ਪੱਛਮੀ ਬੰਗਾਲ, 29 ਅਪ੍ਰੈਲ 2026: West Bengal assembly elections 2026: ਪੱਛਮੀ ਬੰਗਾਲ ‘ਚ ਵਿਧਾਨ ਸਭਾ ਚੋਣਾਂ ਦੇ ਦੂਜੇ ਪੜਾਅ ‘ਚ 142 ਸੀਟਾਂ ਲਈ ਅੱਜ ਵੋਟਿੰਗ ਹੋ ਰਹੀ ਹੈ। ਬੰਗਾਲ ਦੇ ਲੋਕ ਇਸ ਚੋਣ ‘ਚ 1,448 ਉਮੀਦਵਾਰਾਂ ਦੀ ਕਿਸਮਤ ਦਾ ਫੈਸਲਾ ਕਰਨਗੇ। ਜਿੱਥੇ ਮਮਤਾ ਬੈਨਰਜੀ ਦੀ ਅਗਵਾਈ ਵਾਲੀ ਤ੍ਰਿਣਮੂਲ ਕਾਂਗਰਸ ਚੌਥੀ ਵਾਰ ਸੱਤਾ ‘ਚ ਵਾਪਸੀ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ, ਉੱਥੇ ਹੀ ਭਾਜਪਾ ਆਪਣੀ ਪਹਿਲੀ ਜਿੱਤ ਯਕੀਨੀ ਬਣਾਉਣ ਲਈ ਆਪਣੀ ਪੂਰੀ ਤਾਕਤ ਲਗਾ ਰਹੀ ਹੈ। ਚੋਣ ਕਮਿਸ਼ਨ ਦੇ ਅੰਕੜਿਆਂ ਮੁਤਾਬਕ, ਦੁਪਹਿਰ 1 ਵਜੇ ਤੱਕ ਪੱਛਮੀ ਬੰਗਾਲ ‘ਚ 61.11 ਫੀਸਦੀ ਵੋਟਿੰਗ ਦਰਜ ਕੀਤੀ ਗਈ ਹੈ।
ਚੋਣ ਕਮਿਸ਼ਨ ਦੇ ਅੰਕੜਿਆਂ ਮੁਤਾਬਕ, ਸਵੇਰੇ 11 ਵਜੇ ਤੱਕ, ਹੁਗਲੀ ਜ਼ਿਲ੍ਹੇ ‘ਚ 43 ਫੀਸਦੀ, ਹਾਵੜਾ ‘ਚ 39 ਫੀਸਦੀ, ਕੋਲਕਾਤਾ ਉੱਤਰੀ ‘ਚ 38 ਫੀਸਦੀ ਅਤੇ ਕੋਲਕਾਤਾ ਦੱਖਣੀ ‘ਚ 36 ਫੀਸਦੀ ਵੋਟਿੰਗ ਦਰਜ ਕੀਤੀ ਗਈ।
ਪ੍ਰਾਣਗੰਜ, ਭਾਂਗਰ ‘ਚ, ਬੂਥ ਨੰਬਰ 233 ਅਤੇ 234 ‘ਤੇ ਆਈਐਸਐਫ ਆਗੂ ਨੌਸ਼ਾਦ ਸਿੱਦੀਕੀ ਅਤੇ ਟੀਐਮਸੀ ਵਰਕਰਾਂ ਵਿਚਕਾਰ ਝੜੱਪ ਹੋ ਗਈ। ਨੌਸ਼ਾਦ ਸਿੱਦੀਕੀ ਨੇ ਦੋਸ਼ ਲਗਾਇਆ ਕਿ ਟੀਐਮਸੀ ਵਰਕਰ ਪੋਲਿੰਗ ਬੂਥ ਤੋਂ ਸਿਰਫ਼ 100 ਮੀਟਰ ਦੇ ਘੇਰੇ ‘ਚ ਵੋਟਰਾਂ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ। ਉਨ੍ਹਾਂ ਦੋਸ਼ ਲਾਇਆ, “ਮੈਂ ਕੇਂਦਰੀ ਬਲਾਂ ਨੂੰ ਇਸ ਮਾਮਲੇ ਦੀ ਜਾਂਚ ਕਰਨ ਦੀ ਅਪੀਲ ਕੀਤੀ ਹੈ।
ਜਦੋਂ ਮੈਂ ਆਪਣੀ ਕਾਰ ‘ਚ ਸੀ ਤਾਂ ਟੀਐਮਸੀ ਵਰਕਰਾਂ ਨੇ ਮੇਰੇ ਨਾਲ ਦੁਰਵਿਵਹਾਰ ਕੀਤਾ। ਵੋਟਿੰਗ ਇਸ ਸਮੇਂ ਸ਼ਾਂਤੀਪੂਰਵਕ ਚੱਲ ਰਹੀ ਹੈ। ਲੋਕ 2023 ਦੀਆਂ ਪੰਚਾਇਤ ਚੋਣਾਂ ਅਤੇ 2024 ਦੀਆਂ ਲੋਕ ਸਭਾ ਚੋਣਾਂ ‘ਚ ਵੋਟ ਨਹੀਂ ਪਾ ਸਕੇ। ਇਸ ਵਾਰ, ਲੋਕ ਵੋਟ ਪਾਉਣ ਦੇ ਯੋਗ ਹਨ, ਅਤੇ ਸਾਨੂੰ ਉਮੀਦ ਹੈ ਕਿ ਉਹ ਟੀਐਮਸੀ ਦੇ ਵਿਰੁੱਧ ਅਤੇ ਸਾਡੇ ਹੱਕ ‘ਚ ਵੋਟ ਪਾਉਣਗੇ।”
Read More: West Bengal Election: ਪੱਛਮੀ ਬੰਗਾਲ ‘ਚ ਦੂਜੇ ਪੜਾਅ ਦੀ ਵੋਟਿੰਗ ਜਾਰੀ, EVM ‘ਚ ਭਾਜਪਾ ਬਟਨ ‘ਤੇ ਟੇਪ ਲਗਾਉਣ ਦਾ ਦੋਸ਼
