ਕੁਝ ਸਾਲ ਪਹਿਲਾਂ ਇੱਕ ਟੀਵੀ ਸ਼ੋਅ ਦਾ ਬੱਚੇ ਅਤੇ ਵੱਡੇ ਬੇਸ਼ਬਰੀ ਨਾਲ ਇੰਤਜਾਰ ਕਰਦੇ ਸਨ, ਬੱਚਿਆਂ ਨੂੰ ਜਦੋਂ ਪਤਾ ਲੱਗਦਾ ਕਿ ਸ਼ੋਅ ਟੀਵੀ ‘ਤੇ ਚੱਲ ਪਿਆ ਤਾਂ ਸਭ ਕੁਝ ਛੱਡ ਕੇ ਭੱਜ ਕੇ ਟੀਵੀ ਮੁਹਰੇ ਬੈਠ ਜਾਂਦੇ ਸਨ | ਹਰ ਐਤਵਾਰ ਨੂੰ ਦੁਪਹਿਰ ਦੇ 12 ਵਜਦੇ ਹੀ ਭਾਰਤ ਦੇ ਹਰ ਘਰ ਦੇ ਟੀਵੀ ‘ਤੇ ਇੱਕੋ ਸ਼ੋਅ ਚੱਲਦਾ ਸੀ, ਜਿਸ ਦਾ ਨਾਮ ਸੀ ਸ਼ਕਤੀਮਾਨ (Shaktimaan)…
ਮਸ਼ਹੂਰ ਹਸਤੀ ਮੁਕੇਸ਼ ਖੰਨਾ ਇਸਦਾ ਮੁੱਖ ਕਿਰਦਾਰ ਨਿਭਾਉਂਦੇ ਸਨ | ਮੁਕੇਸ਼ ਖੰਨਾਦੇ ਰੋਲ ਵਾਲੇ ਇਸ ਸੀਰੀਅਲ ਨੂੰ ਬੱਚਿਆਂ ਤੋਂ ਲੈ ਕੇ ਵੱਡਿਆਂ ਤੱਕ ਹਰ ਕੋਈ ਪਸੰਦ ਕਰਦਾ ਸੀ, ਜਿਸ ਕਾਰਨ ਇਸ ਨੂੰ ਦੂਰਦਰਸ਼ਨ ਦਾ ਸਭ ਤੋਂ ਸ਼ਾਨਦਾਰ ਸ਼ੋਅ ਮੰਨਿਆ ਜਾਂਦਾ ਸੀ। ਜੇਕਰ ਤੁਸੀਂ ਵੀ ਸ਼ਕਤੀਮਾਨ ਦੇ ਫੈਨ ਹੋ ਤਾਂ ਤੁਹਾਡੇ ਲਈ ਖੁਸ਼ਖਬਰੀ ਹੈ |
ਕਿਉਂਕਿ ਸ਼ਕਤੀਮਾਨ 19 ਸਾਲਾਂ ਬਾਅਦ ਵਾਪਸੀ ਕਰ ਰਿਹਾ ਹੈ। ਇਸ ਦਾ ਐਲਾਨ ਮੁਕੇਸ਼ ਖੰਨਾ ਨੇ ਕੀਤਾ ਹੈ। ਅਜਿਹੇ ‘ਚ ਆਓ ਜਾਣਦੇ ਹਾਂ ਇਸ ਸੁਪਰਹੀਰੋ ਸ਼ੋਅ ਦਾ ਇਤਿਹਾਸ। ਸ਼ਕਤੀਮਾਨ 27 ਸਾਲ ਪਹਿਲਾਂ ਸ਼ੁਰੂ ਹੋਇਆ ਸੀ । ਦੂਰਦਰਸ਼ਨ ‘ਤੇ ਮਿਥਿਹਾਸਿਕ ਸ਼ੋਅ ਮਹਾਭਾਰਤ ਨਾਲ ਸ਼ਾਨਦਾਰ ਸਫਲਤਾ ਹਾਸਲ ਕਰਨ ਤੋਂ ਬਾਅਦ, ਮੁਕੇਸ਼ ਖੰਨਾ ਦੇ ਦਿਮਾਗ ‘ਚ ਭਾਰਤੀ ਸੁਪਰਹੀਰੋ ਸ਼ੋਅ ਦਾ ਵਿਚਾਰ ਆਇਆ।
