ਜਲੰਧਰ , 31 ਮਈ 2026: RTI activist murder case: ਜਲੰਧਰ ਦੇ ਇੱਕ ਆਰਟੀਆਈ ਕਾਰਕੁਨ ਦਾ 5 ਲੱਖ ਰੁਪਏ ਦੇ ਲੈਣ-ਦੇਣ ਨੂੰ ਲੈ ਕੇ ਕਤਲ ਕਰ ਦਿੱਤਾ ਗਿਆ। ਕਾਤਲ ਉਸਦੇ ਮਾਮੇ ਦਾ ਮੁੰਡਾ ਹੀ ਨਿਕਲਿਆ, ਜਿਸ ਨਾਲ ਉਹ ਪ੍ਰਾਪਰਟੀ ਡੀਲਿੰਗ ਦਾ ਕੰਮ ਕਰਦਾ ਸੀ। ਦੋਵੇਂ ਫਗਵਾੜਾ ਇੱਕ ਪਲਾਟ ਦੇਖਣ ਗਏ ਸਨ।
ਉੱਥੇ, ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ ਦੇ ਗੇਟ ਦੇ ਨੇੜੇ, ਦੋਵਾਂ ‘ਚ ਪੈਸਿਆਂ ਨੂੰ ਲੈ ਕੇ ਬਹਿਸ ਹੋਈ, ਜਿਸ ਤੋਂ ਬਾਅਦ ਮਾਮੇ ਦਾ ਮੁੰਡੇ ਨੇ ਆਰਟੀਆਈ ਕਾਰਕੁਨ ਦੇ ਸਿਰ ‘ਚ ਪਿੱਛੇ ਤੋਂ ਗੋਲੀ ਮਾਰ ਦਿੱਤੀ। ਉਸਨੇ ਵੀ ਜਵਾਬੀ ਗੋਲੀ ਚਲਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਜ਼ਮੀਨ ‘ਤੇ ਡਿੱਗ ਪਿਆ।
ਮੁਲਜ਼ਮ ਫਿਰ ਉਸਨੂੰ ਮੌਕੇ ‘ਤੇ ਛੱਡ ਕੇ ਭੱਜ ਗਿਆ, ਜਦੋਂ ਪੁਲਿਸ ਨੇ ਆਲੇ-ਦੁਆਲੇ ਦੇ ਇਲਾਕੇ ਤੋਂ ਸੀਸੀਟੀਵੀ ਫੁਟੇਜ ਦੀ ਜਾਂਚ ਕੀਤੀ, ਤਾਂ ਉਸਦੇ ਮਾਮੇ ਦਾ ਮੁੰਡਾ ਘੁੰਮਦਾ ਦਿਖਾਈ ਦਿੱਤਾ। ਉਸਨੂੰ ਸ਼ੱਕ ਦੇ ਆਧਾਰ ‘ਤੇ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਪੁੱਛਗਿੱਛ ਕਰਨ ‘ਤੇ ਉਸਨੇ ਅਪਰਾਧ ਕਬੂਲ ਕਰ ਲਿਆ।
ਆਰਟੀਆਈ ਕਾਰਕੁਨ ਨੇ ਆਪਣੀ ਪਹਿਲੀ ਪਤਨੀ ਨੂੰ ਤਲਾਕ ਦੇ ਦਿੱਤਾ ਸੀ ਅਤੇ ਲਗਭਗ ਤਿੰਨ ਮਹੀਨੇ ਪਹਿਲਾਂ ਦੁਬਾਰਾ ਵਿਆਹ ਕਰਵਾ ਲਿਆ ਸੀ। ਅੱਜ ਪੋਸਟਮਾਰਟਮ ਕੀਤਾ ਜਾਵੇਗਾ।
ਪੁਲਿਸ ਜਾਂਚ ‘ਚ ਸਾਹਮਣੇ ਆਇਆ ਹੈ ਕਿ ਸਿਮਰਨਜੀਤ ਨੂੰ ਉਸਦੇ ਮਾਮੇ ਦੇ ਮੁੰਡੇ ਸ਼ਰਨਜੀਤ ਸਿੰਘ ਉਰਫ਼ ਟਵਿੰਕਲ ਨੇ ਇੱਕ ਪਿੰਡ ‘ਚ ਇੱਕ ਜ਼ਮੀਨ ਦਾ ਪਲਾਟ ਦੇਖਣ ਲਈ ਸੱਦਾ ਦਿੱਤਾ ਸੀ। ਸ਼ਰਨਜੀਤ ਆਪਣੇ ਪੰਜ ਸਾਥੀਆਂ ਨਾਲ ਇੱਕ ਸਵਿਫਟ ਕਾਰ ‘ਚ ਉੱਥੇ ਪਹੁੰਚਿਆ ਸੀ। ਦੋਵੇਂ ਪ੍ਰਾਪਰਟੀ ਡੀਲਰ ਸਨ, ਅਤੇ ਸਿਮਰਨਜੀਤ ਤੋਂ ਸ਼ਰਨਜੀਤ ਨੇ ₹5 ਲੱਖ ਲੈਣੇ ਸਨ।
ਐਲਪੀਯੂ ਦੇ ਲਾਅ ਗੇਟ ਨੇੜੇ ਇੱਕ ਖਾਲੀ ਪਲਾਟ ‘ਤੇ ਪੈਸਿਆਂ ਦੇ ਲੈਣ-ਦੇਣ ਨੂੰ ਲੈ ਕੇ ਦੋਵਾਂ ਵਿਚਕਾਰ ਬਹਿਸ ਹੋ ਗਈ। ਝਗੜੇ ਦੌਰਾਨ, ਸ਼ਰਨਜੀਤ ਨੇ ਸਿਮਰਨਜੀਤ ਦੇ ਸਿਰ ‘ਚ ਪਿੱਛੇ ਤੋਂ ਦੋ ਵਾਰ ਗੋਲੀ ਮਾਰ ਦਿੱਤੀ। ਬਾਅਦ ‘ਚ ਪੁਲਿਸ ਨੇ ਫਗਵਾੜਾ ਬਾਈਪਾਸ ਤੋਂ ਸ਼ਰਨਜੀਤ ਸਿੰਘ ਉਰਫ਼ ਟਵਿੰਕਲ, ਜੋ ਕਿ ਤਿਲਕ ਨਗਰ, ਜਲੰਧਰ ਦਾ ਰਹਿਣ ਵਾਲਾ ਹੈ,ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ।
Read More: ਜਲੰਧਰ ‘ਚ RTI ਕਾਰਕੁਨ ਨੂੰ ਅਣਪਛਾਤੇ ਹਮਲਾਵਰਾਂ ਨੇ ਮਾਰੀ ਗੋ.ਲੀ, ਇਲਾਕੇ ‘ਚ ਦਹਿਸ਼ਤ ਦਾ ਮਾਹੌਲ
