ਲਖਨਊ, 12 ਸਤੰਬਰ 2026: ਯੋਗੀ ਸਰਕਾਰ ਦੇ ਨਿਰਦੇਸ਼ਾਂ ਤਹਿਤ, ਸਥਾਨਕ ਉਤਪਾਦਾਂ ਅਤੇ ਰਵਾਇਤੀ ਕਾਰੀਗਰੀ ਲਈ ਨਵਾਂ ਬਾਜ਼ਾਰ ਮੁਹੱਈਆ ਕਰਵਾਉਣ ਦੇ ਉਦੇਸ਼ ਨਾਲ ਆਗਰਾ, ਵਾਰਾਣਸੀ ਅਤੇ ਲਖਨਊ ‘ਚ ਆਧੁਨਿਕ ‘ਪੀਐਮ ਯੂਨਿਟੀ ਮਾਲ’ ਤੇਜ਼ੀ ਨਾਲ ਉਸਾਰੇ ਜਾ ਰਹੇ ਹਨ।
ਇਨ੍ਹਾਂ ਮਾਲਾਂ ਦਾ ਮਕਸਦ ਰਵਾਇਤੀ ਉਦਯੋਗਾਂ, ਦਸਤਕਾਰੀ ਅਤੇ ਸਥਾਨਕ ਉਤਪਾਦਾਂ ਦੀ ਪ੍ਰਦਰਸ਼ਨੀ ਅਤੇ ਮਾਰਕੀਟਿੰਗ ਲਈ ਇੱਕ ਹੀ ਥਾਂ ‘ਤੇ ਸਥਾਈ ਮੰਚ ਪ੍ਰਦਾਨ ਕਰਨਾ ਹੈ, ਤਾਂ ਜੋ ਕਾਰੀਗਰ, ਔਰਤਾਂ ਅਤੇ ਨੌਜਵਾਨ ਵੱਡੇ ਬਾਜ਼ਾਰ ਨਾਲ ਸਿੱਧੇ ਜੁੜ ਸਕਣ। ਸੂਬੇ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਦੇ ODOP (ਇੱਕ ਜ਼ਿਲ੍ਹਾ-ਇੱਕ ਉਤਪਾਦ) ਅਤੇ GI-ਟੈਗ ਵਾਲੇ ਉਤਪਾਦਾਂ ਨੂੰ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਪਛਾਣ ਮਿਲੇਗੀ।
ਪੇਂਡੂ ਖੇਤਰਾਂ ‘ਚ ਅਲੋਪ ਹੋ ਰਹੇ ਰਵਾਇਤੀ ਉਦਯੋਗਾਂ ਨੂੰ ਮੁੜ ਸੁਰਜੀਤ ਕਰਨ ਲਈ ਸਰਕਾਰ ਦੀ ਇਹ ਪਹਿਲਕਦਮੀ ਨਾ ਸਿਰਫ਼ ਕਾਰੀਗਰਾਂ ਦੀ ਰੋਜ਼ੀ-ਰੋਟੀ ਨੂੰ ਮਜ਼ਬੂਤ ਕਰ ਰਹੀ ਹੈ, ਸਗੋਂ ਸਥਾਨਕ ਉਤਪਾਦਾਂ ਨੂੰ “ਸਵਦੇਸ਼ੀ ਦੀ ਨਵੀਂ ਤਾਕਤ” ਵਜੋਂ ਵੀ ਸਥਾਪਿਤ ਕਰ ਰਹੀ ਹੈ। ਕੇਂਦਰ ਸਰਕਾਰ ਦਾ ਅਭਿਲਾਸ਼ੀ ‘ਪੀਐਮ ਯੂਨਿਟੀ ਮਾਲ’ ਪ੍ਰੋਜੈਕਟ ਸੂਬਿਆਂ ‘ਚ ਸਥਾਨਕ ਉਤਪਾਦਾਂ ਦੀ ਵਿਕਰੀ, ਪ੍ਰਦਰਸ਼ਨੀ ਅਤੇ ਬ੍ਰਾਂਡਿੰਗ ਲਈ ਇੱਕ ਪ੍ਰਮੁੱਖ ਕੇਂਦਰ ਵਜੋਂ ਉੱਭਰ ਰਿਹਾ ਹੈ।
