ਮਾਨ ਸਰਕਾਰ ਲਿਖੇਗੀ ਪੰਜਾਬ ਦੀ ਉਦਯੋਗਿਕ ਤਾਕਤ ਦਾ ਨਵਾਂ ਅਧਿਆਏ: ਮੋਹਾਲੀ ਬਣੇਗਾ ਨਿਵੇਸ਼ ਅਤੇ ਨਵੀਨਤਾ ਦਾ ਗਲੋਬਲ ਹੱਬ
17 ਮਾਰਚ 2026: ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ (aam aadmi party) ਦੀ ਸਰਕਾਰ ਸੂਬੇ ਦੀ ਤਰੱਕੀ ਲਈ ਲਗਾਤਾਰ ਨਵੀਆਂ ਪ੍ਰਾਪਤੀਆਂ ਕਰ ਰਹੀ ਹੈ। ਇਸੇ ਕੜੀ ਵਿੱਚ ‘ਪ੍ਰਗਤੀਸ਼ੀਲ ਪੰਜਾਬ ਨਿਵੇਸ਼ਕ ਸੰਮੇਲਨ 2026’ ਇੱਕ ਵੱਡਾ ਮੀਲ ਪੱਥਰ ਸਾਬਿਤ ਹੋ ਰਿਹਾ ਹੈ। ਇਹ ਤਿੰਨ ਦਿਨਾਂ ਦਾ ਵੱਡਾ ਸੰਮੇਲਨ ਹੁਣ ਤੱਕ ਦਾ ਸਭ ਤੋਂ ਵੱਡਾ ਅਤੇ ਵੱਖਰੇ ਪੱਧਰ ਦਾ ਆਯੋਜਨ ਹੈ।
ਖਾਸ ਗੱਲ ਇਹ ਹੈ ਕਿ ਪਹਿਲਾਂ ਅਜਿਹੇ ਸੰਮੇਲਨ ਸਿਰਫ਼ 2 ਦਿਨਾਂ ਦੇ ਹੁੰਦੇ ਸਨ, ਪਰ ਇਸ ਵਾਰ ਇਸਨੂੰ 3 ਦਿਨਾਂ ਤੱਕ ਵਧਾਇਆ ਗਿਆ ਹੈ ਤਾਂ ਜੋ ਨਿਵੇਸ਼ ਦੀਆਂ ਸੰਭਾਵਨਾਵਾਂ ਉੱਤੇ ਚੰਗੀ ਤਰ੍ਹਾਂ ਵਿਚਾਰ ਹੋ ਸਕੇ। ਪਹਿਲਾਂ ਸਿਰਫ਼ 8-9 ਸੈਸ਼ਨ ਹੁੰਦੇ ਸਨ, ਪਰ ਇਸ ਵਾਰ 30 ਤੋਂ ਵੱਧ ਸੈਸ਼ਨ ਰੱਖੇ ਗਏ ਹਨ, ਜੋ ਪੰਜਾਬ ਸਰਕਾਰ ਦੀ ਨਿਵੇਸ਼ ਪ੍ਰਤੀ ਗੰਭੀਰਤਾ ਅਤੇ ਵੱਡੀ ਸੋਚ ਨੂੰ ਦਰਸਾਉਂਦਾ ਹੈ।
ਪੰਜਾਬ ਵਿੱਚ ਅੱਜ ਤੋਂ ਨਿਵੇਸ਼ ਦੇ ਨਵੇਂ ਯੁੱਗ ਦੀ ਸ਼ੁਰੂਆਤ ਹੋਣ ਜਾ ਰਹੀ ਹੈ। ਮੋਹਾਲੀ ਦੀ ਪਲਾਕਸ਼ਾ ਯੂਨੀਵਰਸਿਟੀ ਵਿੱਚ ਇਹ ਸੰਮੇਲਨ 13 ਤੋਂ 15 ਮਾਰਚ ਤੱਕ ਚੱਲੇਗਾ। ਇਸਦਾ ਮੁੱਖ ਮਕਸਦ ਪੰਜਾਬ ਨੂੰ ਦੇਸ਼-ਵਿਦੇਸ਼ ਦੇ ਨਿਵੇਸ਼ਕਾਂ ਲਈ ਪਸੰਦੀਦਾ ਥਾਂ ਵਜੋਂ ਸਥਾਪਿਤ ਕਰਨਾ ਹੈ। ਦੁਨੀਆ ਭਰ ਦੇ ਉਦਯੋਗਪਤੀ, ਨੀਤੀ ਘੜਨ ਵਾਲੇ ਅਤੇ ਨਿਵੇਸ਼ਕ ਇਕੱਠੇ ਆ ਕੇ ਪੰਜਾਬ ਵਿੱਚ ਮੌਜੂਦ ਸੰਭਾਵਨਾਵਾਂ ਉੱਤੇ ਗੱਲਬਾਤ ਕਰਨਗੇ ਅਤੇ ਭਵਿੱਖ ਦੇ ਨਿਵੇਸ਼ ਲਈ ਮਜ਼ਬੂਤ ਨੀਂਹ ਰੱਖਣਗੇ।
ਸੰਮੇਲਨ ਦੀਆਂ ਮੁੱਖ ਗੱਲਾਂ:
