ਸਪੋਰਟਸ, 05 ਅਕਤੂਬਰ 2026: Hong Kong Sixes Series 2027: ਤਜਰਬੇਕਾਰ ਤੇਜ਼ ਗੇਂਦਬਾਜ਼ ਭੁਵਨੇਸ਼ਵਰ ਕੁਮਾਰ 30 ਅਕਤੂਬਰ ਤੋਂ 1 ਨਵੰਬਰ ਤੱਕ ਹੋਣ ਵਾਲੀ ਹਾਂਗਕਾਂਗ ਸਿਕਸਜ਼ ਸੀਰੀਜ਼ ‘ਚ ਆਈਪੀਐਲ ਨਾਲ ਭਰੀ ਭਾਰਤੀ ਟੀਮ ਦੀ ਕਪਤਾਨੀ ਕਰਨਗੇ। ਭਾਰਤੀ ਟੀਮ ਦੇ ਹੋਰ ਮੈਂਬਰ ਕਰੁਣਾਲ ਪੰਡਯਾ, ਸ਼ਸ਼ਾਂਕ ਸਿੰਘ, ਰਾਹੁਲ ਤੇਵਤੀਆ, ਨਿਤੀਸ਼ ਰਾਣਾ, ਰਾਹੁਲ ਤ੍ਰਿਪਾਠੀ ਅਤੇ ਟੀ. ਨਟਰਾਜਨ ਹਨ।
ਸ਼ਸ਼ਾਂਕ ਨੂੰ ਛੱਡ ਕੇ ਸਾਰੇ ਖਿਡਾਰੀ ਭਾਰਤ ਲਈ ਖੇਡ ਚੁੱਕੇ ਹਨ। ਟੂਰਨਾਮੈਂਟ ‘ਚ ਸਿਰਫ਼ ਛੇ ਖਿਡਾਰੀ ਹਿੱਸਾ ਲੈਂਦੇ ਹਨ। ਭੁਵਨੇਸ਼ਵਰ ਕੋਲ ਸਾਲਾਂ ਦਾ ਅੰਤਰਰਾਸ਼ਟਰੀ ਅਤੇ ਆਈਪੀਐਲ ਦਾ ਤਜਰਬਾ ਹੈ। ਉਸ ਕੋਲ ਨਵੀਂ ਗੇਂਦ ਨਾਲ ਪ੍ਰਭਾਵ ਪਾਉਣ ਦੀ ਸਮਰੱਥਾ ਹੈ, ਜਦੋਂ ਕਿ ਕਰੁਣਾਲ ਪੰਡਯਾ ਇੱਕ ਸਮਰੱਥ ਆਲਰਾਊਂਡਰ ਹੈ। ਨਿਤੀਸ਼ ਰਾਣਾ ਅਤੇ ਰਾਹੁਲ ਤ੍ਰਿਪਾਠੀ ਹਮਲਾਵਰ ਟਾਪ-ਆਰਡਰ ਬੱਲੇਬਾਜ਼ ਹਨ। ਸ਼ਸ਼ਾਂਕ ਸਿੰਘ ਅਤੇ ਰਾਹੁਲ ਤੇਵਤੀਆ ਚੰਗੇ ਫਿਨਿਸ਼ਰ ਹਨ। ਨਟਰਾਜਨ ਦੀ ਤੇਜ਼ ਗੇਂਦਬਾਜ਼ੀ ਵੀ ਫ਼ਰਕ ਪਾ ਸਕਦੀ ਹੈ।
ਹਾਂਗਕਾਂਗ ਸਿਕਸਜ਼ ਲਈ ਭਾਰਤੀ ਟੀਮ
ਭੁਵਨੇਸ਼ਵਰ ਕੁਮਾਰ (ਕਪਤਾਨ), ਕਰੁਣਾਲ ਪੰਡਯਾ, ਸ਼ਸ਼ਾਂਕ ਸਿੰਘ, ਰਾਹੁਲ ਤੇਵਤੀਆ, ਨਿਤੀਸ਼ ਰਾਣਾ, ਰਾਹੁਲ ਤ੍ਰਿਪਾਠੀ ਅਤੇ ਟੀ. ਨਟਰਾਜਨ।
ਭਾਰਤ ਦਾ 2025 ‘ਚ ਮਾੜਾ ਪ੍ਰਦਰਸ਼ਨ
