Travis Head not play IPL

IPL 2027: ਟ੍ਰੈਵਿਸ ਹੈੱਡ ਨਹੀਂ ਖੇਡੇਗਾ ਆਈਪੀਐਲ 2027 ਦਾ ਸ਼ੀਜਨ

ਸਪੋਰਟਸ, 17 ਨਵੰਬਰ 2026: Travis Head News: ਟ੍ਰੈਵਿਸ ਹੈੱਡ ਆਈਪੀਐਲ 2027 ‘ਚ ਨਹੀਂ ਖੇਡੇਗਾ।ਆਸਟ੍ਰੇਲੀਆਈ ਸਲਾਮੀ ਬੱਲੇਬਾਜ਼ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ (SRH) ਨੂੰ ਆਉਣ ਵਾਲੇ ਸੀਜ਼ਨ ਤੋਂ ਆਪਣੇ ਹਟਣ ਦੀ ਜਾਣਕਾਰੀ ਦੇ ਦਿੱਤੀ ਹੈ। ਉਨ੍ਹਾਂ ਦੇ ਇਸ ਫੈਸਲੇ ਨਾਲ ਟੀਮ ਦੀ ਮਸ਼ਹੂਰ ਓਪਨਿੰਗ ਜੋੜੀ, “ਟ੍ਰੈਵਿਸ਼ੈਕ” (ਟ੍ਰੈਵਿਸ ਹੈੱਡ ਅਤੇ ਅਭਿਸ਼ੇਕ ਸ਼ਰਮਾ) ਟੁੱਟ ਜਾਵੇਗੀ।

ਕ੍ਰਿਕਇੰਫੋ ਦੀ ਇੱਕ ਰਿਪੋਰਟ ਦੇ ਮੁਤਾਬਕ, ਹੈੱਡ ਨੇ ਵਿਅਸਤ ਅੰਤਰਰਾਸ਼ਟਰੀ ਸ਼ਡਿਊਲ ਦੇ ਵਿਚਕਾਰ ਆਪਣਾ ਕੰਮ ਦਾ ਬੋਝ ਘਟਾਉਣ ਲਈ ਇਹ ਫੈਸਲਾ ਲਿਆ ਹੈ। ਸਾਰੀਆਂ ਟੀਮਾਂ ਨੂੰ 17 ਨਵੰਬਰ (ਮੰਗਲਵਾਰ) ਤੱਕ ਆਪਣੇ ਰਿਟੇਨ ਕੀਤੇ ਅਤੇ ਰਿਲੀਜ਼ ਕੀਤੇ ਖਿਡਾਰੀਆਂ ਦੀ ਸੂਚੀ ਜਮ੍ਹਾ ਕਰਵਾਉਣ ਲਈ ਸਮਾਂ ਦਿੱਤਾ ਗਿਆ ਹੈ। ਜੇਕਰ ਆਈਪੀਐਲ ਦੁਆਰਾ ਮਨਜ਼ੂਰੀ ਦਿੱਤੀ ਜਾਂਦੀ ਹੈ, ਤਾਂ ਹੈੱਡ ਦੇ ਹਟਣ ਨਾਲ ਹੈਦਰਾਬਾਦ ਦੇ ਨਿਲਾਮੀ ਪਰਸ ‘ਚ ₹14 ਕਰੋੜ ਦਾ ਵਾਧਾ ਹੋਵੇਗਾ। ਆਈਪੀਐਲ 2027 ਦੀ ਨਿਲਾਮੀ 16 ਦਸੰਬਰ ਨੂੰ ਗੋਆ ‘ਚ ਹੋਣੀ ਹੈ।