ਆਗਰਾ ਦੇ ਸ਼ਿਲਪਗ੍ਰਾਮ ਖੇਤਰ ‘ਚ ਲਗਭਗ 11.53 ਏਕੜ ਜ਼ਮੀਨ ‘ਤੇ ਲਗਭਗ 128.85 ਕਰੋੜ ਰੁਪਏ ਦੀ ਲਾਗਤ ਨਾਲ ‘ਪੀਐਮ ਯੂਨਿਟੀ ਮਾਲ’ ਬਣਾਇਆ ਜਾ ਰਿਹਾ ਹੈ। ਬੇਸਮੈਂਟ ਦੀ ਖੁਦਾਈ, ਨੀਂਹ ਦੀ PCC, RCC ਦਾ ਕੰਮ, ਅਤੇ ਬੇਸਮੈਂਟ ਫਲੋਰ ਦੇ ਕਾਲਮਾਂ ਤੇ ਰਿਟੇਨਿੰਗ ਵਾਲ (retaining wall) ਦਾ RCC ਕੰਮ 100 ਫੀਸਦੀ ਪੂਰਾ ਹੋ ਚੁੱਕਾ ਹੈ।
ਇਹ ਮਾਲ ਬ੍ਰਜ ਖੇਤਰ, ਆਗਰਾ, ਫਿਰੋਜ਼ਾਬਾਦ ਅਤੇ ਆਸ-ਪਾਸ ਦੇ ਜ਼ਿਲ੍ਹਿਆਂ ਦੀ ਦਸਤਕਾਰੀ ਅਤੇ ਰਵਾਇਤੀ ਉਤਪਾਦਾਂ ਦੀ ਘਰੇਲੂ ਅਤੇ ਅੰਤਰਰਾਸ਼ਟਰੀ ਬਾਜ਼ਾਰਾਂ ‘ਚ ਬ੍ਰਾਂਡਿੰਗ ਅਤੇ ਮਾਰਕੀਟਿੰਗ ਲਈ ਪ੍ਰਬੰਧ ਕਰੇਗਾ। ਛੇ-ਮੰਜ਼ਲਾ ਮਾਲ ‘ਚ ਕੁੱਲ 135 ਦੁਕਾਨਾਂ ਹੋਣਗੀਆਂ। ਇਸ ਮਾਲ ਦੇ ਨਵੰਬਰ 2026 ਤੱਕ ਮੁਕੰਮਲ ਹੋਣ ਦੀ ਉਮੀਦ ਹੈ।
ਵਾਰਾਣਸੀ ਦੀ ਗੰਗਾਨਗਰ ਕਲੋਨੀ ‘ਚ ਲਗਭਗ 154.71 ਕਰੋੜ ਰੁਪਏ ਦੀ ਲਾਗਤ ਨਾਲ 1.46 ਡੀ-ਵਾਲ (D-wall) ਅਤੇ ਛੱਤ ਦੇ ਸਲੈਬ (roof slab) ਦੀ ਉਸਾਰੀ ਦਾ ਕੰਮ ਮੁਕੰਮਲ ਹੋ ਚੁੱਕਾ ਹੈ, ਜਦਕਿ ਬੇਸਮੈਂਟ-3 ਵਿੱਚ ਨੀਂਹ ਦਾ ਕੰਮ ਚੱਲ ਰਿਹਾ ਹੈ।
ਬਨਾਰਸੀ ਸਾੜੀਆਂ, ਜ਼ਰੀ-ਜ਼ਰਦੋਜ਼ੀ ਉਤਪਾਦਾਂ, ਲੱਕੜ ਦੇ ਖਿਡੌਣਿਆਂ, ਰੁਦਰਾਕਸ਼ ਅਤੇ ਹੋਰ ਰਵਾਇਤੀ ਉਤਪਾਦਾਂ ਦੀ ਪ੍ਰਦਰਸ਼ਨੀ ਅਤੇ ਵਿਕਰੀ ਲਈ ਵਿਸ਼ੇਸ਼ ਥਾਂ ਮੁਹੱਈਆ ਕਰਵਾਈ ਜਾਵੇਗੀ। ਛੇ ਮੰਜ਼ਿਲਾ ਇਸ ਮਾਲ ‘ਚ ਕੁੱਲ 111 ਦੁਕਾਨਾਂ ਹੋਣਗੀਆਂ। ਇਸ ਮਾਲ ਦੇ ਦਸੰਬਰ 2026 ਤੱਕ ਮੁਕੰਮਲ ਹੋਣ ਦੀ ਉਮੀਦ ਹੈ।
