ਸਪੋਰਟਸ, 31 ਅਕਤੂਬਰ 2026: WI ਬਨਾਮ BAN Result: ਮੀਰਪੁਰ ਟੈਸਟ ‘ਚ ਵੈਸਟਇੰਡੀਜ਼ ਨੇ ਬੰਗਲਾਦੇਸ਼ ਨੂੰ 8 ਵਿਕਟਾਂ ਨਾਲ ਹਰਾ ਦਿੱਤਾ। ਟੀਮ ਨੇ ਦੂਜੀ ਪਾਰੀ ‘ਚ ਸਿਰਫ਼ 2 ਵਿਕਟਾਂ ਦੇ ਨੁਕਸਾਨ ‘ਤੇ 170 ਦੌੜਾਂ ਦਾ ਟੀਚਾ ਹਾਸਲ ਕਰ ਲਿਆ। ਇਸ ਜਿੱਤ ਨਾਲ ਵੈਸਟਇੰਡੀਜ਼ ਨੇ ਦੋ ਮੈਚਾਂ ਦੀ ਸੀਰੀਜ਼ ‘ਚ 1-0 ਦੀ ਲੀਡ ਲੈ ਲਈ।
ਬ੍ਰੈਂਡਨ ਕਿੰਗ 81 ਅਤੇ ਕਾਵੇਮ ਹਾਜ 31 ਦੌੜਾਂ ‘ਤੇ ਨਾਬਾਦ ਰਹੇ। ਜੋਮੇਲ ਵਾਰਿਕਨ ਵੈਸਟਇੰਡੀਜ਼ ਦੀ ਜਿੱਤ ਦਾ ਹੀਰੋ ਰਿਹਾ। ਉਨ੍ਹਾਂ ਨੇ ਮੈਚ ‘ਚ ਕੁੱਲ 9 ਵਿਕਟਾਂ ਲਈਆਂ ਅਤੇ ਉਸਨੂੰ ਪਲੇਅਰ ਆਫ ਦਿ ਮੈਚ ਚੁਣਿਆ ਗਿਆ।170 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ, ਵੈਸਟਇੰਡੀਜ਼ ਨੇ ਬ੍ਰੈਂਡਨ ਕਿੰਗ ਅਤੇ ਜੌਨ ਕੈਂਪਬੈਲ ਨਾਲ ਚੰਗੀ ਸ਼ੁਰੂਆਤ ਕੀਤੀ। ਦੋਵਾਂ ਨੇ ਪਹਿਲੀ ਵਿਕਟ ਲਈ 112 ਦੌੜਾਂ ਜੋੜੀਆਂ। ਕੈਂਪਬੈਲ ਨੂੰ ਸ਼ੋਰੀਫੁੱਲ ਇਸਲਾਮ ਨੇ 49 ਦੌੜਾਂ ‘ਤੇ ਆਊਟ ਕੀਤਾ।
ਇਸ ਤੋਂ ਬਾਅਦ ਤੇਗਨਾਰਾਇਣ ਚੰਦਰਪਾਲ ਨੂੰ ਹਸਨ ਮਹਿਮੂਦ ਨੇ 1 ਦੌੜ ‘ਤੇ ਆਊਟ ਕੀਤਾ। ਹਾਲਾਂਕਿ, ਕਿੰਗ ਅਤੇ ਹਾਜ ਨੇ ਤੀਜੀ ਵਿਕਟ ਲਈ 50 ਦੌੜਾਂ ਦੀ ਨਾਬਾਦ ਸਾਂਝੇਦਾਰੀ ਕੀਤੀ। ਮੈਚ ਦੇ ਚੌਥੇ ਦਿਨ, ਸ਼ਨੀਵਾਰ ਨੂੰ, ਬੰਗਲਾਦੇਸ਼ ਨੇ 79/6 ‘ਤੇ ਖੇਡ ਦੁਬਾਰਾ ਸ਼ੁਰੂ ਕੀਤੀ। ਉਨ੍ਹਾਂ ਨੇ ਪਹਿਲੇ ਸੈਸ਼ਨ ਵਿੱਚ 63 ਦੌੜਾਂ ਬਣਾਉਂਦੇ ਹੋਏ ਆਪਣੀਆਂ ਆਖਰੀ ਚਾਰ ਵਿਕਟਾਂ ਗੁਆ ਦਿੱਤੀਆਂ। ਵੈਸਟਇੰਡੀਜ਼ ਲਈ ਰੋਸਟਨ ਚੇਜ਼ ਨੇ ਪੰਜ ਵਿਕਟਾਂ ਲਈਆਂ। ਜੋਮੇਲ ਵਾਰਿਕਨ ਨੇ ਚਾਰ ਵਿਕਟਾਂ ਲਈਆਂ। ਸ਼ਮਾਰ ਜੋਸਫ਼ ਨੂੰ ਇੱਕ ਵਿਕਟ ਮਿਲੀ।
ਵੈਸਟਇੰਡੀਜ਼ ਦੀ ਪਹਿਲੀ ਪਾਰੀ 245 ਦੌੜਾਂ ‘ਤੇ ਸਿਮਟ ਗਈ। ਟੀਮ ਨੇ ਤੀਜੇ ਦਿਨ ਚਾਰ ਵਿਕਟਾਂ ‘ਤੇ 134 ਦੌੜਾਂ ‘ਤੇ ਖੇਡ ਸ਼ੁਰੂ ਕੀਤੀ। ਤੇਗਨਾਰਾਇਣ ਚੰਦਰਪਾਲ ਨੇ 56 ਅਤੇ ਜਸਟਿਨ ਗ੍ਰੀਵਜ਼ ਨੇ 46 ਦੌੜਾਂ ਬਣਾਈਆਂ। ਕਪਤਾਨ ਰੋਸਟਨ ਚੇਜ਼ 43 ਦੌੜਾਂ ‘ਤੇ ਨਾਬਾਦ ਰਿਹਾ। ਬੰਗਲਾਦੇਸ਼ ਲਈ ਨਈਮ ਹਸਨ ਨੇ ਸਭ ਤੋਂ ਵੱਧ ਚਾਰ ਵਿਕਟਾਂ ਲਈਆਂ। ਮੇਹਦੀ ਹਸਨ ਮਿਰਾਜ਼ ਅਤੇ ਤਾਇਜੁਲ ਇਸਲਾਮ ਨੇ ਦੋ-ਦੋ ਵਿਕਟਾਂ ਲਈਆਂ।
Read more: IND ਬਨਾਮ NZ: ਆਕਿਬ ਨਬੀ ਨਿਊਜ਼ੀਲੈਂਡ ਖਿਲਾਫ਼ ਵਨਡੇ ਸੀਰੀਜ਼ ਲਈ ਭਾਰਟੀ ਟੀਮ ‘ਚ ਸ਼ਾਮਲ
