26 ਅਕਤੂਬਰ 2024: ਬਟਾਲਾ ਦੇ ਨੇੜੇ ਪਿੰਡ ਸਖੋਵਾਲ (Sakhowal village) ਵਿੱਖੇ ਦਰਦਨਾਕ ਹਾਦਸਾ ਵਾਪਰਿਆ ਹੈ, ਇਸ ਹਾਦਸੇ ਵਿੱਚ 3 ਲੋਕਾਂ ਦੀ ਮੌਤ ਹੋ ਗਈ ਹੈ, ਅਤੇ 2 ਲੋਕ ਗੰਭੀਰ ਜ਼ਖਮੀ ਹਨ| ਜਿਹਨਾਂ ਨੂੰ ਬਟਾਲੇ ਦੇ ਨਿੱਜੀ ਹਸਪਤਾਲ ਇਲਾਜ ਲਈ ਦਾਖ਼ਲ ਕਰਵਾਇਆ (admitted for treatment in Batale’s private hospital) ਗਿਆ ਹੈ|

ਹਾਦਸਾ ਦੇਰ ਸ਼ਾਮ ਬਟਾਲੇ ਵਲੋਂ ਤੇਜ ਰਫਤਾਰ ਨਾਲ ਆਉਂਦੀ ਗੱਡੀ ਦੇ ਨਾਲ ਵਾਪਰਿਆ ਹੈ, ਗੱਡੀ ਨੇ 2 ਵੱਖ ਵੱਖ ਮੋਟਰਸਾਈਕਲ ( motorcycle) ਨੂੰ ਆਪਣੀ ਲਪੇਟ ‘ਚ ਲਿਆ ਅਤੇ ਨਾਲ ਪੈਦਲ ਜਾ ਰਹੇ ਮ੍ਰਿਤਕ ਜਗਤਾਰ ਸਿੰਘ ਪੁੱਤਰ ਕਸ਼ਮੀਰ ਸਿੰਘ ਵਾਸੀ ਸਖੋਵਾਲ ਨੂੰ ਵੀ ਆਪਣੀ ਲਪੇਟ ‘ਚ ਲੈ ਲਿਆ

ਮ੍ਰਿਤਕ ਬਲਦੇਵ ਸਿੰਘ ਪੁੱਤਰ ਕਰਨੈਲ ਸਿੰਘ ਰੀਡਰ ਡੀ.ਐਸ.ਪੀ ਵਾਸੀ ਪੰਜਗਰੀਆਂ ਜੋ ਕਿ ਸ਼੍ਰੀ ਹਰਗੋਬਿੰਦਪੁਰ ਤੋਂ ਡਿਊਟੀ ਕਰਕੇ ਵਾਪਿਸ ਆ ਰਿਹਾ ਸੀ ਅਤੇ ਮ੍ਰਿਤਕ ਹਰਜੀਤ ਸਿੰਘ ਪੁੱਤਰ ਗੁਰਨਾਮ ਸਿੰਘ ਵਾਸੀ ਧਾਰੀਵਾਲ ਜੋ ਕਿ ਆਪਣੀ ਪਤਨੀ ਅਤੇ ਬੱਚੇ ਨਾਲ ਸ਼੍ਰੀ ਹਰਗੋਬਿੰਦਪੁਰ ਤੋਂ ਵਾਪਿਸ ਆ ਰਿਹਾ ਸੀ| ਪੁਲਿਸ ਦੇ ਵੱਲੋਂ ਐਲ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ, ਅਤੇ ਮ੍ਰਿਤਿਕ ਦੇਹਾਂ ਨੂੰ ਬਟਾਲੇ ਦੇ ਸਰਕਾਰੀ ਹਸਪਤਾਲ ਭੇਜਿਆ ਗਿਆ ਹੈ|