ਜਿਸ ਦੇ ਆਧਾਰ ‘ਤੇ ਉਹਨਾਂ ਨੇ ਆਪਣੇ ਪ੍ਰੋਡਕਸ਼ਨ ‘ਭੀਸ਼ਮਾ ਇੰਟਰਨੈਸ਼ਨਲ’ ਅਧੀਨ ਸ਼ਕਤੀਮਾਨ (Shaktimaan) ਦਾ ਨਿਰਮਾਣ ਕੀਤਾ, ਜਿਸ ਨੂੰ ਡਾਇਰੈਕਟ ਦਿਨਕਰ ਜਾਨੀ ਨੇ ਕੀਤਾ ਸੀ। ਸ਼ਕਤੀਮਾਨ ਦਾ ਪਹਿਲਾ ਐਪੀਸੋਡ 13 ਸਤੰਬਰ 1997 ਨੂੰ ਡੀਡੀ ਨੈਸ਼ਨਲ ਟੀਵੀ ਚੈਨਲ ‘ਤੇ ਪ੍ਰਸਾਰਿਤ ਕੀਤਾ ਗਿਆ ਸੀ। ਇਹ ਇੱਕ ਕਾਲਪਨਿਕ ਸੁਪਰਹੀਰੋ ਸ਼ੋਅ ਸੀ, ਜਿਸ ਨੇ ਭਾਰਤੀ ਦਰਸ਼ਕਾਂ ਨੂੰ ਕੁਝ ਹੀ ਸਮੇਂ ਵਿੱਚ ਦੀਵਾਨਾ ਬਣਾ ਦਿੱਤਾ ਸੀ।
ਇਹ ਸੀਰੀਅਲ ਛੋਟੇ ਪਰਦੇ ‘ਤੇ 1997 ਤੋਂ 2005 ਤੱਕ ਚੱਲਦਾ ਰਿਹਾ। ਇਸ ਸਮੇਂ ਦੌਰਾਨ, ਦਰਸ਼ਕਾਂ ਨੂੰ ਲਗਭਗ 400 ਐਪੀਸੋਡਾਂ ‘ਚ ਸ਼ਕਤੀਮਾਨ ਦੀ ਸ਼ਾਨਦਾਰ ਕਹਾਣੀ ਅਤੇ ਐਕਸ਼ਨ ਦੇਖਣ ਨੂੰ ਮਿਲਿਆ।ਸ਼ਕਤੀਮਾਨ ਪਹਿਲਾ ਐਪੀਸੋਡ 13 ਸਤੰਬਰ 1997 ਨੂੰ ਆਇਆ ਤੇ
ਆਖਰੀ ਐਪੀਸੋਡ- 27 ਮਾਰਚ 2005 ਨੂੰ ਪ੍ਰਸਾਰਿਤ ਕੀਤਾ ਗਿਆ ਸੀ ।
ਸ਼ਕਤੀਮਾਨ ਸ਼ੋਅ ਦੇ ਕੁੱਲ ਐਪੀਸੋਡ- 400 ਤੋਂ ਵੱਧ ਸੀ ਅਤੇ ਇਹ ਸ਼ੋਅ 8 ਸਾਲ ਟੈਲੀਕਾਸਟ ਕੀਤਾ ਗਿਆ ਯਾਨੀ 8 ਸਾਲ ਚੱਲਿਆ ਇਸ ਸ਼ੋਅ ਦੀ ਕਹਾਣੀ ਦੇ ਨਾਲ-ਨਾਲ ਸਟਾਰ ਕਾਸਟ ਨੂੰ ਵੀ ਕਾਫ਼ੀ ਪ੍ਰਸਿੱਧੀ ਮਿਲੀ ਸੀ।
ਇਸ ‘ਚ ਕੇਵਲ ਸ਼ਕਤੀਮਾਨ ਹੀ ਨਹੀਂ ਬਲਕਿ ਤਾਮਰਾਜ ਕਿਲਵਿਸ਼ ਵਰਗੇ ਕਿਰਦਾਰਾਂ ਨੇ ਵੀ ਕਾਫ਼ੀ ਪ੍ਰਸਿੱਧੀ ਹਾਸਲ ਕੀਤੀ |
ਸ਼ੋਅ ਦੇ ਕਿਰਦਾਰਾਂ ‘ਤੇ ਇੱਕ ਨਜ਼ਰ..