ਭਾਰਤੀ ਟੀਮ ਹਾਂਗਕਾਂਗ ਸਿਕਸਜ਼ ‘ਚ ਚੰਗਾ ਪ੍ਰਦਰਸ਼ਨ ਕਰਨ ਦੀ ਕੋਸ਼ਿਸ਼ ਕਰੇਗੀ। ਉਨ੍ਹਾਂ ਨੇ ਆਪਣੀ 2025 ਦੀ ਮੁਹਿੰਮ ਦੀ ਸ਼ੁਰੂਆਤ ਡਕਵਰਥ-ਲੂਈਸ ਵਿਧੀ ਦੇ ਤਹਿਤ ਪਾਕਿਸਤਾਨ ਨੂੰ ਦੋ ਦੌੜਾਂ ਨਾਲ ਹਰਾ ਕੇ ਕੀਤੀ ਸੀ, ਪਰ ਬਾਅਦ ਦੇ ਮੈਚ ਹਾਰਨ ਤੋਂ ਬਾਅਦ ਟੂਰਨਾਮੈਂਟ ਤੋਂ ਬਾਹਰ ਹੋ ਗਏ।
ਪਾਕਿਸਤਾਨ ਡਿਫੈਂਡਿੰਗ ਚੈਂਪੀਅਨ
ਪਾਕਿਸਤਾਨ 2026 ਦੇ ਟੂਰਨਾਮੈਂਟ ‘ਚ ਡਿਫੈਂਡਿੰਗ ਚੈਂਪੀਅਨ ਵਜੋਂ ਪ੍ਰਵੇਸ਼ ਕਰੇਗਾ। ਉਨ੍ਹਾਂ ਨੇ ਪਿਛਲੇ ਸਾਲ ਫਾਈਨਲ ‘ਚ ਡੈਬਿਊ ਕਰਨ ਵਾਲੇ ਕੁਵੈਤ ਨੂੰ ਹਰਾ ਕੇ ਰਿਕਾਰਡ ਛੇਵੀਂ ਵਾਰ ਹਾਂਗਕਾਂਗ ਸਿਕਸਜ਼ ਦਾ ਖਿਤਾਬ ਜਿੱਤਿਆ ਸੀ। 2026 ਦੇ ਟੂਰਨਾਮੈਂਟ ‘ਚ ਅੱਠ ਪ੍ਰਮੁੱਖ ਕ੍ਰਿਕਟ ਖੇਡਣ ਵਾਲੇ ਦੇਸ਼ਾਂ ਦੇ ਨਾਲ-ਨਾਲ ਚਾਰ ਐਸੋਸੀਏਟ ਮੈਂਬਰ ਦੇਸ਼ ਵੀ ਸ਼ਾਮਲ ਹੋਣਗੇ।
ਕੀ ਹੈ ਹਾਂਗਕਾਂਗ ਸਿਕਸਜ਼ ਟੂਰਨਾਮੈਂਟ
ਹਾਂਗਕਾਂਗ ਸਿਕਸਜ਼ ਟੂਰਨਾਮੈਂਟ ਕਵਾਂਗ ਰੋਡ ਰੀਕ੍ਰੀਏਸ਼ਨ ਗਰਾਊਂਡ ‘ਚ ਤਿੰਨ ਦਿਨਾਂ ਲਈ ਕੀਤਾ ਜਾਵੇਗਾ। ਇਹ ਕ੍ਰਿਕਟ ਦੇ ਸਭ ਤੋਂ ਵੱਕਾਰੀ ਸ਼ਾਰਟ-ਫਾਰਮੈਟ ਟੂਰਨਾਮੈਂਟਾਂ ‘ਚੋਂ ਇੱਕ ਹੈ। ਹਰੇਕ ਟੀਮ ‘ਚ ਛੇ ਖਿਡਾਰੀ ਹੁੰਦੇ ਹਨ। ਵਿਕਟਕੀਪਰ ਨੂੰ ਛੱਡ ਕੇ ਹਰੇਕ ਗੇਂਦਬਾਜ਼ ਇੱਕ ਓਵਰ ਗੇਂਦਬਾਜ਼ੀ ਕਰਦਾ ਹੈ।
Read More: IND ਬਨਾਮ WI: ਭਾਰਤ ਖ਼ਿਲਾਫ ਟੀ20 ਸੀਰੀਜ਼ ਲਈ ਵੈਸਟਇੰਡੀਜ਼ ਟੀਮ ‘ਚ ਆਮਿਰ ਜਾਂਗੂ ਦੀ ਚੋਣ
