ਨਾਗਪੁਰ, 2 ਜੁਲਾਈ 2026: ਰਾਸ਼ਟਰੀ ਸਵੈਮ ਸੇਵਕ ਸੰਘ (RSS) ਦੇ ਮੁਖੀ ਮੋਹਨ ਭਾਗਵਤ ਨੇ ਕਿਹਾ ਕਿ 1947 ਦੀ ਵੰਡ ਤੋਂ ਬਾਅਦ ਪਾਕਿਸਤਾਨ ਤੋਂ ਭਾਰਤ ਆਏ ਲੋਕਾਂ ਨੂੰ ਸ਼ਰਨਾਰਥੀ ਕਹਿਣਾ ਸਹੀ ਨਹੀਂ ਹੈ। ਉਹ “ਸੰਘਰਸ਼ ਦੇ ਯੋਧੇ” ਸਨ, ਜਿਨ੍ਹਾਂ ਨੇ ਪੀੜ੍ਹੀਆਂ ਤੋਂ ਬਣਾਈਆਂ ਜ਼ਮੀਨਾਂ, ਕਾਰੋਬਾਰ ਅਤੇ ਜਾਇਦਾਦਾਂ ਨੂੰ ਪਿੱਛੇ ਛੱਡ ਕੇ ਭਾਰਤ ਆਏ।
ਉਨ੍ਹਾਂ ਕਿਹਾ ਕਿ ਇਹ ਲੋਕ ਭਾਰਤ ਇਸ ਲਈ ਆਏ ਸਨ ਕਿਉਂਕਿ ਉਹ ਇੱਥੇ ਬਿਨਾਂ ਕਿਸੇ ਡਰ ਦੇ ਆਪਣੇ ਧਰਮ ਦੀ ਪਾਲਣਾ ਕਰ ਸਕਣ। “ਅਸੀਂ ਸਾਰੇ ਭਾਰਤ ਨੂੰ ਇੱਕਜੁੱਟ ਰੱਖਣ ਦੀ ਲੜਾਈ ਹਾਰ ਗਏ, ਪਰ ਉਨ੍ਹਾਂ ਨੇ ਆਪਣਾ ਵਿਸ਼ਵਾਸ ਨਹੀਂ ਛੱਡਿਆ।”
ਭਾਗਵਤ ਨੇ ਇਹ ਟਿੱਪਣੀਆਂ ਬੁੱਧਵਾਰ ਨੂੰ ਨਾਗਪੁਰ ‘ਚ ਸਿੰਧੂ ਐਜੂਕੇਸ਼ਨ ਸੋਸਾਇਟੀ ਦੇ 75ਵੇਂ ਸਥਾਪਨਾ ਦਿਵਸ ਸਮਾਗਮ ‘ਚ ਕੀਤੀਆਂ। ਆਰਐਸਐਸ ਨੇ 10 ਤੋਂ 12 ਜੁਲਾਈ ਤੱਕ ਕਰਨਾਟਕ ਦੇ ਬੇਲਗਾਮ ‘ਚ ਹੋਣ ਵਾਲੀ ਆਲ ਇੰਡੀਆ ਪ੍ਰੋਵਿੰਸ਼ੀਅਲ ਪ੍ਰਚਾਰਕ ਮੀਟਿੰਗ ਦਾ ਵੀ ਐਲਾਨ ਕੀਤਾ।
ਉਨ੍ਹਾਂ ਕਿਹਾ ਕਿ ਸਿੱਖਿਆ ਦਾ ਉਦੇਸ਼ ਸਿਰਫ਼ ਰੁਜ਼ਗਾਰ ਨਹੀਂ ਹੈ, ਸਗੋਂ ਚੰਗੇ ਇਨਸਾਨ ਪੈਦਾ ਕਰਨਾ ਹੈ। ਸਹੀ ਅਤੇ ਗ਼ਲਤ ਸਿਰਫ਼ ਕਿਤਾਬਾਂ ਦੁਆਰਾ ਨਹੀਂ, ਸਗੋਂ ਅਧਿਆਪਕਾਂ ਦੇ ਵਿਵਹਾਰ ਅਤੇ ਉਨ੍ਹਾਂ ਦੁਆਰਾ ਦਿੱਤੀਆਂ ਗਈਆਂ ਕਦਰਾਂ-ਕੀਮਤਾਂ ਦੁਆਰਾ ਵੀ ਨਿਰਧਾਰਤ ਕੀਤੇ ਜਾਂਦੇ ਹਨ।
ਹਲਾਤਾਂ ਜਾਂ ਕਿਸਮਤ ਦੇ ਸਾਹਮਣੇ ਹਾਰ ਨਹੀਂ ਮੰਨਣੀ ਚਾਹੀਦੀ। ਸਿਰਫ਼ ਉਹੀ ਅੱਗੇ ਵਧਦੇ ਹਨ ਜੋ ਮੁਸ਼ਕਿਲਾਂ ਨਾਲ ਲੜਦੇ ਹਨ, ਜਦੋਂ ਕਿ ਚੁਣੌਤੀਆਂ ਤੋਂ ਭੱਜਣ ਵਾਲੇ ਛੇਤੀ ਹਾਰ ਮੰਨ ਲੈਂਦੇ ਹਨ| ਆਰਐਸਐਸ ਦੇ ਸ਼ਤਾਬਦੀ ਵਰ੍ਹੇ ਦੇ ਜਸ਼ਨਾਂ ਦੇ ਹਿੱਸੇ ਵਜੋਂ, ਭਾਗਵਤ ਸ਼ੁੱਕਰਵਾਰ ਨੂੰ ਆਪਣੇ ਪ੍ਰਚਾਰਕਾਂ ਦੇ ਜੀਵਨ ‘ਤੇ 100 ਵੀਡੀਓ ਜਾਰੀ ਕਰਨਗੇ। “ਡਾ. ਹੇਡਗੇਵਾਰ: ਆਧੁਨਿਕ ਯੁੱਗ ਦੇ ਸ਼ਾਲੀਵਾਹਨ” ਸਿਰਲੇਖ ਵਾਲਾ ਇੱਕ ਯੂਟਿਊਬ ਵੀਡੀਓ ਵੀ ਉਸੇ ਦਿਨ ਜਨਤਕ ਤੌਰ ‘ਤੇ ਪ੍ਰਸਾਰਿਤ ਕੀਤਾ ਜਾਵੇਗਾ।
Read More: ਭਾਰਤ-ਜਾਪਾਨ ਬਾਇਓਗੈਸ ਪਹਿਲਕਦਮੀ ਤਹਿਤ, ਭਾਰਤ ‘ਚ ਲੱਗਣਗੇ 1,000 ਬਾਇਓਗੈਸ ਤੇ ਜੈਵਿਕ ਖਾਦ ਪਲਾਂਟ
