ਦਿੱਲੀ, 27 ਦਸੰਬਰ 2025: Operation Aaghat News: ਦਿੱਲੀ ਪੁਲਿਸ ਦੀ ਦੱਖਣ ਪੂਰਬੀ ਜ਼ਿਲ੍ਹਾ ਟੀਮ ਨੇ “ਆਪ੍ਰੇਸ਼ਨ ਆਘਾਤ 3.0” ਦੇ ਹਿੱਸੇ ਵਜੋਂ ਸ਼ੁੱਕਰਵਾਰ ਰਾਤ ਨੂੰ 285 ਜਣਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਡੀਸੀਪੀ ਹੇਮੰਤ ਤਿਵਾੜੀ ਦੇ ਮੁਤਾਬਕ ਆਬਕਾਰੀ ਐਕਟ, ਐਨਡੀਪੀਐਸ ਐਕਟ ਅਤੇ ਜੂਆ ਐਕਟ ਤਹਿਤ ਕਾਰਵਾਈ ਕੀਤੀ ਹੈ। ਇਸ ਤੋਂ ਇਲਾਵਾ ਸਾਵਧਾਨੀ ਦੇ ਤੌਰ ‘ਤੇ 504 ਜਣਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ 116 ਮੁਲਜਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ।
ਆਪਰੇਸ਼ਨ ਦੌਰਾਨ 10 ਪ੍ਰਾਪਰਟੀ ਅਫੈਂਡਰ ਅਤੇ ਪੰਜ ਆਟੋ-ਲਿਫਟਰਾਂ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਗਿਆ। ਪੁਲਿਸ ਨੇ 21 ਸੀਐਮਪੀ, 20 ਜ਼ਿੰਦਾ ਕਾਰਤੂਸ ਅਤੇ 27 ਚਾਕੂ ਬਰਾਮਦ ਕੀਤੇ।
ਇਸ ਤੋਂ ਇਲਾਵਾ, 12,258 ਕੁਆਰਟਰ ਨਾਜਾਇਜ਼ ਸ਼ਰਾਬ, 6.01 ਕਿਲੋਗ੍ਰਾਮ ਭੰਗ, ਅਤੇ 2,30,990 ਰੁਪਏ ਨਕਦ ਜ਼ਬਤ ਕੀਤੇ ਗਏ। ਪੁਲਿਸ ਨੇ ਦੱਸਿਆ ਕਿ 310 ਮੋਬਾਈਲ ਫੋਨ, 231 ਦੋਪਹੀਆ ਵਾਹਨ ਅਤੇ ਇੱਕ ਚਾਰ-ਪਹੀਆ ਵਾਹਨ ਵੀ ਬਰਾਮਦ ਕੀਤਾ ਗਿਆ ਹੈ।
ਡੀਸੀਪੀ ਨੇ ਕਿਹਾ ਕਿ ਅਪਰਾਧਿਕ ਗਤੀਵਿਧੀਆਂ ਨੂੰ ਰੋਕਣ ਅਤੇ ਕਾਨੂੰਨ ਵਿਵਸਥਾ ਨੂੰ ਮਜ਼ਬੂਤ ਕਰਨ ਲਈ ਕਾਰਵਾਈ ਦੌਰਾਨ ਕੁੱਲ 1,306 ਜਣਿਆਂ ਨੂੰ ਰੋਕਿਆ ਗਿਆ ਅਤੇ ਪੁੱਛਗਿੱਛ ਕੀਤੀ ਗਈ।
ਦਿੱਲੀ ਪੁਲਿਸ ਦਾ ਆਪਰੇਸ਼ਨ ਆਘਾਤ ਇੱਕ ਵਿਸ਼ੇਸ਼ ਆਪਰੇਸ਼ਨ ਹੈ ਜੋ ਦਿੱਲੀ ਪੁਲਿਸ (ਖਾਸ ਕਰਕੇ ਦੱਖਣ-ਪੂਰਬੀ ਜ਼ਿਲ੍ਹੇ ਵਿੱਚ) ਦੁਆਰਾ ਸੰਗਠਿਤ ਅਪਰਾਧ, ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ, ਗੈਰ-ਕਾਨੂੰਨੀ ਸ਼ਰਾਬ, ਜੂਆ, ਹਥਿਆਰਾਂ ਵਾਲੇ ਅਪਰਾਧੀਆਂ ਅਤੇ ਆਦਤਨ ਅਪਰਾਧੀਆਂ ਨੂੰ ਰੋਕਣ ਲਈ ਸ਼ੁਰੂ ਕੀਤਾ ਗਿਆ ਹੈ ਇਹ ਆਪਰੇਸ਼ਨ ਮੁੱਖ ਤੌਰ ‘ਤੇ ਨਵੇਂ ਸਾਲ ਤੋਂ ਪਹਿਲਾਂ ਅਤੇ ਤਿਉਹਾਰਾਂ ਦੌਰਾਨ ਅਪਰਾਧ ਨੂੰ ਰੋਕਣ ਲਈ ਕੀਤਾ ਜਾਂਦਾ ਹੈ, ਜਿਸ ‘ਚ ਰਾਤ ਭਰ ਛਾਪੇਮਾਰੀ, ਸ਼ੱਕੀਆਂ ਤੋਂ ਪੁੱਛਗਿੱਛ ਅਤੇ ਗ੍ਰਿਫਤਾਰੀਆਂ ਸ਼ਾਮਲ ਹਨ।
Read More: ਦਿੱਲੀ ‘ਚ ਬੰਗਲਾਦੇਸ਼ ਹਾਈ ਕਮਿਸ਼ਨ ਦੇ ਬਾਹਰ ਵਿਸ਼ਵ ਹਿੰਦੂ ਪ੍ਰੀਸ਼ਦ ਦਾ ਵਿਰੋਧ ਪ੍ਰਦਰਸ਼ਨ