ਮੁਕੇਸ਼ ਖੰਨਾ ਨੇ ਸ਼ਕਤੀਮਾਨ ਉਰਫ਼ ਗੰਗਾਧਰ ਦਾ ਕਿਰਦਾਰ ਨਿਭਾਇਆ ਸੀ
ਸੁਰੇਂਦਰ ਪਾਲ ਨੇ ਤਾਮਰਾਜ ਕਿਲਵਿਸ਼, ਵੈਸ਼ਨਵੀ ਮਹੰਤ ਨੇ ਗੀਤ ਵਿਸ਼ਵਾਸ
ਟੌਮ ਅਲਟਰ ਨੇ ਗ੍ਰੈਂਡ ਮਾਸਟਰ ਅਤੇ ਲਲਿਤ ਪਰਿਮੁ- ਡਾ ਜੈਕਾਲ ਦਾ ਕਿਰਦਾਰ ਨਿਭਾਇਆ ਸੀ।
ਜਿਕਰਯੋਗ ਹੈ ਕਿ ਸ਼ਕਤੀਮਾਨ 19 ਸਾਲ ਬਾਅਦ ਵਾਪਸੀ ਕਰ ਰਹੇ ਹਨਫਿਲਮ ਸ਼ਕਤੀਮਾਨ ਨੂੰ ਲੈ ਕੇ ਕਾਫੀ ਸਮੇਂ ਤੋਂ ਚਰਚਾ ਚੱਲ ਰਹੀ ਹੈ, ਜਿਸ ਦਾ ਜ਼ਿਕਰ ਖੁਦ ਮੁਕੇਸ਼ ਖੰਨਾ ਕਈ ਵਾਰ ਕਰ ਚੁੱਕੇ ਹਨ।
ਇਸ ਮਾਮਲੇ ‘ਚ ਐਕਟਰ ਰਣਵੀਰ ਸਿੰਘ ਦਾ ਨਾਂ ਵੀ ਚਰਚਾ ‘ਚ ਹੈ। ਹੁਣ 9 ਨਵੰਬਰ ਨੂੰ ਸ਼ਕਤੀਮਾਨ ਦਾ ਟੀਜ਼ਰ ਵੀਡੀਓ ਨਿਰਮਾਤਾਵਾਂ ਵੱਲੋਂ ਯੂਟਿਊਬ (ਸ਼ਕਤੀਮਾਨ ਟੀਜ਼ਰ) ‘ਤੇ ਰਿਲੀਜ਼ ਕੀਤਾ ਗਿਆ ਹੈ। ਇਸ ਨੂੰ ਦੇਖਣ ਤੋਂ ਬਾਅਦ ਪ੍ਰਸ਼ੰਸਕਾਂ ਦੀ ਉਤਸੁਕਤਾ ਦੀ ਕੋਈ ਹੱਦ ਨਹੀਂ ਰਹੀ।
ਸ਼ਕਤੀਮਾਨ ਛੇਤੀ ਹੀ ਮਨੋਰੰਜਨ ਦੀ ਦੁਨੀਆ ‘ਚ ਵਾਪਸੀ ਕਰਨ ਜਾ ਰਿਹਾ ਹੈ। ਹਾਲਾਂਕਿ, ਇਹ ਹਾਲੇ ਇਹ ਜਾਣਕਾਰੀ ਸਾਹਮਣੇ ਨਹੀਂ ਆਈ ਕਿ ਸ਼ਕਤੀਮਾਨ ਫਿਲਮ, ਵੈੱਬ ਸੀਰੀਜ਼ ਜਾਂ ਟੀਵੀ ਸ਼ੋਅ, ਕਿਸ ਫਾਰਮੈਟ ‘ਚ ਇਹ ਸ਼ੋਅ ਵਾਪਸੀ ਕਰ ਰਿਹਾ ਹੈ ? ਪਰ ਮੁਕੇਸ਼ ਖੰਨਾ ਦੇ ਇਹ ਖ਼ਬਰ ਸਾਂਝੀ ਕਰਦਿਆਂ ਹੀ ਫੈਨਜ਼ ‘ਚ ਖੁਸ਼ੀ ਦੀ ਲਹਿਰ ਦੇਖਣ ਨੂੰ ਮਿਲ ਰਹੀ ਹੈ |