∙ਉਦਘਾਟਨ: ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਅੱਜ ਸਵੇਰੇ 10:30 ਵਜੇ ਕਰਨਗੇ।
∙ਮੁੱਖ ਮਹਿਮਾਨ: ਅਰਵਿੰਦ ਕੇਜਰੀਵਾਲ।
∙ਕੁੱਲ ਸੈਸ਼ਨ: 89 ਖਾਸ ਸੈਸ਼ਨ ਰੱਖੇ ਜਾਣਗੇ।
∙ਗਲੋਬਲ ਫੋਕਸ: UK, ਜਾਪਾਨ ਅਤੇ ਦੱਖਣੀ ਕੋਰੀਆ ਵਰਗੇ ਦੇਸ਼ਾਂ ਉੱਤੇ ਕੇਂਦਰਿਤ ਸੈਸ਼ਨ।
∙ਖਾਸ ਖੇਤਰ: MSME, IT ਹੱਬ, ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਅਤੇ ਉਦਯੋਗਿਕ ਪ੍ਰਦਰਸ਼ਨੀ।
ਮਕਸਦ: ਪੰਜਾਬ ਨੂੰ ‘ਈਜ਼ ਆਫ਼ ਡੂਇੰਗ ਬਿਜ਼ਨਸ’ ਦਾ ਵੱਡਾ ਕੇਂਦਰ ਬਣਾਉਣਾ
ਕੈਬਨਿਟ ਮੰਤਰੀ ਸੰਜੀਵ ਅਰੋੜਾ ਮੁਤਾਬਕ, ਇਸ ਸੰਮੇਲਨ ਰਾਹੀਂ ਸਰਕਾਰ ਉਦਯੋਗ ਜਗਤ ਨਾਲ ਤਾਲਮੇਲ ਬਣਾਉਣ ਉੱਤੇ ਜ਼ੋਰ ਦੇ ਰਹੀ ਹੈ। ਮੋਹਾਲੀ ਹੁਣ ਤੇਜ਼ੀ ਨਾਲ IT ਅਤੇ ਨਵੀਨਤਾ ਦੇ ਕੇਂਦਰ ਵਜੋਂ ਉੱਭਰ ਰਿਹਾ ਹੈ, ਅਤੇ ਇਹ ਸੰਮੇਲਨ ਉਸ ਵਿਕਾਸ ਨੂੰ ਹੋਰ ਮਜ਼ਬੂਤੀ ਦੇਵੇਗਾ। ਸਰਕਾਰ ਕੁਦਰਤੀ ਸਾਧਨਾਂ ਦੀ ਸੰਭਾਲ ਅਤੇ ਵਾਤਾਵਰਨ ਪੱਖੀ ਉਦਯੋਗਿਕ ਵਿਕਾਸ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹੈ।
ਇਸ ਵੱਡੇ ਆਯੋਜਨ ਨਾਲ ਨਾ ਸਿਰਫ਼ ਸੂਬੇ ਵਿੱਚ ਨਵਾਂ ਨਿਵੇਸ਼ ਆਉਣ ਦੀ ਉਮੀਦ ਹੈ, ਸਗੋਂ ਸਥਾਨਕ ਉਦਯੋਗਾਂ ਨੂੰ ਵੀ ਵਿਸ਼ਵ ਬਾਜ਼ਾਰ ਵਿੱਚ ਆਪਣੀ ਪਛਾਣ ਬਣਾਉਣ ਦਾ ਮੌਕਾ ਮਿਲੇਗਾ। ਕੱਲ੍ਹ ਹੋਈ ਪ੍ਰੈੱਸ ਕਾਨਫਰੰਸ ਵਿੱਚ ਸੰਜੀਵ ਅਰੋੜਾ ਨੇ ਸਾਫ਼ ਕਿਹਾ ਕਿ ਅੰਤਰਰਾਸ਼ਟਰੀ ਪੱਧਰ ਉੱਤੇ ਨਿਵੇਸ਼ਕਾਂ ਦਾ ਪੰਜਾਬ ਪ੍ਰਤੀ ਭਰੋਸਾ ਵੱਧ ਰਿਹਾ ਹੈ, ਅਤੇ ਇਹ ਸੰਮੇਲਨ ਉਸ ਭਰੋਸੇ ਨੂੰ ਅਸਲੀਅਤ ਵਿੱਚ ਬਦਲਣ ਦਾ ਅਹਿਮ ਕਦਮ ਹੈ।
Read More: ਰਾਜ ਪੱਧਰੀ ਸਿਹਤ ਕੈਂਪਾਂ ਅਧੀਨ 37,000 ਸੀਨੀਅਰ ਨਾਗਰਿਕ ਰਜਿਸਟਰਡ: ਡਾ. ਬਲਜੀਤ ਕੌਰ
