ਚੀਨ, 27 ਨਵੰਬਰ 2025: China Train Accident: ਚੀਨ ਦੇ ਦੱਖਣੀ ਪ੍ਰਾਂਤ ਯੂਨਾਨ ‘ਚ ਵੀਰਵਾਰ ਸਵੇਰੇ ਇੱਕ ਰੇਲ ਹਾਦਸੇ ‘ਚ ਗਿਆਰਾਂ ਰੇਲਵੇ ਕਰਮਚਾਰੀਆਂ ਦੀ ਮੌਤ ਹੋ ਗਈ ਅਤੇ ਦੋ ਹੋਰ ਜ਼ਖਮੀ ਹੋ ਗਏ। ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਭੂਚਾਲ ਨਾਲ ਸਬੰਧਤ ਉਪਕਰਨਾਂ ਦੀ ਜਾਂਚ ਕਰ ਰਹੀ ਇੱਕ ਟੈਸਟ ਟਰੇਨ ਉਨ੍ਹਾਂ ਨਾਲ ਟਕਰਾ ਗਈ। ਮੀਡੀਆ ਰਿਪੋਰਟਾਂ ਅਨੁਸਾਰ, ਟ੍ਰੇਨ ਨੰਬਰ 55537 ਟੈਸਟ ਰਨ ‘ਤੇ ਸੀ।
ਇਹ ਹਾਦਸਾ ਕੁਨਮਿੰਗ ਸ਼ਹਿਰ ਦੇ ਲੁਓਯਾਂਗਜ਼ੇਨ ਰੇਲਵੇ ਸਟੇਸ਼ਨ ‘ਤੇ ਵਾਪਰਿਆ, ਜਿੱਥੇ ਰੇਲਵੇ ਕਰਮਚਾਰੀ ਟਰੈਕ ਦੇ ਇੱਕ ਮੋੜ ਵਾਲੇ ਹਿੱਸੇ ‘ਤੇ ਕੰਮ ਕਰ ਰਹੇ ਸਨ। ਫਿਰ ਟ੍ਰੇਨ ਆਈ ਅਤੇ ਟਕਰਾ ਗਈ।
ਚੀਨ ਦੇ ਸਰਕਾਰੀ ਟੀਵੀ ਚੈਨਲ ਸੀਸੀਟੀਵੀ ਦੇ ਮੁਤਾਬਕ ਟੈਸਟ ਟ੍ਰੇਨ ਨੰਬਰ 55537 ਭੂਚਾਲ ਵਾਲੇ ਉਪਕਰਨਾਂ ਦੀ ਜਾਂਚ ਕਰ ਰਹੀ ਸੀ। ਹਾਦਸੇ ਤੋਂ ਤੁਰੰਤ ਬਾਅਦ, ਰੇਲਵੇ ਅਤੇ ਸਥਾਨਕ ਅਧਿਕਾਰੀਆਂ ਨੇ ਐਮਰਜੈਂਸੀ ਬਚਾਅ ਕਾਰਜ ਸ਼ੁਰੂ ਕੀਤਾ।
ਕੁਨਮਿੰਗ ਰੇਲਵੇ ਅਥਾਰਟੀ ਨੇ ਪੀੜਤਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਪ੍ਰਤੀ ਸੰਵੇਦਨਾ ਪ੍ਰਗਟ ਕਰਦੇ ਹੋਏ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤਾ। ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
Read More: ਮਿਰਜ਼ਾਪੁਰ ‘ਚ ਦਰਦਨਾਕ ਹਾਦਸਾ, ਕਾਲਕਾ ਮੇਲ ਦੀ ਲਪੇਟ ‘ਚ ਆਏ 6 ਸ਼ਰਧਾਲੂ
