ਨਿਊ ਚੰਡੀਗੜ੍ਹ, 30 ਮਈ 2025: MI ਬਨਾਮ GT: ਮੁੱਲਾਂਪੁਰ (ਨਿਊ ਚੰਡੀਗੜ੍ਹ) ‘ਚ ਅੱਜ ਆਈਪੀਐਲ 2025 ਦਾ ਐਲੀਮੀਨੇਟਰ ਮੈਚ ਮੁੰਬਈ ਇੰਡੀਅਨਜ਼ (MI) ਅਤੇ ਗੁਜਰਾਤ ਟਾਈਟਨਜ਼ (GT) ਵਿਚਾਲੇ ਖੇਡਿਆ ਜਾਵੇਗਾ ਹੈ, ਪਰ ਇਸ ਮੈਚ ‘ਤੇ ਮੀਂਹ ਦਾ ਸੰਕਟ ਵੀ ਹੈ। ਇਸ ਮੈਚ ‘ਚ ਹਾਰਨ ਵਾਲੀ ਟੀਮ ਦਾ ਸਫ਼ਰ ਇੱਥੇ ਹੀ ਖਤਮ ਹੋਵੇਗਾ, ਜਦੋਂ ਕਿ ਜਿੱਤਣ ਵਾਲੀ ਟੀਮ ਕੁਆਲੀਫਾਇਰ-2 ‘ਚ ਪ੍ਰਵੇਸ਼ ਕਰੇਗੀ | ਇਹ ਮੈਚ ਜਿੱਤਣ ਵਾਲੀ ਟੀਮ ਐਤਵਾਰ ਨੂੰ ਪੰਜਾਬ ਕਿੰਗਜ਼ ਨਾਲ ਮੁਕਾਬਲਾ ਖੇਡੇਗੀ। ਕੁਆਲੀਫਾਇਰ-2 ‘ਚ ਜਿੱਤਣ ਵਾਲੀ ਟੀਮ 3 ਜੂਨ ਨੂੰ ਫਾਈਨਲ ‘ਚ ਰਾਇਲ ਚੈਲੇਂਜਰਜ਼ ਬੰਗਲੁਰੂ (ਆਰਸੀਬੀ) ਨਾਲ ਹੋਵੇਗਾ।
ਆਰਸੀਬੀ ਨੇ ਵੀਰਵਾਰ ਨੂੰ ਪੰਜਾਬ ਕਿੰਗਜ਼ ਨੂੰ ਹਰਾ ਕੇ ਖਿਤਾਬੀ ਮੈਚ ‘ਚ ਪ੍ਰਵੇਸ਼ ਕੀਤਾ ਹੈ। ਗੁਜਰਾਤ ਅਤੇ ਮੁੰਬਈ ਕੋਲ ਗਰੁੱਪ ਪੜਾਅ ‘ਚ ਸਿਖਰ ‘ਤੇ ਪਹੁੰਚਣ ਦਾ ਮੌਕਾ ਸੀ, ਪਰ ਦੋਵੇਂ ਟੀਮਾਂ ਇਸ ਤੋਂ ਖੁੰਝ ਗਈਆਂ। ਗੁਜਰਾਤ ਨੂੰ ਆਪਣੇ ਪਿਛਲੇ ਦੋ ਮੈਚਾਂ ‘ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਜਿਸ ਕਾਰਨ ਉਹ ਟੇਬਲ ‘ਚ ਤੀਜੇ ਸਥਾਨ ‘ਤੇ ਸਨ। ਦੂਜੇ ਪਾਸੇ, ਮੁੰਬਈ ਵੀ ਚੰਗੀ ਫਾਰਮ ‘ਚ ਦਿਖਾਈ ਦੇ ਰਹੀ ਸੀ | ਹਾਰਦਿਕ ਪੰਡਯਾ ਦੀ ਅਗਵਾਈ ਵਾਲੀ ਟੀਮ ਚੌਥੇ ਸਥਾਨ ‘ਤੇ ਰਹੀ।
ਮੀਂਹ ਕਾਰਨ ਮੈਚ ਰੱਦ ਹੋਣ ‘ਤੇ ਕਿਹੜੀ ਟੀਮ ਨੂੰ ਫਾਇਦਾ ?
