ਅੰਮ੍ਰਿਤਸਰ, 20 ਜੂਨ 2025: ਭਾਰਤੀ ਸੀਮਾ ਸੁਰੱਖਿਆ ਬਲ (BSF) ਨੇ ਪੰਜਾਬ ਦੇ ਅੰਮ੍ਰਿਤਸਰ ਜ਼ਿਲ੍ਹੇ ‘ਚ ਇੱਕ ਵੱਡੀ ਕਾਰਵਾਈ ਕੀਤੀ ਹੈ। ਜਿਕਰਯੋਗ ਹੈ ਕਿ ਸੀਮਾ ਸੁਰੱਖਿਆ ਬਲ ਨੇ ਡਰੋਨ ਰਾਹੀਂ ਅੰਤਰਰਾਸ਼ਟਰੀ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੀ ਕੋਸ਼ਿਸ਼ ਨੂੰ ਨਾਕਾਮ ਕਰ ਦਿੱਤਾ।
ਬੀਤੀ ਰਾਤ, ਚੌਕਸ ਬੀਐਸਐਫ ਕਰਮਚਾਰੀਆਂ ਨੇ ਇੱਕ ਡਰੋਨ ਬਰਾਮਦ ਕੀਤਾ ਜਿਸ ‘ਚ 7.470 ਕਿਲੋਗ੍ਰਾਮ ਮੈਥਾਮਫੇਟਾਮਾਈਨ (ਜਿਸਨੂੰ ‘ਆਈਸ’ ਜਾਂ ICE ਵਜੋਂ ਜਾਣਿਆ ਜਾਂਦਾ ਹੈ) ਦੀ ਇੱਕ ਵੱਡੀ ਖੇਪ ਸੀ। ਇਹ ਬਰਾਮਦਗੀ ਭਾਰਤ-ਪਾਕਿਸਤਾਨ ਸਰਹੱਦ ਦੇ ਨੇੜੇ ਪਿੰਡ ਮੋਡ ਦੇ ਇੱਕ ਖੇਤ ਤੋਂ ਕੀਤੀ ਸੀ।
ਇਸ ਕਾਰਵਾਈ ਦੀ ਸਫਲਤਾ ਬੀਐਸਐਫ ਦੀ ਖੁਫੀਆ ਸ਼ਾਖਾ ਤੋਂ ਮਿਲੀ ਸਹੀ ਜਾਣਕਾਰੀ ਦੇ ਅਧਾਰ ਤੇ ਸੀ। ਜਿਵੇਂ ਹੀ ਇਨਪੁੱਟ ਮਿਲਿਆ, ਬੀਐਸਐਫ ਕਰਮਚਾਰੀਆਂ ਨੇ ਰਾਤ ਦੇ ਹਨੇਰੇ ‘ਚ ਇੱਕ ਯੋਜਨਾਬੱਧ ਕਾਰਵਾਈ ਕੀਤੀ। ਅਤਿ-ਆਧੁਨਿਕ ਕਾਊਂਟਰ-ਡਰੋਨ ਤਕਨਾਲੋਜੀ ਦੀ ਵਰਤੋਂ ਕਰਦੇ ਹੋਏ, ਉਨ੍ਹਾਂ ਨੇ ਇੱਕ ਸ਼ੱਕੀ ਡਰੋਨ ਨੂੰ ਟਰੈਕ ਕੀਤਾ ਅਤੇ ਬੇਅਸਰ ਕਰ ਦਿੱਤਾ।
ਤਲਾਸ਼ੀ ਦੌਰਾਨ, ਇੱਕ ਡਰੋਨ ਮਿਲਿਆ ਜਿਸ ਨਾਲ ਇੱਕ ਕਾਲਾ ਬੈਗ ਬੰਨ੍ਹਿਆ ਹੋਇਆ ਸੀ। ਜਾਂਚ ਕਰਨ ‘ਤੇ, ਉਸ ਬੈਗ ‘ਚੋਂ ICE (meth) ਨਾਲ ਭਰੇ ਸੱਤ ਪੈਕੇਟ ਮਿਲੇ, ਜਿਨ੍ਹਾਂ ਦਾ ਕੁੱਲ ਭਾਰ 7.470 ਕਿਲੋਗ੍ਰਾਮ ਸੀ। ਇਹ ਪੰਜਾਬ ‘ਚ ਡਰੋਨ ਰਾਹੀਂ ਭੇਜੀ ਗਈ ਅਤੇ BSF ਦੁਆਰਾ ਬਰਾਮਦ ਕੀਤੀ ਗਈ ICE ਦੀ ਹੁਣ ਤੱਕ ਦੀ ਸਭ ਤੋਂ ਵੱਡੀ ਖੇਪ ਹੈ।
Read More: ਭਾਰਤ-ਪਾਕਿਸਤਾਨ ਸਰਹੱਦ ‘ਤੇ BSF ਨੇ ਸ਼ੱਕੀ ਘੁਸਪੈਠੀਆ ਕੀਤਾ ਗ੍ਰਿਫਤਾਰ
