ਸਪੋਰਟਸ, 30 ਸਤੰਬਰ 2026: Asian Games 2026: ਭਾਰਤੀ ਤੀਰਅੰਦਾਜ਼ਾਂ ਨੇ ਬੁੱਧਵਾਰ ਸਵੇਰੇ ਏਸ਼ੀਆਈ ਖੇਡਾਂ 2026 ‘ਚ ਭਾਰਤ ਨੂੰ ਇੱਕ ਸ਼ਾਨਦਾਰ ਤੋਹਫ਼ਾ ਦਿੱਤਾ। ਭਾਰਤੀ ਟੀਮ ਨੇ ਤਿੰਨੋਂ ਕੰਪਾਊਂਡ ਤੀਰਅੰਦਾਜ਼ੀ ਮੁਕਾਬਲਿਆਂ ‘ਚ ਸੋਨ ਤਗਮੇ ਜਿੱਤੇ। ਪੁਰਸ਼ ਟੀਮ ਨੇ ਫਾਈਨਲ ‘ਚ ਚੀਨ ਨੂੰ 238-237 ਨਾਲ ਹਰਾ ਕੇ ਦਿਨ ਦਾ ਤੀਜਾ ਤੀਰਅੰਦਾਜ਼ੀ ਸੋਨ ਤਗਮਾ ਜਿੱਤਿਆ ਹੈ। ਮਹਿਲਾ ਟੀਮ ਅਤੇ ਮਿਕਸਡ ਟੀਮ ਨੇ ਪਹਿਲਾਂ ਵੀ ਸੋਨ ਤਗਮਾ ਜਿੱਤਿਆ ਸੀ।
ਤਿੰਨੋਂ ਭਾਰਤੀ ਤੀਰਅੰਦਾਜ਼ 21 ਸਾਲਾ ਕੁਸ਼ਲ ਦਲਾਲ, 25 ਸਾਲਾ ਸਾਹਿਲ ਰਾਜੇਸ਼ ਅਤੇ 20 ਸਾਲਾ ਮਣੀ ਰਤਨਮ ਗਣੇਸ਼ ਤਿਰੂਮੂਰੂ ਦੀ ਤਿਕੜੀ ਨੇ ਦਬਾਅ ਹੇਠ ਸੰਜਮ ਬਣਾਈ ਰੱਖਿਆ ਅਤੇ ਭਾਰਤ ਨੂੰ ਸੋਨ ਤਗਮਾ ਪੱਕਾ ਕੀਤਾ।
ਸਾਹਿਲ ਰਾਜੇਸ਼, ਕੁਸ਼ਲ ਦਲਾਲ ਅਤੇ ਮਣੀ ਰਤਨਮ ਗਣੇਸ਼ ਦੀ ਭਾਰਤੀ ਤਿਕੜੀ ਨੇ ਚੀਨ ਵਿਰੁੱਧ ਫਾਈਨਲ ‘ਚ ਸ਼ਾਨਦਾਰ ਖੇਡ ਦਿਖਾਈ। ਤਿੰਨ ਦੌਰ ਅਤੇ 18 ਸ਼ਾਟ ਤੋਂ ਬਾਅਦ, ਭਾਰਤ ਇੱਕ ਅੰਕ ਨਾਲ ਪਿੱਛੇ ਸੀ। ਚੀਨ ਦਾ ਸਕੋਰ 179 ਸੀ, ਜਦੋਂ ਕਿ ਭਾਰਤ ਦਾ 178 ਸੀ। ਫਿਰ ਭਾਰਤੀ ਟੀਮ ਨੇ ਫਾਈਨਲ ਦੌਰ ‘ਚ ਮੈਚ ਬਦਲ ਦਿੱਤਾ।
ਭਾਰਤ ਨੇ ਅੱਜ ਤਿੰਨੋਂ ਕੰਪਾਊਂਡ ਤੀਰਅੰਦਾਜ਼ੀ ਮੁਕਾਬਲਿਆਂ ਵਿੱਚ ਸੋਨ ਤਗਮਾ ਜਿੱਤਿਆ। ਪਹਿਲਾਂ, ਚਿਕਿਥਾ ਤਾਨੀਪਾਰਥੀ, ਪ੍ਰਿਥਿਕਾ ਪ੍ਰਦੀਪ ਅਤੇ ਜੋਤੀ ਸੁਰੇਖਾ ਵੇਨਮ ਦੀ ਮਹਿਲਾ ਕੰਪਾਊਂਡ ਟੀਮ ਨੇ ਚੀਨ ਨੂੰ ਹਰਾ ਕੇ ਸੋਨ ਤਗਮਾ ਜਿੱਤਿਆ। ਫਿਰ ਚਿਕਿਥਾ ਅਤੇ ਸਾਹਿਲ ਜਾਧਵ ਦੀ ਮਿਕਸਡ ਟੀਮ ਨੇ ਦੱਖਣੀ ਕੋਰੀਆ ਨੂੰ ਹਰਾ ਕੇ ਭਾਰਤ ਨੂੰ ਆਪਣਾ ਦੂਜਾ ਸੋਨ ਤਗਮਾ ਦਿਵਾਇਆ। ਪੁਰਸ਼ ਟੀਮ ਨੇ ਵੀ ਚੀਨ ਵਿਰੁੱਧ ਫਾਈਨਲ ਜਿੱਤਿਆ, ਤੀਰਅੰਦਾਜ਼ੀ ‘ਚ ਭਾਰਤ ਦੀ ਗੋਲ੍ਡ ਦੀ ਹੈਟ੍ਰਿਕ ਪੂਰੀ ਕੀਤੀ।
Read More: ਏਸ਼ੀਆਈ ਖੇਡਾਂ 2026: ਨੀਰੂ ਢਾਂਡਾ ਨੇ ਸ਼ੂਟਿੰਗ ਮੁਕਾਬਲੇ ‘ਚ ਜਿੱਤਿਆ ਸੋਨ ਤਗਮਾ
