ਜਾਪਾਨ, 20 ਅਪ੍ਰੈਲ 2026: Earthquake in Japan: ਸੋਮਵਾਰ ਨੂੰ ਜਾਪਾਨ ‘ਚ ਇੱਕ ਜਬਰਦਸਤ ਭੂਚਾਲ ਆਇਆ ਹੈ, ਜਿਸ ਨਾਲ ਲੋਕਾਂ ‘ਚ ਦਹਿਸ਼ਤ ਫੈਲ ਗਈ। ਰਾਸ਼ਟਰੀ ਪ੍ਰਸਾਰਕ NHK ਦੇ ਮੁਤਾਬਕ, ਉੱਤਰੀ ਜਾਪਾਨ ‘ਚ 7.4 ਤੀਬਰਤਾ ਦਾ ਭੂਚਾਲ ਆਇਆ, ਜਿਸ ਨਾਲ ਤੱਟਵਰਤੀ ਖੇਤਰਾਂ ਲਈ ਸੁਨਾਮੀ ਦੀ ਚੇਤਾਵਨੀ ਜਾਰੀ ਕੀਤੀ ਗਈ। ਅਧਿਕਾਰੀਆਂ ਨੇ ਇਵਾਤੇ ਪ੍ਰੀਫੈਕਚਰ ਅਤੇ ਹੋਕਾਈਡੋ ਦੇ ਤੱਟਵਰਤੀ ਖੇਤਰਾਂ ਦੇ ਵਸਨੀਕਾਂ ਨੂੰ ਤੁਰੰਤ ਸੁਰੱਖਿਅਤ ਖੇਤਰਾਂ ਜਾਂ ਉੱਚੀ ਜ਼ਮੀਨ ‘ਤੇ ਜਾਣ ਦੀ ਅਪੀਲ ਕੀਤੀ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ 3 ਮੀਟਰ ਉੱਚੀਆਂ ਲਹਿਰਾਂ ਤੱਟ ਤੱਕ ਪਹੁੰਚ ਸਕਦੀਆਂ ਹਨ, ਜਿਸ ਨਾਲ ਨੁਕਸਾਨ ਹੋ ਸਕਦਾ ਹੈ।
ਜਾਪਾਨੀ ਸਰਕਾਰ ਨੇ ਚੇਤਾਵਨੀ ਦਿੱਤੀ ਹੈ ਕਿ ਸੁਨਾਮੀ ਦੀਆਂ ਲਹਿਰਾਂ ਸਿਰਫ਼ ਇੱਕ ਵਾਰ ਨਹੀਂ ਸਗੋਂ ਕਈ ਵਾਰ ਆ ਸਕਦੀਆਂ ਹਨ। ਇਸ ਲਈ, ਲੋਕਾਂ ਨੂੰ ਸਾਰੀਆਂ ਚੇਤਾਵਨੀਆਂ ਦੀ ਮਿਆਦ ਖਤਮ ਹੋਣ ਤੱਕ ਸੁਰੱਖਿਅਤ ਖੇਤਰਾਂ ‘ਚ ਰਹਿਣਾ ਚਾਹੀਦਾ ਹੈ। ਇਹ ਵੀ ਕਿਹਾ ਗਿਆ ਹੈ ਕਿ ਲਹਿਰਾਂ ਉਮੀਦ ਤੋਂ ਪਹਿਲਾਂ ਜਾਂ ਬਾਅਦ ‘ਚ ਆ ਸਕਦੀਆਂ ਹਨ ਅਤੇ ਉਨ੍ਹਾਂ ਦੀ ਉਚਾਈ ਉਮੀਦ ਤੋਂ ਵੱਧ ਹੋ ਸਕਦੀ ਹੈ।
