ਸਪੋਰਟਸ, 12 ਨਵੰਬਰ 2026: IND U19 ਬਨਾਮ AFG U19: ਅੰਡਰ-19 ਏਸ਼ੀਆ ਕੱਪ 2026 ਦੇ ਦੂਜੇ ਸੈਮੀਫਾਈਨਲ ‘ਚ ਭਾਰਤੀ ਅੰਡਰ-19 ਟੀਮ ਨੇ ਕਪਤਾਨ ਲਕਸ਼ੈ ਰਾਏਚੰਦਾਨੀ, ਆਰਿਆਵੀਰ ਸਹਿਵਾਗ ਦੇ ਅਰਧ ਸੈਂਕੜੇ ਅਤੇ ਈਸ਼ਾਨ ਸੂਦ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੀ ਬਦੌਲਤ ਅਫਗਾਨਿਸਤਾਨ ਨੂੰ 8 ਵਿਕਟਾਂ ਨਾਲ ਹਰਾ ਕੇ ਫਾਈਨਲ ‘ਚ ਜਗ੍ਹਾ ਪੱਕੀ ਕੀਤੀ। ਇਸ ਟੂਰਨਾਮੈਂਟ ਦੇ ਪਹਿਲੇ ਸੈਮੀਫਾਈਨਲ ‘ਚ ਪਾਕਿਸਤਾਨ ਨੇ ਬੰਗਲਾਦੇਸ਼ ਨੂੰ 9 ਵਿਕਟਾਂ ਨਾਲ ਹਰਾ ਕੇ ਫਾਈਨਲ ‘ਚ ਜਗ੍ਹਾ ਬਣਾਈ। ਹੁਣ, ਭਾਰਤ ਦਾ ਸਾਹਮਣਾ ਇਸ ਟੂਰਨਾਮੈਂਟ ਦੇ ਫਾਈਨਲ ‘ਚ ਪਾਕਿਸਤਾਨ ਨਾਲ ਹੋਵੇਗਾ।
ਇਸ ਮੈਚ ‘ਚ ਅਫਗਾਨਿਸਤਾਨ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ, 50 ਓਵਰਾਂ ਵਿੱਚ 8 ਵਿਕਟਾਂ ‘ਤੇ 227 ਦੌੜਾਂ ਬਣਾਈਆਂ, ਜਿਸ ਨਾਲ ਭਾਰਤ ਨੂੰ ਜਿੱਤ ਲਈ 228 ਦੌੜਾਂ ਦਾ ਟੀਚਾ ਦਿੱਤਾ। ਭਾਰਤ ਨੇ ਦੂਜੀ ਪਾਰੀ ‘ਚ 36.5 ਓਵਰਾਂ ‘ਚ 2 ਵਿਕਟਾਂ ‘ਤੇ 230 ਦੌੜਾਂ ਬਣਾ ਕੇ ਮੈਚ ਜਿੱਤ ਲਿਆ। ਭਾਰਤ ਤੋਂ ਹਾਰਨ ਤੋਂ ਬਾਅਦ, ਇਸ ਟੂਰਨਾਮੈਂਟ ‘ਚ ਅਫਗਾਨਿਸਤਾਨ ਦਾ ਸਫ਼ਰ ਇੱਥੇ ਹੀ ਖਤਮ ਹੋ ਗਿਆ।
ਆਰਿਆਵੀਰ ਅਤੇ ਲਕਸ਼ਯ ਦੇ ਅਰਧ ਸੈਂਕੜੇ
ਸਲਾਮੀ ਬੱਲੇਬਾਜ਼ ਆਰਿਆਵੀਰ ਸਹਿਵਾਗ ਨੇ ਇੱਕ ਵਾਰ ਫਿਰ ਟੀਮ ਲਈ ਇੱਕ ਮਹੱਤਵਪੂਰਨ ਪਾਰੀ ਖੇਡੀ, 57 ਗੇਂਦਾਂ ‘ਤੇ ਸ਼ਾਨਦਾਰ 51 ਦੌੜਾਂ ਬਣਾਈਆਂ, ਜਿਸ ‘ਚ ਚਾਰ ਛੱਕੇ ਅਤੇ ਚਾਰ ਚੌਕੇ ਸ਼ਾਮਲ ਸਨ। ਕਪਤਾਨ ਲਕਸ਼ਯ ਆਪਣੇ ਸੈਂਕੜੇ ਤੋਂ ਸਿਰਫ਼ ਨੌਂ ਦੌੜਾਂ ਦੂਰ ਰਹਿ ਗਿਆ, ਉਨ੍ਹਾਂ ਨੇ 90 ਗੇਂਦਾਂ ‘ਤੇ ਸ਼ਾਨਦਾਰ 93 ਦੌੜਾਂ ਬਣਾਈਆਂ, ਜਿਸ ‘ਚ ਇੱਕ ਛੱਕਾ ਅਤੇ 13 ਚੌਕੇ ਸ਼ਾਮਲ ਸਨ। ਆਰਿਆਵੀਰ ਅਤੇ ਲਕਸ਼ਯ ਨੇ 102 ਗੇਂਦਾਂ ‘ਤੇ 117 ਦੌੜਾਂ ਦੀ ਸ਼ੁਰੂਆਤੀ ਸਾਂਝੇਦਾਰੀ ਕੀਤੀ, ਜਿਸ ਨਾਲ ਟੀਮ ਦੀ ਜਿੱਤ ਦੀ ਨੀਂਹ ਰੱਖੀ।
Read More: IPL 2027: ਹਾਰਦਿਕ ਪੰਡਯਾ ਨਾਲ ਪੰਜਾਬ ਕਿੰਗਜ਼ ਦੀ ਵਧੀ ਤਾਕਤ, ਮੁੰਬਈ ਨੂੰ ਕੋਲ ਜ਼ਬਰਦਸਤ ਗੇਂਦਬਾਜ਼ੀ ਅਟੈਕ
