ਤਾਮਿਲਨਾਡੂ, 04 ਅਪ੍ਰੈਲ 2026: Tamil Nadu elections Result 2026: ਮੁੱਖ ਮੰਤਰੀ ਐਮਕੇ ਸਟਾਲਿਨ ਤਾਮਿਲਨਾਡੂ ਵਿਧਾਨ ਸਭਾ ਚੋਣਾਂ ਹਾਰ ਗਏ ਹਨ। ਕੋਲਾਥੁਰ ਹਲਕੇ ‘ਚ ਟੀਵੀਕੇ ਉਮੀਦਵਾਰ ਵੀਐਸ ਬਾਬੂ ਨੇ ਉਨ੍ਹਾਂ ਨੂੰ 8795 ਵੋਟਾਂ ਦੇ ਫਰਕ ਨਾਲ ਹਰਾ ਦਿੱਤਾ ਹੈ। ਚੋਣ ਕਮਿਸ਼ਨ ਦੀ ਅਧਿਕਾਰਤ ਵੈੱਬਸਾਈਟ ਦੇ ਅਨੁਸਾਰ, ਛੇ ਦੌਰ ਦੀ ਗਿਣਤੀ ਤੋਂ ਬਾਅਦ ਵੀਐਸ ਬਾਬੂ ਸੀਐਮ ਸਟਾਲਿਨ ਤੋਂ ਅੱਗੇ ਸਨ।
ਚੋਣ ਕਮਿਸ਼ਨ ਦੀ ਵੈੱਬਸਾਈਟ ਦੇ ਮੁਤਾਬਕ, ਸ਼ਾਮ 5 ਵਜੇ ਤੱਕ, ਟੀਵੀਕੇ 109 ਸੀਟਾਂ ‘ਤੇ ਅੱਗੇ ਸੀ ਅਤੇ 15 ਜਿੱਤੀਆਂ ਸਨ। ਡੀਐਮਕੇ 60 ਸੀਟਾਂ ‘ਤੇ ਅੱਗੇ ਸੀ, ਅਤੇ ਏਡਾਪਾਡੀ ਕੇ. ਪਲਾਨੀਸਵਾਮੀ ਦੀ ਅਗਵਾਈ ਵਾਲੀ ਏਆਈਏਡੀਐਮਕੇ 45 ਸੀਟਾਂ ‘ਤੇ ਅੱਗੇ ਸੀ। ਇਹ ਸੱਤਾਧਾਰੀ ਡੀਐਮਕੇ ਲਈ ਇੱਕ ਵੱਡਾ ਝਟਕਾ ਹੈ, ਕਿਉਂਕਿ ਇਸਦੇ ਲਗਭਗ 15 ਕੈਬਨਿਟ ਮੰਤਰੀ ਪਿੱਛੇ ਹਨ। ਇਸ ‘ਚ ਮੁੱਖ ਮੰਤਰੀ ਅਤੇ ਪਾਰਟੀ ਮੁਖੀ ਐਮਕੇ ਸਟਾਲਿਨ ਦੀ ਹਾਰ ਵੀ ਸ਼ਾਮਲ ਹੈ। ਹਾਲਾਂਕਿ, ਉਨ੍ਹਾਂ ਦੇ ਪੁੱਤਰ ਅਤੇ ਉਪ ਮੁੱਖ ਮੰਤਰੀ ਉਧਯਨਿਧੀ ਸਟਾਲਿਨ ਨੇ ਸ਼ੁਰੂਆਤੀ ਤੌਰ ‘ਤੇ ਪਿੱਛੇ ਰਹਿਣ ਤੋਂ ਬਾਅਦ ਥੋੜ੍ਹੀ ਜਿਹੀ ਲੀਡ ਹਾਸਲ ਕਰ ਲਈ ਹੈ।