ਪ੍ਰਭਾਵਿਤ ਖੇਤਰਾਂ ਦੇ ਲੋਕਾਂ ਨੂੰ ਬੀਚਾਂ ਅਤੇ ਨਦੀਆਂ ਦੇ ਮੂੰਹਾਂ ਤੋਂ ਦੂਰ ਰਹਿਣ ਦੀ ਸਲਾਹ ਦਿੱਤੀ ਹੈ, ਕਿਉਂਕਿ ਉੱਥੇ ਪਾਣੀ ਤੇਜ਼ੀ ਨਾਲ ਵੱਧ ਸਕਦਾ ਹੈ। ਬਚਾਅ ਅਤੇ ਐਮਰਜੈਂਸੀ ਸੇਵਾਵਾਂ ਅਲਰਟ ‘ਤੇ ਹਨ, ਅਤੇ ਨੁਕਸਾਨ ਦਾ ਮੁਲਾਂਕਣ ਕੀਤਾ ਜਾ ਰਿਹਾ ਹੈ। ਜਿਕਰਯੋਗ ਹੈ ਕਿ ਜਾਪਾਨ ਦੁਨੀਆ ਦੇ ਸਭ ਤੋਂ ਵੱਧ ਭੂਚਾਲ-ਪ੍ਰਭਾਵਿਤ ਦੇਸ਼ਾਂ ‘ਚੋਂ ਇੱਕ ਹੈ। ਇਹ ਪ੍ਰਸ਼ਾਂਤ ਰਿੰਗ ਆਫ਼ ਫਾਇਰ ‘ਚ ਸਥਿਤ ਹੈ, ਜਿੱਥੇ ਚਾਰ ਵੱਡੀਆਂ ਟੈਕਟੋਨਿਕ ਪਲੇਟਾਂ ਮਿਲਦੀਆਂ ਹਨ। ਹਰ ਸਾਲ, ਇੱਥੇ ਲਗਭਗ 1,500 ਭੂਚਾਲ ਆਉਂਦੇ ਹਨ, ਜੋ ਕਿ ਦੁਨੀਆ ਦੇ ਕੁੱਲ ਭੂਚਾਲਾਂ ਦਾ ਲਗਭਗ 18 ਪ੍ਰਤੀਸ਼ਤ ਹਨ।
ਜਿਕਰਯੋਗ ਹੈ ਕਿ ਜਾਪਾਨ ਲਈ ਭੂਚਾਲ ਨਵੇਂ ਨਹੀਂ ਹਨ। ਹਰ ਸਾਲ, ਇੱਥੇ ਲਗਭਗ 1,500 ਭੂਚਾਲ ਆਉਂਦੇ ਹਨ, ਜੋ ਕਿ ਦੁਨੀਆ ਦੇ ਕੁੱਲ ਭੂਚਾਲਾਂ ਦਾ ਲਗਭਗ 18 ਪ੍ਰਤੀਸ਼ਤ ਹਨ। ਹਾਲਾਂਕਿ ਜ਼ਿਆਦਾਤਰ ਭੂਚਾਲ ਹਲਕੇ ਹੁੰਦੇ ਹਨ, ਕਈ ਵਾਰ ਵੱਡੇ ਭੂਚਾਲ ਭਾਰੀ ਤਬਾਹੀ ਦਾ ਕਾਰਨ ਬਣ ਸਕਦੇ ਹਨ। 2011 ‘ਚ ਜਾਪਾਨ ਵਿੱਚ ਆਏ ਵਿਨਾਸ਼ਕਾਰੀ ਭੂਚਾਲ ਅਤੇ ਸੁਨਾਮੀ ਨੇ ਕਾਫ਼ੀ ਨੁਕਸਾਨ ਕੀਤਾ ਸੀ।
Read More: ਅਮਰੀਕਾ ਵੱਲੋਂ 16 ਮਈ ਤੱਕ ਰੂਸੀ ਤੇਲ ਖਰੀਦਣ ਦੀ ਛੂਟ, ਭਾਰਤ ਲਈ ਰੂਸ ਤੋਂ ਤੇਲ ਖਰੀਦਣਾ ਆਸਾਨ
