ਪੱਛਮੀ ਬੰਗਾਲ, 24 ਅਪ੍ਰੈਲ 2026: West Bengal assembly elections 2026: ਪੱਛਮੀ ਬੰਗਾਲ ਅਤੇ ਤਾਮਿਲਨਾਡੂ ਵਿਧਾਨ ਸਭਾ ਚੋਣਾਂ ਲਈ ਵੀਰਵਾਰ ਨੂੰ ਰਿਕਾਰਡ ਵੋਟਿੰਗ ਦਰਜ ਕੀਤੀ ਗਈ। ਬੰਗਾਲ ਦੀਆਂ 294 ਸੀਟਾਂ ‘ਚੋਂ 152 ਸੀਟਾਂ ‘ਤੇ ਵੋਟਿੰਗ ਦੇ ਪਹਿਲੇ ਪੜਾਅ ‘ਚ 92.72% ਵੋਟਿੰਗ ਦਰਜ ਕੀਤੀ ਗਈ। ਇਸ ਦੌਰਾਨ ਦੋ ਭਾਜਪਾ ਉਮੀਦਵਾਰਾਂ ‘ਤੇ ਹਮਲਾ ਕੀਤਾ ਗਿਆ ਅਤੇ ਕੁੱਟਮਾਰ ਕੀਤੀ ਗਈ। ਇਸਦੇ ਨਾਲ ਨਾਲ ਹੀ ਵੱਖ-ਵੱਖ ਪਾਰਟੀਆਂ ਦੇ ਵਰਕਰਾਂ ਵਿਚਾਲੇ ਤਿੱਖੀ ਬਹਿਸ ਅਤੇ ਹੱਥੋਂਪਾਈ ਦੀਆਂ ਖ਼ਬਰਾਂ ਸਨ |
ਇਸ ਦੌਰਾਨ, ਬੁੱਧਵਾਰ ਦੇਰ ਰਾਤ ਮੁਰਸ਼ਿਦਾਬਾਦ ਦੇ ਨੌਦਾ ਦਾ ‘ਚ ਇੱਕ ਕਰੂਡ ਬੰਬ ਹਮਲੇ ‘ਚ ਕਈ ਲੋਕ ਜ਼ਖਮੀ ਹੋ ਗਏ। ਨੌਦਾ ‘ਚ, ਹੁਮਾਯੂੰ ਕਬੀਰ ਅਤੇ ਉਸਦੇ ਸਮਰਥਕਾਂ ਦੀ ਟੀਐਮਸੀ ਵਰਕਰਾਂ ਨਾਲ ਝੜਪ ਹੋਈ। ਨੌਦਾ ਦੇ ਬਾਅਦ ਜਿੱਥੇ ਵੀ ਉਹ ਗਏ ਉੱਥੇ ਝੜਪਾਂ ਅਤੇ ਹਿੰਸਾ ਹੋਈ।
ਤਾਮਿਲਨਾਡੂ ਦੀਆਂ ਸਾਰੀਆਂ 234 ਸੀਟਾਂ ‘ਤੇ 85.14% ਵੋਟਿੰਗ ਦਰਜ ਕੀਤੀ ਗਈ, ਜੋ ਕਿ ਆਜ਼ਾਦੀ ਤੋਂ ਬਾਅਦ ਦੋਵਾਂ ਸੂਬਿਆਂ ‘ਚ ਸਭ ਤੋਂ ਵੱਧ ਵੋਟਿੰਗ ਹੈ। ਇਸ ਤੋਂ ਪਹਿਲਾਂ, ਤਾਮਿਲਨਾਡੂ ‘ਚ 2011 ‘ਚ 78.29% ਵੋਟਿੰਗ ਦਰਜ ਕੀਤੀ ਸੀ, ਜਦੋਂ ਕਿ ਬੰਗਾਲ ‘ਚ 2011 ‘ਚ 84.72% ਵੋਟਿੰਗ ਦਰਜ ਕੀਤੀ ਗਈ ਸੀ।