ਜਿਵੇਂ ਕਿ ਤਾਮਿਲਨਾਡੂ ਵਿਧਾਨ ਸਭਾ ਚੋਣਾਂ ਲਈ ਵੋਟਾਂ ਦੀ ਗਿਣਤੀ ਜਾਰੀ ਹੈ, ਸ਼ੁਰੂਆਤੀ ਰੁਝਾਨਾਂ ਨੇ ਰਾਜ ਦੀ ਰਾਜਨੀਤੀ ‘ਚ ਇੱਕ ਵੱਡਾ ਉਥਲ-ਪੁਥਲ ਮਚਾ ਦਿੱਤੀ ਹੈ। ਅਦਾਕਾਰ ਵਿਜੇ ਥਲਪਤੀ ਦੀ ਨਵੀਂ ਬਣੀ ਰਾਜਨੀਤਿਕ ਪਾਰਟੀ, ਤਮਿਲਗਾ ਵੇਤਰੀ ਕਜ਼ਾਗਮ (ਟੀਵੀਕੇ) ਨੇ ਸ਼ੁਰੂਆਤੀ ਰੁਝਾਨਾਂ ਵਿੱਚ 109 ਸੀਟਾਂ ‘ਤੇ ਅੱਗੇ ਹੋ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਇਸ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਦੇ ਬਾਵਜੂਦ, ਦ੍ਰਾਵਿੜ ਮੁਨੇਤਰ ਕਜ਼ਾਗਮ (ਡੀਐਮਕੇ) ਅਤੇ ਆਲ ਇੰਡੀਆ ਅੰਨਾ ਦ੍ਰਾਵਿੜ ਮੁਨੇਤਰ ਕਜ਼ਗਮ (ਏਆਈਏਡੀਐਮਕੇ) ਵਰਗੀਆਂ ਸਥਾਪਿਤ ਪਾਰਟੀਆਂ ਬਹੁਤ ਪਿੱਛੇ ਦਿਖਾਈ ਦਿੰਦੀਆਂ ਹਨ।
ਐਸ.ਏ. ਚੰਦਰਸ਼ੇਖਰ ਨੇ ਕਿਹਾ ਕਿ ਟੀਵੀਕੇ ਲਈ ਜਨਤਕ ਸਮਰਥਨ ਇਸ ਗੱਲ ਦਾ ਸਪੱਸ਼ਟ ਸੰਕੇਤ ਹੈ ਕਿ ਲੋਕ ਮੌਜੂਦਾ ਰਾਜਨੀਤਿਕ ਪ੍ਰਣਾਲੀ ਤੋਂ ਅਸੰਤੁਸ਼ਟ ਹਨ ਅਤੇ ਇੱਕ ਨਵੇਂ ਵਿਕਲਪ ਦੀ ਭਾਲ ਕਰ ਰਹੇ ਹਨ। ਉਨ੍ਹਾਂ ਦੇ ਅਨੁਸਾਰ, ਟੀਵੀਕੇ ਪ੍ਰਤੀ ਜਨਤਾ ਦਾ ਝੁਕਾਅ ਨਾ ਸਿਰਫ ਇੱਕ ਪਾਰਟੀ ਲਈ ਸਮਰਥਨ, ਬਲਕਿ ਜਨਤਕ ਗੁੱਸੇ ਅਤੇ ਤਬਦੀਲੀ ਦੀ ਤੀਬਰ ਇੱਛਾ ਨੂੰ ਵੀ ਦਰਸਾਉਂਦਾ ਹੈ। ਲੋਕ ਹੁਣ ਰਵਾਇਤੀ ਪਾਰਟੀਆਂ ਤੋਂ ਦੂਰ ਹੋ ਕੇ ਇੱਕ ਨਵੀਂ ਅਤੇ ਨੌਜਵਾਨ ਰਾਜਨੀਤਿਕ ਸ਼ਕਤੀ ਵੱਲ ਮੁੜ ਰਹੇ ਹਨ।
Read More: ਪੰਜਾਬ ਭਾਜਪਾ ਚੰਡੀਗੜ੍ਹ ਪਾਰਟੀ ਦਫ਼ਤਰ ਵਿਖੇ ਮਨਾਏਗੀ ਪੱਛਮੀ ਬੰਗਾਲ ‘ਚ ਜਿੱਤ ਦਾ ਜਸ਼ਨ
