ਸਪੋਰਟਸ, 15 ਅਪ੍ਰੈਲ 2026: ਆਈਪੀਐਲ 2026 ‘ਚ ਖ਼ਰਾਬ ਫਾਰਮ ਨਾਲ ਜੂਝ ਰਹੀ ਮੁੰਬਈ ਇੰਡੀਅਨਜ਼ (MI) ਨੂੰ ਵਧਦੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਸਟਾਰ ਓਪਨਰ ਅਤੇ ਸਾਬਕਾ ਕਪਤਾਨ ਰੋਹਿਤ ਸ਼ਰਮਾ ਵੀਰਵਾਰ ਨੂੰ ਪੰਜਾਬ ਕਿੰਗਜ਼ (PBKS) ਖ਼ਿਲਾਫ ਹੋਣ ਵਾਲੇ ਮਹੱਤਵਪੂਰਨ ਮੈਚ ‘ਚ ਨਹੀਂ ਖੇਡ ਸਕਣਗੇ।
ਕ੍ਰਿਕਬਜ਼ ਦੀ ਇੱਕ ਰਿਪੋਰਟ ਦੇ ਮੁਤਾਬਕ, ਰੋਹਿਤ ਦੀ ਹੈਮਸਟ੍ਰਿੰਗ ਸੱਟ ਉਮੀਦ ਤੋਂ ਵੱਧ ਗੰਭੀਰ ਹੋ ਸਕਦੀ ਹੈ, ਜਿਸ ਕਾਰਨ ਪ੍ਰਬੰਧਨ ਨੇ ਉਸਨੂੰ ਆਰਾਮ ਦਿੱਤਾ ਹੈ। ਪੰਜਾਬ ਵਿਰੁੱਧ ਮੈਚ 16 ਅਪ੍ਰੈਲ ਨੂੰ ਮੁੰਬਈ ‘ਚ ਹੋਣਾ ਹੈ।
ਰੋਹਿਤ ਸ਼ਰਮਾ ਨੂੰ ਇਹ ਸੱਟ ਐਤਵਾਰ ਨੂੰ ਰਾਇਲ ਚੈਲੇਂਜਰਜ਼ ਬੰਗਲੁਰੂ (RCB) ਖ਼ਿਲਾਫ ਮੈਚ ਦੌਰਾਨ ਲੱਗੀ। 241 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ, ਰੋਹਿਤ ਸ਼ਾਨਦਾਰ ਫਾਰਮ ‘ਚ ਦਿਖਾਈ ਦੇ ਰਿਹਾ ਸੀ ਪਰ ਛੇਵੇਂ ਓਵਰ ‘ਚ ਦੌੜਦੇ ਸਮੇਂ ਹੈਮਸਟ੍ਰਿੰਗ ਖਿਚਾਅ ਦਾ ਸਾਹਮਣਾ ਕਰਨਾ ਪਿਆ। ਗੰਭੀਰ ਦਰਦ ਕਾਰਨ, ਉਸਨੂੰ 13 ਗੇਂਦਾਂ ‘ਚ 19 ਦੌੜਾਂ ਬਣਾਉਣ ਤੋਂ ਬਾਅਦ ਰਿਟਾਇਰ ਹਰਟ ਕਰਨਾ ਪਿਆ। ਉਸਦੇ ਜਾਣ ਨਾਲ ਮੁੰਬਈ ਦੀ ਬੱਲੇਬਾਜ਼ੀ ਢਹਿ ਗਈ ਅਤੇ ਟੀਮ ਨੂੰ ਸੀਜ਼ਨ ਦੀ ਆਪਣੀ ਤੀਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਜੇਕਰ ਰੋਹਿਤ ਵੀਰਵਾਰ ਨੂੰ ਪੰਜਾਬ ਵਿਰੁੱਧ ਮੈਦਾਨ ‘ਤੇ ਨਹੀਂ ਉਤਰਦਾ ਹੈ, ਤਾਂ ਕੁਇੰਟਨ ਡੀ ਕੌਕ ਉਸਦੀ ਜਗ੍ਹਾ ਪਲੇਇੰਗ ਇਲੈਵਨ ‘ਚ ਲੈ ਸਕਦਾ ਹੈ। ਅਜਿਹੀ ਸਥਿਤੀ ‘ਚ, ਡੀ ਕੌਕ ਰਿਆਨ ਰਿਕੇਲਟਨ ਦੇ ਨਾਲ ਪਾਰੀ ਦੀ ਸ਼ੁਰੂਆਤ ਕਰ ਸਕਦਾ ਹੈ।
Read More: KKR ਬਨਾਮ CSK: ਅਜਿੰਕਿਆ ਰਹਾਣੇ ‘ਤੇ ਨਿਯਮਾਂਦੀ ਉਲੰਘਣਾ ਕਾਰਨ 12 ਲੱਖ ਰੁਪਏ ਦਾ ਲੱਗਿਆ ਜੁਰਮਾਨਾ
