LSG vs CSK: ਲਖਨਊ ਤੇ ਚੇਨਈ ਦੇ ਮੁਕਾਬਲੇ ‘ਚ ਬਾਰਿਸ਼ ਬਣੀ ਅੜਿੱਕਾ, ਮੈਚ ਰੱਦ ਹੋਣ ਦਾ ਖ਼ਤਰਾ

ਚੰਡੀਗੜ੍ਹ, 03 ਮਈ 2023: (LSG vs CSK) ਬਾਰਿਸ਼ ਕਾਰਨ ਮੈਚ ਦੇਰੀ ਨਾਲ ਸ਼ੁਰੂ ਹੋਇਆ ਅਤੇ ਹੁਣ ਹਲਕੀ ਬਾਰਿਸ਼ ਕਾਰਨ ਮੈਚ ਨੂੰ ਫਿਰ ਰੋਕ ਦਿੱਤਾ ਗਿਆ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਲਖਨਊ ਨੇ 19.2 ਓਵਰਾਂ ਵਿੱਚ ਸੱਤ ਵਿਕਟਾਂ ਗੁਆ ਕੇ 125 ਦੌੜਾਂ ਬਣਾਈਆਂ। ਆਯੂਸ਼ ਬਦੋਨੀ ਅਰਧ ਸੈਂਕੜਾ ਲਗਾ ਕੇ ਖੇਡ ਰਹੇ ਹਨ। ਜੇਕਰ ਬਾਰਿਸ਼ ਕਾਰਨ ਹੋਰ ਸਮਾਂ ਬਰਬਾਦ ਹੁੰਦਾ ਹੈ ਤਾਂ ਲਖਨਊ ਦੀ ਪਾਰੀ ਇਸ ਸਕੋਰ ‘ਤੇ ਸਮਾਪਤ ਹੋ ਸਕਦੀ ਹੈ ਅਤੇ ਡਕਵਰਥ ਲੁਈਸ ਨਿਯਮ ਦੇ ਤਹਿਤ ਚੇਨਈ ਦੇ ਸਾਹਮਣੇ ਟੀਚਾ ਰੱਖਿਆ ਜਾ ਸਕਦਾ ਹੈ। ਲਖਨਊ ‘ਚ ਸ਼ਾਮ ਕਰੀਬ 6 ਵਜੇ ਬਾਰਿਸ਼ ਰੁਕਿਆ ਸੀ ਪਰ ਹੁਣ ਫਿਰ ਤੋਂ ਹਲਕੀ ਬਾਰਿਸ਼ ਜਾਰੀ ਹੈ। ਹੁਣ ਮੈਚ ਸ਼ੁਰੂ ਹੋਣ ‘ਤੇ ਓਵਰਾਂ ਦੀ ਗਿਣਤੀ ਕੱਟਣੀ ਤੈਅ ਹੈ। ਜੇਕਰ ਮੀਂਹ ਜਾਰੀ ਰਿਹਾ ਤਾਂ ਮੈਚ ਰੱਦ ਵੀ ਹੋ ਸਕਦਾ ਹੈ।