ਚੰਡੀਗੜ੍ਹ, 19 ਜੂਨ 2026: SL A ਬਨਾਮ AFG A Result: ਸ਼੍ਰੀਲੰਕਾ ਏ ਨੇ ਵਨਡੇ ਤਿਕੋਣੀ ਸੀਰੀਜ਼ ਦੇ ਫਾਈਨਲ ‘ਚ ਆਪਣੀ ਜਗ੍ਹਾ ਬਣਾ ਲਈ ਹੈ। ਸ਼੍ਰੀਲੰਕਾ ਟੀਮ ਨੇ ਦਾਂਬੁਲਾ ‘ਚ ਅਫਗਾਨਿਸਤਾਨ ਏ ਨੂੰ 103 ਦੌੜਾਂ ਨਾਲ ਹਰਾ ਦਿੱਤਾ। ਭਾਰਤ ਅਤੇ ਸ਼੍ਰੀਲੰਕਾ ਵਿਚਾਲੇ ਫਾਈਨਲ 21 ਜੂਨ ਨੂੰ ਇਸੇ ਮੈਦਾਨ ‘ਤੇ ਖੇਡਿਆ ਜਾਵੇਗਾ।
ਸ਼ੁੱਕਰਵਾਰ ਨੂੰ ਅਫਗਾਨਿਸਤਾਨ ਏ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਸ਼੍ਰੀਲੰਕਾ ਏ ਨੇ 50 ਓਵਰਾਂ ‘ਚ 322/8 ਦੌੜਾਂ ਬਣਾਈਆਂ। ਇਸਦੇ ਜਵਾਬ ‘ਚ ਅਫਗਾਨਿਸਤਾਨ ਏ 42.5 ਓਵਰਾਂ ‘ਚ 219 ਦੌੜਾਂ ‘ਤੇ ਢੇਰ ਹੋ ਗਈ।
ਅਵਿਸ਼ਕਾ ਫਰਨਾਂਡੋ ਸ਼੍ਰੀਲੰਕਾ ਏ ਦੀ ਜਿੱਤ ਦਾ ਹੀਰੋ ਰਹੇ। ਫਰਨਾਂਡੋ ਨੇ 97 ਗੇਂਦਾਂ ‘ਚ 110 ਦੌੜਾਂ ਬਣਾਈਆਂ, ਜਿਸ ‘ਚ 13 ਚੌਕੇ ਅਤੇ ਇੱਕ ਛੱਕਾ ਲੱਗਾ। ਗੇਂਦਬਾਜ਼ੀ ‘ਚ, ਦੁਲਾਜ ਸਮੂਧਿਤਾ ਨੇ 25 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ। ਕੁਗਾਥਸ ਮਥੁਲਾਨ ਨੇ 3 ਵਿਕਟਾਂ ਲਈਆਂ। ਅਵਿਸ਼ਕਾ ਨੂੰ ਉਸਦੇ ਸੈਂਕੜੇ ਲਈ ਪਲੇਅਰ ਆਫ਼ ਦ ਮੈਚ ਚੁਣਿਆ ਗਿਆ।
ਸ੍ਰੀਲੰਕਾ ਏ, ਜਿਸਨੇ ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ, ਉਨ੍ਹਾਂ ਨੇ ਨਿਰੋਸ਼ਨ ਡਿਕਵੇਲਾ ਅਤੇ ਅਵਿਸ਼ਕਾ ਫਰਨਾਂਡੋ ਨਾਲ ਤੇਜ਼ ਸ਼ੁਰੂਆਤ ਕੀਤੀ। ਇਨ੍ਹਾਂ ਦੋਵਾਂ ਨੇ ਅਫਗਾਨ ਗੇਂਦਬਾਜ਼ਾਂ ਨੂੰ ਦਬਾਅ ‘ਚ ਪਾ ਦਿੱਤਾ, ਪਹਿਲੀ ਵਿਕਟ ਲਈ 133 ਦੌੜਾਂ ਜੋੜੀਆਂ। ਡਿਕਵੇਲਾ ਨੇ 54 ਗੇਂਦਾਂ ‘ਤੇ 66 ਦੌੜਾਂ ਬਣਾਈਆਂ, ਜਿਸ ‘ਚ 12 ਚੌਕੇ ਸ਼ਾਮਲ ਸਨ।
ਅਫਗਾਨਿਸਤਾਨ ਦੇ ਗੇਂਦਬਾਜ਼ ਆਖਰੀ ਓਵਰਾਂ ‘ਚ ਦੌੜਾਂ ਨੂੰ ਰੋਕਣ ਵਿੱਚ ਅਸਫਲ ਰਹੇ, ਅਤੇ ਸ਼੍ਰੀਲੰਕਾ ਏ ਨੇ 50 ਓਵਰਾਂ ‘ਚ 322/8 ਦਾ ਵਿਸ਼ਾਲ ਸਕੋਰ ਬਣਾਇਆ। ਅਫਗਾਨਿਸਤਾਨ ਏ ਨੇ ਖ਼ਰਾਬ ਸ਼ੁਰੂਆਤ ਕੀਤੀ। ਕਪਤਾਨ ਇਮਰਾਨ ਮੀਰ ਪਹਿਲੀ ਹੀ ਗੇਂਦ ‘ਤੇ ਆਊਟ ਹੋ ਗਿਆ। ਨੂਰ-ਉਲ-ਰਹਿਮਾਨ ਵੀ ਬਿਨਾਂ ਕੋਈ ਸਕੋਰ ਬਣਾਏ ਆਊਟ ਹੋ ਗਿਆ। ਅਫਗਾਨਿਸਤਾਨ ਏ ਦੀ ਟੀਮ 42.5 ਓਵਰਾਂ ਵਿੱਚ 219 ਦੌੜਾਂ ‘ਤੇ ਆਲ ਆਊਟ ਹੋ ਗਈ |
Read More: AUS ਬਨਾਮ BAN Result: ਆਸਟ੍ਰੇਲੀਆ ਨੇ ਬੰਗਲਾਦੇਸ਼ ਦੀ ਧਰਤੀ ‘ਤੇ ਪਹਿਲੀ ਵਾਰ ਟੀ-20 ਸੀਰੀਜ਼ ਜਿੱਤੀ
