ਚੰਡੀਗੜ੍ਹ, 03 ਨਵੰਬਰ 2024: (IND vs NZ 3rd Test Match Live) ਤਿੰਨ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਆਖਰੀ ਟੈਸਟ ਮੈਚ ‘ਚ ਭਾਰਤੀ ਬੱਲੇਬਾਜ਼ੀ ਇੱਕ ਵਾਰ ਫਿਰ ਫਲਾਪ ਸਾਬਤ ਹੋਈ ਹੈ। ਇਸ ਦੌਰਾਨ ਰਿਸ਼ਭ ਪੰਤ (Rishabh Pant) ਨੇ ਆਪਣੇ ਟੈਸਟ ਕਰੀਅਰ ਦਾ 14ਵਾਂ ਅਰਧ ਸੈਂਕੜਾ ਜੜ ਦਿੱਤਾ ਹੈ | ਰਿਸ਼ਭ ਪੰਤ ਨੇ ਆਪਣਾ ਅਰਧ ਸੈਂਕੜਾ 48 ਗੇਂਦਾਂ ਪੂਰਾ ਕੀਤਾ ਹੈ | ਰਿਸ਼ਭ ਪੰਤ ਤੋਂ ਭਾਰਤ ਦੀ ਜਿੱਤ ਦੀ ਉਮੀਦ ਲਗਾਈ ਜਾ ਰਹੀ ਹੈ |
ਜਿਕਰਯੋਗ ਹੈ ਕਿ ਇਹ ਰਿਸ਼ਭ ਪੰਤ ਦਾ ਲਗਾਤਾਰ ਦੂਜਾ ਅਰਧ ਸੈਂਕੜਾ ਹੈ। ਪਿਛਲੀ ਪਾਰੀ ‘ਚ ਪੰਤ ਨੇ 36 ਗੇਂਦਾਂ ‘ਚ ਅਰਧ ਸੈਂਕੜਾ ਜੜਿਆ ਸੀ ਅਤੇ 60 ਦੌੜਾਂ ਦੀ ਪਾਰੀ ਖੇਡੀ ਸੀ। ਭਾਰਤ ਨੇ ਹੁਣ ਤੱਕ 92 ਦੌੜਾਂ ‘ਤੇ 6ਵਿਕਟਾਂ ਗੁਆ ਦਿੱਤੀਆਂ ਹਨ | ਭਾਰਤ ਨੂੰ ਜਿੱਤਣ ਲਈ 147 ਦੌੜਾਂ ਦਾ ਟੀਚਾ ਮਿਲਿਆ ਹੈ |
ਭਾਰਤ ਨੂੰ ਛੇਵਾਂ ਝਟਕਾ 71 ਦੇ ਸਕੋਰ ‘ਤੇ ਲੱਗਾ। ਏਜਾਜ਼ ਪਟੇਲ ਨੇ ਰਵਿੰਦਰ ਜਡੇਜਾ ਨੂੰ ਆਪਣਾ ਚੌਥਾ ਸ਼ਿਕਾਰ ਬਣਾਇਆ। ਭਾਰਤ ਨੂੰ ਜਿੱਤਣ ਲਈ 147 ਦੌੜਾਂ ਦਾ ਟੀਚਾ ਮਿਲਿਆ ਹੈ | ਪਰ ਇਸ ਖ਼ਰਾਬ ਪ੍ਰਦਰਸ਼ਨ ਕਾਰਨ ਭਾਰਤੀ ਟੀਮ ‘ਤੇ ਹਾਰ ਦਾ ਖਤਰਾ ਮੰਡਰਾਅ ਰਿਹਾ ਹੈ | ਦੂਜੀ ਪਾਰੀ ‘ਚ ਭਾਰਤੀ ਟੀਮ ਦੇ ਕਪਤਾਨ ਰੋਹਿਤ ਸ਼ਰਮਾ (11 ਦੌੜਾਂ ), ਸ਼ੁਭਮਨ ਗਿੱਲ (1 ਦੌੜ ), ਵਿਰਾਟ ਕੋਹਲੀ (1 ਦੌੜ ), ਯਸ਼ਸਵੀ ਜੈਸਵਾਲ (5 ਦੌੜਾਂ ) ਅਤੇ ਸਰਫਰਾਜ਼ ਖਾਨ (1 ਦੌੜਾ) ਬਣਾ ਪਵੇਲੀਅਨ ਪਰਤ ਚੁੱਕੇ ਹਨ।
