ‘ਚ ਵੱਧ ਤੋਂ ਵੱਧ ਦਰਸ਼ਕਾਂ ਨੂੰ ਮੈਚ ਦੇਖਣ ਦੀ ਆਗਿਆ ਦੇਣਾ ਸੀ। ਸੈਂਟਰ ਆਫ਼ ਐਕਸੀਲੈਂਸ ‘ਚ ਦਰਸ਼ਕਾਂ ਦੀ ਸਮਰੱਥਾ ‘ਤੇ ਕੁਝ ਪਾਬੰਦੀਆਂ ਦੇ ਕਾਰਨ, ਬੋਰਡ ਨੇ ਫਾਈਨਲ ਲਈ ਇੱਕ ਵੱਡਾ ਅਤੇ ਵਧੇਰੇ ਦਰਸ਼ਕਾਂ-ਅਨੁਕੂਲ ਸਥਾਨ ਚੁਣਿਆ।
23 ਅਗਸਤ ਤੋਂ ਮੈਚ ਸ਼ੁਰੂ ਹੋਣਗੇ
ਦਲੀਪ ਟਰਾਫੀ ਦੇ ਸ਼ੁਰੂਆਤੀ ਮੈਚ ਬੰਗਲੁਰੂ ਦੇ ਸੈਂਟਰ ਆਫ਼ ਐਕਸੀਲੈਂਸ ‘ਚ ਨਿਰਧਾਰਤ ਸਮੇਂ ਅਨੁਸਾਰ ਖੇਡੇ ਜਾਣਗੇ। ਟੂਰਨਾਮੈਂਟ 23 ਅਗਸਤ ਨੂੰ ਸ਼ੁਰੂ ਹੋਵੇਗਾ। ਸ਼ੁਰੂਆਤੀ ਦਿਨ, ਪੂਰਬੀ ਜ਼ੋਨ ਉੱਤਰ ਪੂਰਬੀ ਜ਼ੋਨ ਦਾ ਸਾਹਮਣਾ ਕਰੇਗਾ, ਜਦੋਂ ਕਿ ਉੱਤਰ ਜ਼ੋਨ ਅਤੇ ਪੱਛਮੀ ਜ਼ੋਨ ਦੀਆਂ ਟੀਮਾਂ ਵੀ ਇੱਕ ਦੂਜੇ ਦਾ ਸਾਹਮਣਾ ਕਰਨਗੀਆਂ। ਬੀਸੀਸੀਆਈ ਨੇ ਸਪੱਸ਼ਟ ਕੀਤਾ ਹੈ ਕਿ ਫਾਈਨਲ ਨੂੰ ਛੱਡ ਕੇ, ਦਲੀਪ ਟਰਾਫੀ ਦੇ ਬਾਕੀ ਮੈਚ ਨਿਰਧਾਰਤ ਸਮੇਂ ਅਨੁਸਾਰ ਸੈਂਟਰ ਆਫ਼ ਐਕਸੀਲੈਂਸ ਵਿਖੇ ਖੇਡੇ ਜਾਣਗੇ।
ਇਸ ਵਾਰ ਛੇ ਜ਼ੋਨਲ ਟੀਮਾਂ ਲੈਣਗੀਆਂ ਹਿੱਸਾ
ਦਲੀਪ ਟਰਾਫੀ 2026-27 ਸੀਜ਼ਨ ਲਈ ਆਪਣੇ ਰਵਾਇਤੀ ਜ਼ੋਨਲ ਫਾਰਮੈਟ ਵਿੱਚ ਵਾਪਸ ਆ ਗਈ ਹੈ। ਟੂਰਨਾਮੈਂਟ ਵਿੱਚ ਕੁੱਲ ਛੇ ਟੀਮਾਂ ਹਿੱਸਾ ਲੈ ਰਹੀਆਂ ਹਨ। ਦਲੀਪ ਟਰਾਫੀ ਟੂਰਨਾਮੈਂਟ 23 ਅਗਸਤ ਤੋਂ 10 ਸਤੰਬਰ ਤੱਕ ਹੋਵੇਗਾ।
ਕੇਂਦਰੀ ਜ਼ੋਨ
ਦੱਖਣੀ ਜ਼ੋਨ
ਪੂਰਬੀ ਜ਼ੋਨ
ਪੱਛਮੀ ਜ਼ੋਨ
ਉੱਤਰੀ ਜ਼ੋਨ
ਉੱਤਰ ਪੂਰਬੀ ਜ਼ੋਨ
