ਸਪੋਰਟਸ, 19 ਦਸੰਬਰ 2025: Syed Mushtaq Ali Trophy Winner: ਝਾਰਖੰਡ ਨੇ ਪਹਿਲੀ ਵਾਰ ਸਈਅਦ ਮੁਸ਼ਤਾਕ ਅਲੀ ਟਰਾਫੀ ਜਿੱਤੀ ਹੈ। ਇਹ ਝਾਰਖੰਡ ਦਾ ਘਰੇਲੂ ਟੀ-20 ਟੂਰਨਾਮੈਂਟ ਜਿੱਤਣ ਦਾ ਪਹਿਲਾ ਮੌਕਾ ਹੈ। ਭਾਰਤੀ ਵਿਕਟਕੀਪਰ ਈਸ਼ਾਨ ਕਿਸ਼ਨ ਦੀ ਕਪਤਾਨੀ ਵਾਲੀ ਝਾਰਖੰਡ ਨੇ ਹਰਿਆਣਾ ਨੂੰ 69 ਦੌੜਾਂ ਨਾਲ ਹਰਾ ਦਿੱਤਾ। ਦੋਵੇਂ ਟੀਮਾਂ ਪਹਿਲੀ ਵਾਰ ਇਸ ਟੂਰਨਾਮੈਂਟ ਦਾ ਫਾਈਨਲ ‘ਚ ਖੇਡ ਰਹੀਆਂ ਸਨ।
ਵੀਰਵਾਰ ਨੂੰ ਪੁਣੇ ਦੇ ਮਹਾਰਾਸ਼ਟਰ ਕ੍ਰਿਕਟ ਸਟੇਡੀਅਮ ‘ਚ ਹਰਿਆਣਾ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਸ ਦੇ ਬਾਵਜੂਦ, ਝਾਰਖੰਡ ਦੇ ਬੱਲੇਬਾਜ਼ 20 ਓਵਰਾਂ ‘ਚ 3 ਵਿਕਟਾਂ ‘ਤੇ 262 ਦੌੜਾਂ ਦਾ ਮਜ਼ਬੂਤ ਸਕੋਰ ਬਣਾਉਣ ‘ਚ ਕਾਮਯਾਬ ਰਹੇ। ਹਾਲਾਂਕਿ, ਹਰਿਆਣਾ ਵੱਡੇ ਸਕੋਰ ਦੇ ਦਬਾਅ ਅੱਗੇ ਝੁਕ ਗਿਆ ਅਤੇ 18.3 ਓਵਰਾਂ ‘ਚ 193 ਦੌੜਾਂ ‘ਤੇ ਆਲ ਆਊਟ ਹੋ ਗਿਆ।
ਝਾਰਖੰਡ ਦੀ ਜਿੱਤ ‘ਚ ਈਸ਼ਾਨ ਕਿਸ਼ਨ ਦੀ ਕਪਤਾਨੀ ਵਾਲੀ ਪਾਰੀ ਨੇ ਵੱਡੀ ਭੂਮਿਕਾ ਨਿਭਾਈ। ਉਸਨੇ 49 ਗੇਂਦਾਂ ‘ਚ 101 ਦੌੜਾਂ ਬਣਾਈਆਂ। ਕੁਮਾਰ ਕੁਸ਼ਾਗਰਾ ਨੇ 38 ਗੇਂਦਾਂ ‘ਚ 81 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡੀ। ਈਸ਼ਾਨ ਕਿਸ਼ਨ ਨੂੰ ਫਾਈਨਲ ਦਾ ਖਿਡਾਰੀ ਚੁਣਿਆ ਗਿਆ, ਜਦੋਂ ਕਿ ਅਨੁਕੂਲ ਰਾਏ ਨੂੰ ਸੀਰੀਜ਼ ਦਾ ਖਿਡਾਰੀ ਚੁਣਿਆ ਗਿਆ। ਈਸ਼ਾਨ ਕਿਸ਼ਨ ਝਾਰਖੰਡ ਲਈ ਟੀ-20 ਕ੍ਰਿਕਟ ‘ਚ ਸਭ ਤੋਂ ਵੱਧ 94 ਛੱਕੇ ਲਗਾਉਣ ਵਾਲਾ ਖਿਡਾਰੀ ਬਣ ਗਿਆ। ਵਿਰਾਟ ਸਿੰਘ ਦਾ 84 ਛੱਕਿਆਂ ਦਾ ਰਿਕਾਰਡ ਟੁੱਟ ਗਿਆ।
Read More: IND ਬਨਾਮ SA: ਰੱਦ ਹੋਏ ਲਖਨਊ ਟੀ-20 ਮੈਚ ਦੀ ਟਿਕਟਾਂ ਖਰੀਦਣ ਵਾਲਿਆਂ ਨੂੰ ਮਿਲੇਗਾ ਪੂਰਾ ਰਿਫੰਡ
