ਸਪੋਰਟਸ, 14 ਅਪ੍ਰੈਲ 2026: SRH ਬਨਮ RR Result: ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਆਈਪੀਐਲ ਦੇ 21ਵੇਂ ਮੈਚ ‘ਚ ਰਾਜਸਥਾਨ ਰਾਇਲਜ਼ ਨੂੰ 57 ਦੌੜਾਂ ਨਾਲ ਹਰਾ ਦਿੱਤਾ। ਰਾਜੀਵ ਗਾਂਧੀ ਇੰਟਰਨੈਸ਼ਨਲ ਸਟੇਡੀਅਮ ‘ਚ ਦਿਲਚਸਪ ਪਲ ਅਤੇ ਰਿਕਾਰਡ ਦੇਖਣ ਨੂੰ ਮਿਲੇ।
ਪ੍ਰਫੁੱਲ ਹਿੰਗੇ (Praful Hinge) ਨੇ ਆਈਪੀਐਲ ਡੈਬਿਊ ‘ਤੇ ਆਪਣੇ ਪਹਿਲੇ ਓਵਰ ‘ਚ ਤਿੰਨ ਵਿਕਟਾਂ ਲਈਆਂ, ਜੋ ਅਜਿਹਾ ਕਰਨ ਵਾਲੇ ਪਹਿਲੇ ਗੇਂਦਬਾਜ਼ ਬਣੇ। ਵੈਭਵ ਸੂਰਿਆਵੰਸ਼ੀ ਬਿਨਾਂ ਕਿਸੇ ਸਕੋਰ ਦੇ ਆਊਟ ਹੋ ਗਏ। ਈਸ਼ਾਨ ਕਿਸ਼ਨ ਦੇ ਕੈਚ ਦੌਰਾਨ ਸੰਦੀਪ ਸ਼ਰਮਾ ਅਤੇ ਧਰੁਵ ਜੁਰੇਲ ਟਕਰਾ ਗਏ।
ਅਭਿਸ਼ੇਕ ਸ਼ਰਮਾ ਇੱਕ ਸਾਲ ‘ਚ ਸਭ ਤੋਂ ਵੱਧ ਜ਼ੀਰੋ ‘ਤੇ ਆਊਟ ਹੋਣ ਵਾਲਾ ਭਾਰਤੀ ਬੱਲੇਬਾਜ਼ ਬਣ ਗਿਆ। ਉਹ ਇਸ ਸਾਲ 18 ਪਾਰੀਆਂ ‘ਚ ਸੱਤ ਵਾਰ ਬਿਨਾਂ ਕਿਸੇ ਸਕੋਰ ਦੇ ਵਾਪਸ ਆਇਆ। ਉਨ੍ਹਾਂ ਨੇ ਰੋਹਿਤ ਸ਼ਰਮਾ (2018) ਅਤੇ ਸੰਜੂ ਸੈਮਸਨ (2024) ਨੂੰ ਪਛਾੜ ਦਿੱਤਾ, ਜੋ 32 ਪਾਰੀਆਂ ‘ਚ ਛੇ ਵਾਰ ਆਊਟ ਹੋਏ ਸਨ।
ਸਾਕਿਬ ਹੁਸੈਨ ਦੀ ਡੈਬਿਊ ‘ਚ ਵਧੀਆ ਗੇਂਦਬਾਜ਼ੀ
ਸਾਕਿਬ ਹੁਸੈਨ ਨੇ ਆਈਪੀਐਲ ਡੈਬਿਊ ‘ਤੇ ਸਭ ਤੋਂ ਵਧੀਆ ਗੇਂਦਬਾਜ਼ੀ ਪ੍ਰਦਰਸ਼ਨ ਕੀਤਾ। ਉਨ੍ਹਾਂ ਨੇ 24 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ। ਸਾਕਿਬ ਨੇ ਅਸ਼ਵਨੀ ਕੁਮਾਰ ਦਾ ਰਿਕਾਰਡ ਤੋੜਿਆ। ਅਸ਼ਵਨੀ ਨੇ 2025 ‘ਚ ਕੇਕੇਆਰ ਵਿਰੁੱਧ 26 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ ਸਨ। ਪ੍ਰਫੁੱਲ ਹਿੰਗੇ ਤੀਜੇ ਨੰਬਰ ‘ਤੇ ਹਨ। ਪ੍ਰਫੁੱਲ ਨੇ ਅੱਜ 34 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ।
ਰਾਜਸਥਾਨ ਰਾਇਲਜ਼ ਨੂੰ ਆਈਪੀਐਲ ਦੇ 19ਵੇਂ ਸੀਜ਼ਨ ‘ਚ ਆਪਣੀ ਪਹਿਲੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਤੇਜ਼ ਗੇਂਦਬਾਜ਼ ਪ੍ਰਫੁੱਲ ਹਿੰਗੇ ਅਤੇ ਸ਼ਾਕਿਬ ਹੁਸੈਨ, ਜੋ ਕਿ ਐਸਆਰਐਚ ਲਈ ਆਪਣਾ ਟੂਰਨਾਮੈਂਟ ਡੈਬਿਊ ਕਰ ਰਹੇ ਸਨ। ਕਪਤਾਨ ਈਸ਼ਾਨ ਕਿਸ਼ਨ ਨੇ ਅਰਧ ਸੈਂਕੜਾ ਲਗਾਇਆ।
ਐਸਆਰਐਚ ਨੇ ਸੋਮਵਾਰ ਨੂੰ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਟੀਮ ਨੇ 6 ਵਿਕਟਾਂ ਦੇ ਨੁਕਸਾਨ ‘ਤੇ 216 ਦੌੜਾਂ ਬਣਾਈਆਂ। ਈਸ਼ਾਨ ਨੇ 91 ਅਤੇ ਹੇਨਰਿਕ ਕਲਾਸੇਨ ਨੇ 40 ਦੌੜਾਂ ਬਣਾਈਆਂ। ਆਰਆਰ ਲਈ ਜੋਫਰਾ ਆਰਚਰ ਨੇ 2 ਵਿਕਟਾਂ ਲਈਆਂ। ਮਹਿਮਾਨ ਟੀਮ 19 ਓਵਰਾਂ ‘ਚ 159 ਦੌੜਾਂ ‘ਤੇ ਆਲ ਆਊਟ ਹੋ ਗਈ। ਡੋਨੋਵਨ ਫਰੇਰਾ ਨੇ 69 ਅਤੇ ਰਵਿੰਦਰ ਜਡੇਜਾ ਨੇ 45 ਦੌੜਾਂ ਦੀ ਸੈਂਕੜੇ ਵਾਲੀ ਸਾਂਝੇਦਾਰੀ ਕੀਤੀ। ਈਸ਼ਾਨ ਮਲਿੰਗਾ ਨੇ ਵੀ ਐਸਆਰਐਚ ਲਈ 2 ਵਿਕਟਾਂ ਲਈਆਂ।
Read More: BCCI ਵੱਲੋਂ IPL 2026 ਦੇ ਸ਼ਡਿਊਲ ‘ਚ ਇੱਕ ਬਦਲਾਅ, ਇਸ ਮੈਚ ਦਾ ਸਥਾਨ ਬਦਲਿਆ
