Gold and Silver Price

Gold and Silver Price: ਚੰਡੀਗੜ੍ਹ ‘ਚ ਸੋਨਾ ਤੇ ਚਾਂਦੀ ਹੋਇਆ ਸਸਤਾ, ਜਾਣੋ ਨਵੀਆਂ ਕੀਮਤਾਂ

ਚੰਡੀਗੜ੍ਹ, 17 ਨਵੰਬਰ 2026: Gold and Silver Price: ਪਿਛਲੇ ਮਹੀਨੇ ਤੋਂ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ‘ਚ ਲਗਾਤਾਰ ਗਿਰਾਵਟ ਆ ਰਹੀ ਹੈ। 10 ਅਕਤੂਬਰ ਤੋਂ 17 ਨਵੰਬਰ ਦੇ ਵਿਚਾਲੇ 24 ਕੈਰੇਟ ਸੋਨੇ ਦੀ ਕੀਮਤ ₹15,900 ਪ੍ਰਤੀ 10 ਗ੍ਰਾਮ ਡਿੱਗ ਗਈ। ਚਾਂਦੀ ਵੀ ₹54 ਪ੍ਰਤੀ ਗ੍ਰਾਮ ਡਿੱਗ ਗਈ। ਇਸ ਨਾਲ ਸੋਨਾ ਅਤੇ ਚਾਂਦੀ ਖਰੀਦਣ ਵਾਲੇ ਖਪਤਕਾਰਾਂ ਨੂੰ ਕਾਫ਼ੀ ਰਾਹਤ ਮਿਲੀ ਹੈ।

ਜਿਊਲਰ ਰਾਜੀਵ ਸਹਿਦੇਵ ਦੇ ਮੁਤਾਬਕ, 10 ਅਕਤੂਬਰ ਨੂੰ 24 ਕੈਰੇਟ ਸੋਨੇ ਦੀ ਕੀਮਤ ₹1,54,300 ਪ੍ਰਤੀ 10 ਗ੍ਰਾਮ ਸੀ, ਜੋ 17 ਨਵੰਬਰ ਨੂੰ ₹1,38,400 ਤੱਕ ਡਿੱਗ ਗਈ। ਇਸ ਤਰ੍ਹਾਂ, ਲਗਭੱਗ ਇੱਕ ਮਹੀਨੇ ‘ਚ ਸੋਨਾ ₹15,900 ਸਸਤਾ ਹੋ ਗਿਆ ਹੈ। 22 ਕੈਰੇਟ ਸੋਨੇ ਦੀ ਕੀਮਤ ਵੀ ₹1,41,900 ਤੋਂ ਡਿੱਗ ਕੇ ₹1,27,300 ਹੋ ਗਈ, ਜੋ ਕਿ ₹14,600 ਦੀ ਗਿਰਾਵਟ ਹੈ।

ਇਸੇ ਸਮੇਂ ਦੌਰਾਨ 18 ਕੈਰੇਟ ਸੋਨੇ ਦੀਆਂ ਕੀਮਤਾਂ ₹1,17,700 ਤੋਂ ਘਟ ਕੇ ₹1,05,600 ਹੋ ਗਈਆਂ, ਅਤੇ 14 ਕੈਰੇਟ ਸੋਨੇ ਦੀਆਂ ਕੀਮਤਾਂ ₹92,900 ਤੋਂ ਘਟ ਕੇ ₹83,300 ਪ੍ਰਤੀ 10 ਗ੍ਰਾਮ ਹੋ ਗਈਆਂ। ਇਸਦਾ ਮਤਲਬ ਹੈ ਕਿ ਦੋਵਾਂ ਸ਼੍ਰੇਣੀਆਂ ‘ਚ ਕ੍ਰਮਵਾਰ ₹12,100 ਅਤੇ ₹9,600 ਦੀ ਗਿਰਾਵਟ ਆਈ ਹੈ।

ਚਾਂਦੀ ਦੀਆਂ ਕੀਮਤਾਂ ‘ਚ ਵੀ ਕਾਫ਼ੀ ਗਿਰਾਵਟ ਆਈ ਹੈ। 10 ਅਕਤੂਬਰ ਨੂੰ ਚਾਂਦੀ ਦੀ ਕੀਮਤ ₹230 ਪ੍ਰਤੀ ਗ੍ਰਾਮ ਸੀ, ਜੋ 17 ਨਵੰਬਰ ਨੂੰ ₹176 ਹੋ ਗਈ। ਇਸ ਤਰ੍ਹਾਂ ਇੱਕ ਮਹੀਨੇ ‘ਚ ਚਾਂਦੀ ₹54 ਪ੍ਰਤੀ ਗ੍ਰਾਮ ਸਸਤੀ ਹੋ ਗਈ ਹੈ। ਚਾਂਦੀ ਦੇ ਸਿੱਕੇ ਦੀ ਕੀਮਤ ਵੀ ₹2,600 ਤੋਂ ਘਟ ਕੇ ₹2,000 ਹੋ ਗਈ ਹੈ।

Read More: Gold and silver prices: ਸੋਨੇ ਤੇ ਚਾਂਦੀ ਦੀਆਂ ਕੀਮਤਾਂ ‘ਚ ਵਾਧਾ

ਵਿਦੇਸ਼

Scroll to Top