ਸਨਰਾਈਜ਼ਰਜ਼ ਹੈਦਰਾਬਾਦ ਨੇ 2025 ਦੀ ਮੈਗਾ ਨਿਲਾਮੀ ਤੋਂ ਪਹਿਲਾਂ ਪੰਜ ਕੈਪਡ ਖਿਡਾਰੀਆਂ ਨੂੰ ਬਰਕਰਾਰ ਰੱਖਿਆ। ਉਸ ਸਮੇਂ, ਚਾਰ ਕੈਪਡ ਖਿਡਾਰੀਆਂ ਨੂੰ ਰਿਟੇਨ ਕਰਨ ਦੀ ਕੀਮਤ ₹61 ਕਰੋੜ ਰੱਖੀ ਗਈ ਸੀ। ਹੈੱਡ ਤੋਂ ਇਲਾਵਾ, ਟੀਮ ਦੇ ਬਾਕੀ ਚਾਰ ਰਿਟੇਨ ਕੀਤੇ ਖਿਡਾਰੀ – ਹੇਨਰਿਕ ਕਲਾਸੇਨ (23 ਕਰੋੜ), ਪੈਟ ਕਮਿੰਸ (18 ਕਰੋੜ), ਅਭਿਸ਼ੇਕ ਸ਼ਰਮਾ (14 ਕਰੋੜ), ਅਤੇ ਨਿਤੀਸ਼ ਕੁਮਾਰ ਰੈੱਡੀ (6 ਕਰੋੜ) – ਦੀ ਕੁੱਲ ਤਨਖਾਹ ₹61 ਕਰੋੜ ਹੈ। ਇਸ ਲਈ, ਹੈੱਡ ਨੂੰ ਰਿਲੀਜ਼ ਕਰਨ ਨਾਲ ਰਿਟੇਨਸ਼ਨ ਸਲੈਬ ਦੇ ਤਹਿਤ ਫਰੈਂਚਾਇਜ਼ੀ ਦੇ ਪਰਸ ਵਿੱਚ ਕੋਈ ਵਾਧੂ ਕਮੀ ਨਹੀਂ ਆਵੇਗੀ।

ਹੈੱਡ ਦਾ ਫੈਸਲਾ ਪੂਰੀ ਤਰ੍ਹਾਂ ਹੈਰਾਨੀਜਨਕ ਨਹੀਂ ਹੈ। ਇਸ ਸਾਲ ਅਗਸਤ ‘ਚ ਆਸਟ੍ਰੇਲੀਆ ਦੇ ਮੁੱਖ ਕੋਚ, ਐਂਡਰਿਊ ਮੈਕਡੋਨਲਡ ਨੇ ਸੰਕੇਤ ਦਿੱਤਾ ਸੀ ਕਿ 2027 ‘ਚ ਟੀਮ ਦੇ ਵਿਅਸਤ ਅੰਤਰਰਾਸ਼ਟਰੀ ਸ਼ਡਿਊਲ ਦੇ ਕਾਰਨ ਖਿਡਾਰੀਆਂ ਨੂੰ ਕੁਝ ਸਖ਼ਤ ਫੈਸਲੇ ਲੈਣ ਦੀ ਲੋੜ ਹੋ ਸਕਦੀ ਹੈ।

ਆਸਟ੍ਰੇਲੀਆ 2027 ‘ਚ 20 ਟੈਸਟ ਮੈਚ ਖੇਡੇਗਾ। ਇਸ ਤੋਂ ਇਲਾਵਾ, ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (WTC) ਦਾ ਫਾਈਨਲ ਜੂਨ ‘ਚ ਹੋਣ ਦੀ ਉਮੀਦ ਹੈ। ਇਸ ਤੋਂ ਬਾਅਦ ਜੂਨ ਤੋਂ ਅਗਸਤ ਤੱਕ ਇੰਗਲੈਂਡ ਖ਼ਿਲਾਫ ਐਸ਼ੇਜ਼ ਸੀਰੀਜ਼ ਅਤੇ ਅਕਤੂਬਰ-ਨਵੰਬਰ ‘ਚ ਵਨਡੇ ਵਿਸ਼ਵ ਕੱਪ ਹੋਵੇਗਾ। ਇਸ ਵਿਅਸਤ ਸ਼ਡਿਊਲ ਦੇ ਕਾਰਨ, ਹੈੱਡ ਨੇ IPL ਤੋਂ ਬ੍ਰੇਕ ਲੈਣ ਦਾ ਫੈਸਲਾ ਕੀਤਾ ਹੈ।

Read More: IND ਬਨਾਮ NZ Test: ਨਿਊਜ਼ੀਲੈਂਡ ਦੇ ਮਿਸ਼ੇਲ ਸੈਂਟਨਰ ਭਾਰਤ ਖ਼ਿਲਾਫ ਟੈਸਟ ਸੀਰੀਜ਼ ਤੋਂ ਬਾਹਰ

ਵਿਦੇਸ਼

Scroll to Top