ਗੋਪਾਲਪੁਰ, 14 ਮਈ, 2025: ਹੁਣ ਭਾਰਤ ਨੇ ਡਰੋਨਾਂ ਦੇ ਝੁੰਡ ਦਾ ਮੁਕਾਬਲਾ ਕਰਨ ਲਈ ਭਾਰਗਵਸਤਰ ਵਿਕਸਤ ਕੀਤਾ ਹੈ। ਭਾਰਗਵਸਤਰ (Bhargavastra) ਨੂੰ ਸੋਲਰ ਡਿਫੈਂਸ ਐਂਡ ਏਰੋਸਪੇਸ ਲਿਮਟਿਡ ਦੁਆਰਾ ਤਿਆਰ ਕੀਤਾ ਗਿਆ ਹੈ। ਇਹ ਘੱਟ ਕੀਮਤ ਵਾਲਾ ਕਾਊਂਟਰ ਡਰੋਨ ਸਿਸਟਮ, ਜੋ ਕਿ ਹਾਰਡ ਕਿਲ ਮੋਡ ‘ਚ ਵਿਕਸਤ ਕੀਤਾ ਗਿਆ ਹੈ | ਭਾਰਗਵਸਤਰ ਦੁਸ਼ਮਣ ਦੇ ਡਰੋਨਾਂ ਦਾ ਮੁਕਾਬਲਾ ਕਰੇਗਾ। ਕਾਊਂਟਰ-ਡਰੋਨ ਸਿਸਟਮ ‘ਚ ਵਰਤੇ ਗਏ ਮਾਈਕ੍ਰੋ ਰਾਕੇਟਾਂ ਦੀ ਗੋਪਾਲਪੁਰ ‘ਚ ਸੀਵਰਡ ਫਾਇਰਿੰਗ ਰੇਂਜ ਵਿਖੇ ਪ੍ਰੀਖਣ ਕੀਤਾ ਹੈ ਜੋ ਕਿ ਪੂਰੀ ਤਰ੍ਹਾਂ ਸਫਲ ਰਿਹਾ।
13 ਮਈ 2025 ਨੂੰ ਭਾਰਤੀ ਫੌਜ ਦੇ ਸੀਨੀਅਰ ਅਧਿਕਾਰੀਆਂ ਦੀ ਮੌਜੂਦਗੀ ‘ਚ ਗੋਪਾਲਪੁਰ ਵਿਖੇ ਰਾਕੇਟ ਦੇ ਤਿੰਨ ਟੈਸਟ ਕੀਤੇ ਗਏ ਸਨ। ਦੋ ਟੈਸਟ ਇੱਕ-ਇੱਕ ਰਾਕੇਟ ਦਾਗ ਕੇ ਕੀਤੇ ਗਏ। ਇਸ ਤੋਂ ਬਾਅਦ, ਦੋ ਸਕਿੰਟਾਂ ਦੇ ਅੰਦਰ ਸਾਲਵੋ ਮੋਡ ‘ਚ ਦੋ ਰਾਕੇਟ ਦਾਗ ਕੇ ਇੱਕ ਟੈਸਟ ਕੀਤਾ ਗਿਆ। ਚਾਰੇ ਰਾਕੇਟਾਂ ਨੇ ਉਮੀਦ ਮੁਤਾਬਕ ਪ੍ਰਦਰਸ਼ਨ ਕੀਤਾ ਅਤੇ ਲੋੜੀਂਦੇ ਲਾਂਚ ਮਾਪਦੰਡਾਂ ਨੂੰ ਪ੍ਰਾਪਤ ਕੀਤਾ, ਵੱਡੇ ਪੱਧਰ ‘ਤੇ ਡਰੋਨ ਹਮਲਿਆਂ ਨੂੰ ਘਟਾਉਣ ‘ਚ ਤਕਨਾਲੋਜੀ ਦੀ ਭੂਮਿਕਾ ‘ਚ ਇੱਕ ਵੱਡੀ ਭੂਮਿਕਾ ਨਿਭਾਈ।
ਭਾਰਗਵਸਤਰ ਦੀ ਖ਼ਾਸੀਅਤ
ਭਾਰਗਵਸਤਰ (Bhargavastra) 2.5 ਕਿਲੋਮੀਟਰ ਤੱਕ ਦੀ ਰੇਂਜ ‘ਤੇ ਛੋਟੇ ਡਰੋਨਾਂ ਦਾ ਪਤਾ ਲਗਾਉਣ ਅਤੇ ਉਨ੍ਹਾਂ ਨੂੰ ਨਸ਼ਟ ਕਰਨ ਦੇ ਸਮਰੱਥ ਹੈ। ਇਸ ‘ਚ ਲੱਗਿਆ ਮਾਈਕ੍ਰੋ ਰਾਕੇਟ 20 ਮੀਟਰ ਤੱਕ ਦੇ ਘਾਤਕ ਘੇਰੇ ਵਾਲੇ ਡਰੋਨਾਂ ਦੇ ਝੁੰਡ ਨੂੰ ਬੇਅਸਰ ਕਰ ਸਕਦਾ ਹੈ। ਜਦੋਂ ਕਿ ਇਸਦੀ ਦੂਜੀ ਪਰਤ ‘ਚ ਫਿੱਟ ਕੀਤੀ ਗਈ ਮਾਈਕ੍ਰੋ ਮਿਜ਼ਾਈਲ ਬਿੰਦੂ ਸਟੀਕਤਾ ਲਈ ਹੈ। SDAL ਨੇ ਇਸ ‘ਚ ਮਾਡਿਊਲਰ ਸਿਸਟਮ ਦੀ ਵਰਤੋਂ ਕੀਤੀ ਹੈ। ਇਹ ਉਪਭੋਗਤਾਵਾਂ ਨੂੰ ਇਸਦੇ ਸੈਂਸਰ ਨੂੰ ਕੰਟਰੋਲ ਕਰਨ ਅਤੇ ਸ਼ੂਟ ਕਰਨ ਦੀ ਆਗਿਆ ਦਿੰਦਾ ਹੈ। ਇਸ ਹਥਿਆਰ ਦਾ ਰਾਡਾਰ, ਨਵੀਂ C4I ਤਕਨਾਲੋਜੀ ਨਾਲ ਬਣਿਆ ਹੈ, ਛੇ ਤੋਂ 10 ਕਿਲੋਮੀਟਰ ਦੀ ਦੂਰੀ ਤੋਂ ਛੋਟੇ ਹਵਾਈ ਖਤਰਿਆਂ ਦਾ ਪਤਾ ਲਗਾ ਸਕਦਾ ਹੈ। ਇਹ ਡਰੋਨ ਮੇਕ ਇਨ ਇੰਡੀਆ ਮਿਸ਼ਨ ਲਈ ਇੱਕ ਹੋਰ ਪ੍ਰਾਪਤੀ ਹੈ।
Read More: ਭਾਰਤ ਨੇ ਰੱਖਿਆ ਪ੍ਰੀਖਣ ‘ਚ ਸਫਲਤਾ ਕੀਤੀ ਹਾਸਲ, ਡਰੋਨ ਵਰਗੇ ਹਵਾਈ ਟੀਚਿਆਂ ਨੂੰ ਬੇਅਸਰ ਕਰਨ ਲਈ ਤਿਆਰ ਕੀਤਾ ਗਿਆ ਸਿਸਟਮ