ਮਮਤਾ ਬੈਨਰਜੀ ਨੇ ਵੋਟ ਪਾਉਣ ਤੋਂ ਬਾਅਦ ਕਿਹਾ ਕਿ ਬੰਗਾਲ ਦੇ ਲੋਕਾਂ ਨੇ ਐਸਆਈਆਰ ਦੇ ਵਿਰੁੱਧ ਭਾਰੀ ਵੋਟਿੰਗ ਕੀਤੀ। ਗ੍ਰਹਿ ਮੰਤਰੀ ਸ਼ਾਹ ਨੇ ਕਿਹਾ ਕਿ ਟੀਐਮਸੀ ‘ਤੇ ਸੂਰਜ ਡੁੱਬ ਗਿਆ ਹੈ। ਪਹਿਲਾਂ ਅਸਾਮ, ਕੇਰਲ ਅਤੇ ਪੁਡੂਚੇਰੀ ‘ਚ 9 ਅਪ੍ਰੈਲ ਨੂੰ ਵੋਟਿੰਗ ਹੋਈ ਸੀ। ਪੰਜਾਂ ਸੂਬਿਆਂ ‘ਚ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ 4 ਮਈ ਨੂੰ ਇੱਕੋ ਸਮੇਂ ਐਲਾਨੇ ਜਾਣਗੇ।
ਸਪੈਸ਼ਲ ਇੰਟੈਂਸਿਵ ਰਿਵੀਜ਼ਨ (SIR) ਨੂੰ ਵੀ ਬੰਗਾਲ ਅਤੇ ਤਾਮਿਲਨਾਡੂ ‘ਚ ਰਿਕਾਰਡ ਵੋਟਰ ਮਤਦਾਨ ਦਾ ਇੱਕ ਕਾਰਨ ਮੰਨਿਆ ਜਾ ਰਿਹਾ ਹੈ। ਇਸ ਸਾਲ 9 ਅਪ੍ਰੈਲ ਨੂੰ ਕੇਰਲ, ਅਸਾਮ ਅਤੇ ਪੁਡੂਚੇਰੀ ਵਿਧਾਨ ਸਭਾ ਚੋਣਾਂ ਅਤੇ ਨਵੰਬਰ 2025 ‘ਚ ਬਿਹਾਰ ਵਿਧਾਨ ਸਭਾ ਚੋਣਾਂ ‘ਚ ਵੀ ਰਿਕਾਰਡ ਵੋਟਰ ਮਤਦਾਨ ਦਰਜ ਕੀਤਾ ਗਿਆ ਸੀ।
ਕੇਰਲ ‘ਚ 78.27% ਵੋਟਰ ਮਤਦਾਨ ਨਾਲ 39 ਸਾਲ ਪੁਰਾਣਾ ਰਿਕਾਰਡ ਟੁੱਟ ਗਿਆ। ਅਸਾਮ ‘ਚ ਇਤਿਹਾਸ ‘ਚ ਸਭ ਤੋਂ ਵੱਧ 85.91%, ਬਿਹਾਰ ‘ਚ 66.90% ਅਤੇ ਪੁਡੂਚੇਰੀ ‘ਚ 89.87% ਵੋਟਿੰਗ ਦਰਜ ਕੀਤੀ ਗਈ। ਬੰਗਾਲ ਅਤੇ ਤਾਮਿਲਨਾਡੂ ਵਾਂਗ, ਇਹਨਾਂ ਸੂਬਿਆਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ‘ਚ ਵੀ SIR ਦੇਖਿਆ ਗਿਆ ਹੈ।
Read More: ਪੱਛਮੀ ਬੰਗਾਲ ਤੇ ਤਾਮਿਲਨਾਡੂ ਦੇ ਇਤਿਹਾਸ ‘ਚ ਸਭ ਤੋਂ ਵੱਧ ਮਤਦਾਨ ਦਰਜ, ਜਾਣੋ ਕਿੰਨੀ ਵੋਟਿੰਗ ਹੋਈ ?
