ਲੁਧਿਆਣਾ, 28 ਮਈ 2026: ਲੁਧਿਆਣਾ ‘ਚ ਇੱਕ ਦਰਜ਼ੀ ਰਾਤੋਂ-ਰਾਤ ਕਰੋੜਪਤੀ ਬਣ ਗਿਆ | ਬਿਹਾਰ ਦੇ ਪੱਛਮੀ ਚੰਪਾਰਣ ਜ਼ਿਲ੍ਹੇ ਦੇ ਰਹਿਣ ਵਾਲੇ ਦਿਨੇਸ਼ ਕੁਸ਼ਵਾਹਾ ਨੇ ਰਾਤੋ-ਰਾਤ ਆਪਣੀ ਕਿਸਮਤ ਬਦਲਦੇ ਦੇਖੀ। ਦਿਨੇਸ਼ ਨੇ ਸਿੱਕਮ ਸਟੇਟ ਲਾਟਰੀ ‘ਚ ₹3 ਕਰੋੜ ਦਾ ਬੰਪਰ ਇਨਾਮ ਜਿੱਤਿਆ ਹੈ।
ਦਿਨੇਸ਼ ਕੁਸ਼ਵਾਹਾ ਪਿਛਲੇ 15 ਸਾਲਾਂ ਤੋਂ ਆਪਣੀ ਕਿਸਮਤ ਅਜ਼ਮਾ ਰਿਹਾ ਸੀ ਅਤੇ ਨਿਯਮਿਤ ਤੌਰ ‘ਤੇ ਲਾਟਰੀ ਟਿਕਟਾਂ ਖਰੀਦਦਾ ਸੀ। ਸਿੱਕਮ ਸਟੇਟ ਲਾਟਰੀ ਡਰਾਅ 16 ਮਈ ਨੂੰ ਹੋਇਆ ਸੀ, ਅਤੇ ਦਿਨੇਸ਼ ਦੇ ਟਿਕਟ ਨੰਬਰ 999327 ਨੇ ਪਹਿਲਾ ਇਨਾਮ, ₹3 ਕਰੋੜ ਦਾ ਬੰਪਰ ਜੈਕਪਾਟ ਜਿੱਤਿਆ ਹੈ।
ਅੱਜ, ਜਦੋਂ ਦਿਨੇਸ਼ ਆਪਣੀ ਜੇਤੂ ਟਿਕਟ ਲੈ ਕੇ ਲੁਧਿਆਣਾ ਦੇ ਮਸ਼ਹੂਰ ਘੰਟਾ ਘਰ ਚੌਕ ਵਿਖੇ ਪਹੁੰਚਿਆ, ਤਾਂ ਉਸਦਾ ਢੋਲ ਅਤੇ ਫੁੱਲਾਂ ਦੇ ਹਾਰਾਂ ਨਾਲ ਸ਼ਾਨਦਾਰ ਸਵਾਗਤ ਕੀਤਾ ਗਿਆ। ਦਿਨੇਸ਼ ਨੇ 16 ਮਈ ਨੂੰ ਭਨੋਟ ਐਂਟਰਪ੍ਰਾਈਜ਼ਿਜ਼ ਆਊਟਲੈੱਟ ਤੋਂ ਇਹ ਟਿਕਟ ਸਿਰਫ਼ ₹500 ਵਿੱਚ ਖਰੀਦੀ ਸੀ। ਦੁਕਾਨ ਦੇ ਮੈਨੇਜਰ ਨੇ ਦੱਸਿਆ ਕਿ ਇਨਾਮ ਪ੍ਰਾਪਤ ਕਰਨ ਲਈ ਕਾਗਜ਼ੀ ਕਾਰਵਾਈ ਅਤੇ ਕਾਨੂੰਨੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਗਈ ਹੈ।
ਜੇਤੂ ਦਿਨੇਸ਼ ਕੁਸ਼ਵਾਹਾ ਨੇ ਦੱਸਿਆ ਕਿ ਉਹ ਇੱਕ ਬਹੁਤ ਹੀ ਸਧਾਰਨ ਪਰਿਵਾਰ ਤੋਂ ਹੈ ਅਤੇ ਆਪਣੇ ਪਰਿਵਾਰ ਦਾ ਪਾਲਣ-ਪੋਸ਼ਣ ਕਰਨ ਲਈ ਲੁਧਿਆਣਾ ਦੀ ਇੱਕ ਸਥਾਨਕ ਫੈਕਟਰੀ ‘ਚ 12 ਘੰਟੇ ਦਰਜੀ ਅਤੇ ਸਿਲਾਈ ਕਰਨ ਦਾ ਕੰਮ ਕਰਦਾ ਸੀ। ਦਿਨੇਸ਼ ਦੇ ਪਰਿਵਾਰ ‘ਚ ਉਸਦੀ ਪਤਨੀ ਅਤੇ ਤਿੰਨ ਬੱਚੇ ਹਨ। ਜਦੋਂ ਉਸਨੂੰ ਪੁੱਛਿਆ ਗਿਆ ਕਿ ਉਹ ਪੈਸੇ ਦਾ ਕੀ ਕਰੇਗਾ, ਤਾਂ ਉਹ ਭਾਵੁਕ ਹੋ ਗਿਆ ਅਤੇ ਕਿਹਾ, “ਮੈਂ ਕਦੇ ਸੋਚਿਆ ਵੀ ਨਹੀਂ ਸੀ ਕਿ ਮੈਨੂੰ ਇੰਨੀ ਵੱਡੀ ਰਕਮ ਮਿਲੇਗੀ।”
ਮੈਂ ਪਿਛਲੇ 10 ਤੋਂ 15 ਸਾਲਾਂ ਤੋਂ ਲਾਟਰੀਆਂ ਦੀ ਟਿਕਟ ਖਰੀਦ ਰਿਹਾ ਹਾਂ। ਹੁਣ, ਮੈਂ ਫੈਸਲਾ ਕਰਾਂਗਾ ਕਿ ਜਦੋਂ ਮੈਂ ਘਰ ਜਾਵਾਂਗਾ ਅਤੇ ਆਪਣੇ ਪੂਰੇ ਪਰਿਵਾਰ ਨਾਲ ਬੈਠਾਂਗਾ ਤਾਂ ਇਸ ਪੈਸੇ ਨੂੰ ਕਿੱਥੇ ਅਤੇ ਕਿਵੇਂ ਵਰਤਣਾ ਹੈ। ਇਸ ਇਨਾਮ ਨੇ ਮੇਰੇ ਬੱਚਿਆਂ ਦੇ ਭਵਿੱਖ ਅਤੇ ਮੇਰੇ ਪਰਿਵਾਰ ਦੀਆਂ ਸਮੱਸਿਆਵਾਂ ਨੂੰ ਸਥਾਈ ਤੌਰ ‘ਤੇ ਹੱਲ ਕਰ ਦਿੱਤਾ ਹੈ।”
Read More: ਪੰਜਾਬ ‘ਚ ਪਹਿਲੀ ਵਾਰ ਲੋਕ ਘਰ ਬੈਠੇ ਦੇਖ ਸਕਣਗੇ ਸਥਾਨਕ ਸੰਸਥਾਵਾਂ ਚੋਣਾਂ ਦੇ ਨਤੀਜੇ