ਲਖਨਊ ਦੇ ਅਵਧ ਸ਼ਿਲਪਗ੍ਰਾਮ ਵਿਖੇ ਲਗਭਗ 4.86 ਏਕੜ ਰਕਬੇ ‘ਚ 64 ਕਰੋੜ ਰੁਪਏ ਦੀ ਲਾਗਤ ਨਾਲ ਇੱਕ ‘ਯੂਨਿਟੀ ਮਾਲ’ (Unity Mall) ਵਿਕਸਤ ਕੀਤਾ ਜਾ ਰਿਹਾ ਹੈ। ਇਸ ਪ੍ਰੋਜੈਕਟ ਦੇ ਅਕਤੂਬਰ 2026 ਤੱਕ ਮੁਕੰਮਲ ਹੋਣ ਦੀ ਉਮੀਦ ਹੈ। ਦੁਕਾਨਾਂ ‘ਚ ਫਿਨਿਸ਼ਿੰਗ ਦਾ ਕੰਮ ਅਤੇ ਪ੍ਰਸ਼ਾਸਕੀ ਬਲਾਕ ਦਾ ਢਾਂਚਾ ਪਹਿਲਾਂ ਹੀ ਮੁਕੰਮਲ ਹੋ ਚੁੱਕਾ ਹੈ, ਜਦਕਿ ਇੱਟਾਂ ਦਾ ਕੰਮ ਅਤੇ ਲਿਫਟ ਲਗਾਉਣ ਦਾ ਕੰਮ ਚੱਲ ਰਿਹਾ ਹੈ।
ਇੱਥੇ ਅਵਧ ਖੇਤਰ ਦੀ ਚਿਕਨਕਾਰੀ, ਜ਼ਰੀ-ਜ਼ਰਦੋਜ਼ੀ ਅਤੇ ਹੋਰ ਮਸ਼ਹੂਰ ਉਤਪਾਦਾਂ ਨੂੰ ਇੱਕ ਵੱਡੇ ਬਾਜ਼ਾਰ ਤੱਕ ਪਹੁੰਚ ਮਿਲੇਗੀ। ਛੇ ਮੰਜ਼ਿਲਾ ਇਸ ਮਾਲ ‘ਚ ਕੁੱਲ 139 ਦੁਕਾਨਾਂ ਹੋਣਗੀਆਂ। ਇਸ ਮਾਲ ਦੇ ਅਕਤੂਬਰ 2026 ਤੱਕ ਮੁਕੰਮਲ ਹੋਣ ਦੀ ਉਮੀਦ ਹੈ।
ਯੂਨਿਟੀ ਮਾਲਾਂ ਦੀ ਸਥਾਪਨਾ ਨਾਲ ਸੂਬੇ ਦੇ ਸਾਰੇ 75 ਜ਼ਿਲ੍ਹਿਆਂ ਦੇ ਉਤਪਾਦਾਂ ਨੂੰ ਇੱਕੋ ਮੰਚ ‘ਤੇ ਪ੍ਰਦਰਸ਼ਿਤ ਕਰਨ ਦਾ ਮੌਕਾ ਮਿਲੇਗਾ। ਇਸ ਨਾਲ ਸਥਾਨਕ ਕਾਰੀਗਰਾਂ ਦੀ ਆਮਦਨ ਵਧੇਗੀ, ਰੁਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਹੋਣਗੇ ਅਤੇ ਪੇਂਡੂ ਆਰਥਿਕਤਾ ਮਜ਼ਬੂਤ ਹੋਵੇਗੀ। ਇਸ ਦੇ ਨਾਲ ਹੀ, ਇਹ ਪਹਿਲਕਦਮੀ ਸਵਦੇਸ਼ੀ ਉਤਪਾਦਾਂ ਨੂੰ ਉਤਸ਼ਾਹਿਤ ਕਰੇਗੀ ਅਤੇ ਸੈਰ-ਸਪਾਟੇ ਨੂੰ ਵੀ ਹੁਲਾਰਾ ਦੇਵੇਗੀ।
Read More: ਯੂਪੀ ਸਰਕਾਰ ਵੱਲੋਂ ਸਕੂਲਾਂ ‘ਚ ਨਿਗਰਾਨੀ ਤੇ ‘ਚਾਈਲਡ ਟਰੈਕਿੰਗ ਸਿਸਟਮ’ ਨੂੰ ਮਜ਼ਬੂਤ ਕਰਨ ਲਈ 6.55 ਕਰੋੜ ਰੁਪਏ ਜਾਰੀ