ਅੱਜ ਦੇ ਐਲੀਮੀਨੇਟਰ ਮੈਚ (MI ਬਨਾਮ GT) ਦੌਰਾਨ ਮੁੱਲਾਂਪੁਰ ‘ਚ ਮੀਂਹ ਦੀ ਸੰਭਾਵਨਾ ਬਹੁਤ ਘੱਟ ਹੈ। ਮੌਸਮ ਵਿਭਾਗ ਦੇ ਮੁਤਾਬਕ ਮੁੱਲਾਂਪੁਰ ‘ਚ ਮੈਚ ਦੌਰਾਨ ਮੀਂਹ ਦੀ ਕੋਈ ਭਵਿੱਖਬਾਣੀ ਨਹੀਂ ਹੈ ਅਤੇ ਮੈਚ ਪ੍ਰਭਾਵਿਤ ਹੋਣ ਦੀ ਸੰਭਾਵਨਾ ਘੱਟ ਹੈ। ਪ੍ਰਸ਼ੰਸਕਾਂ ਲਈ ਰਾਹਤ ਦੀ ਗੱਲ ਇਹ ਹੈ ਕਿ ਇਸ ਸਮੇਂ ਦੌਰਾਨ ਮੌਸਮ ਸਾਫ਼ ਰਹੇਗਾ, ਜਿਸ ਨਾਲ ਉਹ ਮੈਚ ਦਾ ਪੂਰਾ ਆਨੰਦ ਲੈ ਸਕਣਗੇ।
ਹਾਲਾਂਕਿ ਐਲੀਮੀਨੇਟਰ ਮੈਚ ‘ਚ ਮੀਂਹ ਦੀ ਸੰਭਾਵਨਾ ਘੱਟ ਹੈ, ਪਰ ਜੇਕਰ ਮੀਂਹ ਪੈਂਦਾ ਹੈ ਅਤੇ ਮੈਚ ਨਹੀਂ ਖੇਡਿਆ ਜਾਂਦਾ ਹੈ, ਤਾਂ ਗੁਜਰਾਤ ਦੀ ਟੀਮ ਕੁਆਲੀਫਾਇਰ-2 ‘ਚ ਪ੍ਰਵੇਸ਼ ਕਰੇਗੀ ਕਿਉਂਕਿ ਇਹ ਅੰਕ ਸੂਚੀ ‘ਚ ਮੁੰਬਈ ਤੋਂ ਉੱਪਰ ਤੀਜੇ ਸਥਾਨ ‘ਤੇ ਸੀ। ਮੁੰਬਈ ਨੇ ਗਰੁੱਪ ਪੜਾਅ ਚੌਥੇ ਸਥਾਨ ‘ਤੇ ਖਤਮ ਕੀਤਾ ਸੀ, ਇਸ ਲਈ ਜੇਕਰ ਮੈਚ ਮੀਂਹ ਕਾਰਨ ਰੱਦ ਹੋ ਜਾਂਦਾ ਹੈ, ਤਾਂ ਮੁੰਬਈ ਨੂੰ ਨੁਕਸਾਨ ਹੋਵੇਗਾ ਅਤੇ ਉਸਦੀ ਯਾਤਰਾ ਖਤਮ ਹੋ ਜਾਵੇਗੀ।
ਕੁਆਲੀਫਾਇਰ-2 ਮੈਚ ਰਿਜ਼ਰਵ ਡੇਅ ਨਹੀਂ
ਐਲੀਮੀਨੇਟਰ ਮੈਚ ਲਈ ਕੋਈ ਰਿਜ਼ਰਵ ਡੇਅ ਨਹੀਂ ਹੈ। ਕੁਆਲੀਫਾਇਰ-2 ਮੈਚ ਐਤਵਾਰ ਨੂੰ ਅਹਿਮਦਾਬਾਦ ‘ਚ ਹੋਣਾ ਹੈ ਅਤੇ ਐਲੀਮੀਨੇਟਰ ਅਤੇ ਇਸ ਮੈਚ ਵਿਚਕਾਰ ਸਿਰਫ਼ ਇੱਕ ਦਿਨ ਦਾ ਅੰਤਰ ਹੈ। ਪੰਜਾਬ ਅਤੇ ਆਰਸੀਬੀ ਵਿਚਕਾਰ ਕੁਆਲੀਫਾਇਰ-1 ਮੈਚ ਮੁੱਲਾਂਪੁਰ ਵਿੱਚ ਖੇਡਿਆ ਗਿਆ ਸੀ ਅਤੇ ਉਸ ਸਮੇਂ ਵੀ ਮੌਸਮ ਬਿਲਕੁਲ ਸਾਫ਼ ਸੀ।
Read More: GT ਬਨਾਮ MI: ਐਲੀਮੀਨੇਟਰ ਮੈਚ ‘ਚ ਅੱਜ ਮੁੱਲਾਂਪੁਰ ਵਿਖੇ ਮੁੰਬਈ ਇੰਡੀਅਨਜ਼ ਤੇ ਗੁਜਰਾਤ ਟਾਈਟਨਸ ਵਿਚਾਲੇ ਮੁਕਾਬਲਾ
